Стипе Р., сопственик на пицерија во стариот дел на Дизелдорф беше уапсен минатата година поради трговија со дрога. Неговиот специјалитет, пица број 40, стана синоним за нелегални активности, бидејќи клиентите кои ја нарачале всушност добивале пакетчиња кокаин.

Стипе Р. се соочува со тешки обвиненија, а судењето почна денес. Се очекува да трае до 12 февруари кога треба да се донесе пресуда. Доколку биде прогласен за виновен, може да добие неколкугодишна затворска казна.

Овој случај привлече големо внимание во Германија, а истрагата откри и мрежа за шверц на дрога во која учествуваа повеќе лица.

За време на неговите години во бизнисот, Стипе Р. стана познат по својата уникатна понуда – пица број 40. Сепак, она што изгледаше како обична пица, всушност беше покритие за шверцот на кокаин. Секоја нарачка од оваа пица вклучувала дрога од 40 евра, а државното обвинителство тврди дека оваа дејност со години ја водел Стипе Р.

Се посомневале дека работи на црно

Истрагата започна кога властите ја прегледаа неговата пицерија во март минатата година поради сомневање за незаконско работење. При увидот, инспекторите забележале пица со сомнителни состојки, по што дошло до интервенција на полицијата. Набргу потоа на вратата на Стипе Р тропнала полицијата, кој во паника од балконот фрлил кеса во која имало речиси 264.000 евра, повеќе од 200 грама канабис и околу 1,6 килограми кокаин. Чантата паднала директно во рацете на полицајците кои биле надвор од зградата, по што започнала сериозна истрага.

Трговија со дрога и обид за бегство

По првото апсење, Стипе Р. бил ослободен, но тој не се откажал од своите незаконски активности. Тој продолжил да ја продава „пицата број 40“ и повторно бил уапсен во август 2023 година, овој пат поради обид за бегство во Хрватска. Тој планирал да ја продаде својата продавница и да побегне од Германија, но инспекторите му влегле во трага и го уапсиле поради обид илегално да ја напушти земјата.

Истрагата не запре со Стипе Р. Во октомври 2023 година, врз основа на информации добиени од надзорот на неговата пицерија, полицијата уапси неколку лица поврзани со дрога. Меѓу уапсените е и 22-годишниот водач на банда, како и лица од други градови, вклучувајќи ги Келн и Хан. Во рациите низ Германија, беше разбиена криминална мрежа за шверц на дрога и беа пронајдени две плантажи со канабис. Запленети се и нелегални предмети, меѓу кои и оружје, скапи часовници и готовина.

„Опен АИ“, „Оракл“ и „Софт банк“ објавија партнерство за изградба на центри за податоци посветени на вештачката интелигенција (ВИ) со план веднаш да инвестираат 100 милијарди долари.

На настан во Белата куќа, во присуство на извршните директори на трите компании, американскиот претседател Доналд Трамп рече дека овој план е јасна декларација за доверба во потенцијалот на Америка.

Проектот наречен „Старгејт“ вклучува инвестиција од 500 милијарди долари во следните четири години, се вели во соопштението на „ОпенАИ“ и „Софт Банк“. Извршниот директор на „Опен АИ“, Сем Алтман го опиша проектот како најважниот потфат на оваа ера и му се заблагодари на претседателот Трамп за неговата поддршка, а работата веќе е започната.

Проектот вклучува изградба на инфраструктура за вештачка интелигенција, како што се центри за податоци, кои, според Трамп, би можеле да создадат повеќе од 100.000 работни места. Првите центри се веќе во изградба во Тексас, а планирана е изградба на дополнителни локации, изјави Лари Елисон, главен технолошки директор на „Оракл“. Покрај нив, во проектот се вклучени и други технолошки гиганти, вклучувајќи ги „Мајкрософт“, НВИДИА и „Арм“.

Проектот доаѓа во време на големи инвестиции во индустријата за вештачка интелигенција, особено во специјализирани центри за податоци потребни за управување со технологии како „Чет џи-пи-ти“. Сепак, зголемената побарувачка за овие центри предизвикува загриженост за влијанието врз снабдувањето со енергија и улогата на странските инвеститори. Мајкрософт, еден од главните инвеститори во „Oпен АИ“, објави дека планира да инвестира 80 милијарди долари во центри за податоци за вештачка интелигенција оваа година. Амазон исто така најави слични проекти, секој вреден 10 милијарди долари.

Според извештајот на „Мек кенси компани“, глобалната побарувачка за капацитет на центрите за податоци би можела тројно да се зголеми до 2030 година, растејќи меѓу 19 и 27 отсто годишно. Но, аналитичарите предупредуваат дека овој раст може да биде забавен поради проблеми како што се недостаток на енергија, земјиште и сложени процедури за лиценцирање.

Поранешниот претседател Џо Бајден воведе правила за ограничување на извозот на чипови со вештачка интелигенција во одредени земји и издаде наредби за развој на центри за податоци на владино земјиште, со акцент на употребата на чиста енергија. Ова може да стане клучно во понатамошниот развој на одржлива инфраструктура за вештачка интелигенција.

Холандската влада им понуди на сириските граѓани 900 евра во готовина за доброволно враќање во својата земја, што е речиси двојно повеќе од максималниот износ од 500 евра во готовина што обично им се дава на барателите на азил за доброволно заминување, објавија холандските медиуми.

За возврат, Сиријците мора да потпишат изјава за повлекување на барањето за азил или враќање на дозволата за привремен престој, пишува NL Times.

Враќање во Холандија после тоа не е можно, пишува холандскиот портал.

Додека многу земји-членки на ЕУ разговараат за доброволно враќање на бегалците во нивната татковина, некои веќе воведоа конкретни мерки за поттикнување на овој процес, наведува „Геополитика“.

Австрија направи преседан нудејќи 1.000 евра на секој Сириец кој ќе се согласи да се врати.

Данска отиде чекор понатаму, нудејќи значителни финансиски стимулации – 27.000 евра за возрасни и 6.700 евра по дете – за доброволно враќање во Сирија.