Свет
Германија направи план како да го трансфомира секојдевниот живот во случај на војна
![](https://makfax.com.mk/wp-content/uploads/2024/06/Screenshot-2024-06-09-151443.jpg)
За првпат по Студената војна, Германија ги ажурираше своите планови во случај на војна во Европа.
Оваа недела беше објавен документ од 67 страници, познат како „Рамковна директива за целосна одбрана“, во кој детално се опишани плановите за целосно трансформирање на секојдневниот живот на германските граѓани во случај на војна.
Овој документ го привлече вниманието на јавноста за неговите детални планови за регрутирање, снабдување со храна и ресурси, како и мерките за цивилна заштита во случај на итност.
Во документот се наведува дека, во случај на војна, ќе биде вратен задолжителниот регрут во армијата, а квалификуваните работници на возраст над 18 години ќе бидат ангажирани на одредени работни места, како што се работа во пекари и пошти.
Исто така, лекари, психолози, медицински сестри и ветеринари би работеле во војската и владините служби.
Во случај на недостиг на храна, Владата ќе создаде резерви на храна за да им обезбеди на граѓаните „еден топол оброк на ден“.
Резервите би вклучувале храна како ориз, мешунки и кондензирано млеко, додека бензинот и маслото би можеле да се рационализираат со купони доколку станат оскудни.
Документот, исто така, ги наведува мерките за цивилна заштита, вклучително и претворање на подземните станици во импровизирани бункери и подготовка на болници за прилив на пациенти.
Нагласена е и важноста германските болници да бидат подготвени да лекуваат голем број пациенти во подолг временски период, како и граѓаните да бидат подготвени да си помогнат себеси и на своите соседи.
Германското Министерство за одбрана планира значително да ги зајакне резервните сили до 60.000 мажи и жени, со цел да го поддржи Бундесверот во исполнувањето на задачите на националната и сојузничката одбрана.
Ваквите планови доаѓаат по заканите на рускиот претседател Владимир Путин за европската безбедност, а изјавата на германскиот министер за одбрана Борис Писториус ја нагласува потребата земјата да се подготви за војна до 2029 година.
Тоа предизвика полемики во јавноста, со оглед на тоа што задолжителниот воен рок беше укинат во 2011 година.
Документот открива детални планови во случај на војна и ја нагласува потребата да се подготват сите сегменти на општеството за потенцијални вонредни околности.
Со оглед на моменталната геополитичка ситуација, тоа предизвикува различни реакции и отвора прашања за иднината и безбедноста на Европа, пишува Index.hr.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.