„Ненадејна тишина завладеа во судницата во Авињон додека три големи телевизиски екрани поставени високо на три ѕида накратко затреперија додека се вклучуваа. Можеше да се почувствува дека луѓето се подготвуваат за нешто болно. Дојде време да се прикажат повнимателно избраните снимки од Доминик Пелико, кому му се суди затоа што со години ја дрогирал сопругата и потоа довел десетици мажи да ја силуваат“, јавува Би-би-си.

Видеата, снимени од Пелико и складирани на хард диск што тој го означи со зборот „злоупотреба“, ги документираат нападите врз неговата поранешна сопруга Жизел во текот на една деценија. Педесет мажи се обвинети дека ја силувале откако сопругот ја дрогирал и ја оставил во несвест во брачниот кревет.

Жизел Пелико, која сега има 72 години, се откажа од својата анонимност за да ѝ бидат откриени на француската јавност целосните детали за тоа на што била изложена. Нејзините адвокати се бореа да бидат прикажани видеата од злосторството на суд.

Иако судијата претходно изјави дека на луѓето со „чувствителен карактер“ ќе им биде дозволено да си заминат, една од адвокатите од адвокатскиот тим на Жизел Пелико, рече дека многумина избрале „да го погледнат силувањето право во очи“. Многу од мажите кои нејзиниот поранешен сопруг ги регрутирал на интернет, инсистираат на тоа дека не верувале дека тоа што го прават е силување.

На денот кога се пуштаа касетите во судницата, Доминик Пелико седеше зад стаклената плоча, со левата рака подигната за да му го блокира погледот на екранот. Жизел Пелико седеше на спротивната страна, со главата потпрена на ѕидот, со очите повремено затворени. Нејзиниот израз беше празен.

На екранот, во целосна тишина, можеше да се види низок, блед човек во само сини гаќи и црни чорапи како се приближува до креветот. Камерата се тресеше додека го следеше. Зад мажот, од левата страна, речиси гола, на стуткан бел чаршаф лежеше жена. И тогаш, без никакви промени на снимката, без никакво замаглување, започнаа сексуалните дејствија.

На видеото можеше јасно да се слушне како жената на моменти ‘рчи. Доминик Пелико ги стави двете раце на ушите. Тој со години додавал лек против анксиозност во храната и пијалокот на жената, поради што таа останала без свест, а лекот сериозно влијаел и на нејзиното здравје.

Обвинителите тврдат дека сите 50 мажи кои ги прифатиле онлајн поканите на Пелико да ја посетат семејната куќа во селото Мазан, во близина на Авињон, сигурно знаеле дека неговата сопруга е во несвест. Затоа, тие мораа да сфатат дека таа не е согласен партнер во некаква сексуална игра во која само се преправаше дека спие. Затоа сигурно имале намера да ја силуваат, стои во аргументот на обвинителот.

Бездомник кој турна човек на шините на метрото пред воз што доаѓа, е осуден на доживотен затвор, но по осум години ќе има право на условно ослободување. 24-годишниот Брва Шорш вчера беше осуден за обид за убиство во судот во Лондон.

На 3 февруари оваа година, Шорш го турна поштарот Тадеуш Поточек од платформата на станицата Оксфорд Циркус. Поточек, кој во моментот на нападот имал 60 години, се враќал од работа дома.

Поминал покрај Шорш кој седел на клупата. Без никаква причина, Шорш скокнал и го турнал Поточек од платформата на шините. Поточек успеал да остане на нозе и случаен минувач му помогна да се искачи назад на перонот пред возот да пристигне на станицата.

Disturbing footage captures 24-year-old Brwa Shorsh pushing 61-year-old mailman Tadeusz Potoczek onto the tracks of the London Underground in front of an oncoming train. Fortunately, the train stopped in time, and Potoczek avoided touching the live rail.

The train driver said… pic.twitter.com/jTvmHy92WC

— Morbid Knowledge (@Morbidful) September 7, 2024

Машиновозачот на возот што доаѓал рекол дека Поточек „ќе загинел ако бил на шините неколку секунди подоцна“. Судијата Келехер на случајниот минувач кој му помогна на Поточек му додели 1.000 фунти, пофалувајќи ја неговата храброст и брзи постапки.

Шорш, курдски мигрант, спие на улиците во Англија од 2020 година. Тој побегнал пред да дојде полицијата, но подоцна истиот ден бил уапсен. На полицајците им рекол дека го турнал Поточек на шините бидејќи Поточек „му упатил грд поглед“.

„Брва Шорш се обиде да ја убие жртвата со намерно и насилно туркање пред возот што доаѓа. Невозможно е да се замисли нешто што може да оправда туркање некого пред воз“, рече Максин Жарус-Џонс, виш обвинител на Кралството.

„Да не беше брзото размислување на жртвата, храброста на случајниот минувач кој му пријде на помош и брзината со која машиновозачот го запре возот, постапките на Шорш можеа да ја чинат жртвата живот“, додаде таа. .

Чеченскиот лидер Рамзан Кадиров ги обвини руските пратеници од соседните региони Дагестан и Ингушетија дека го подготвуваат неговиот атентат и им се закани со крвна одмазда доколку не ја докажат својата невиност.

„Има сведоци, луѓе од кои го нарачале убиството. Прашаа колку би сакале за нарачката“, рече Кадиров за време на состанокот со чеченските безбедносни сили.

Кадиров како одговорни за наводниот заговор ги именуваше дагестанскиот сенатор Сулејман Керимов и двајцата пратеници на Државната дума, Бехан Барахоев од Ингушетија и Ризван Курбанов од Дагестан.

„Ако не го докажат спротивното, официјално ќе наредам крвна одмазда“, рече тој. Крвната одмазда во Чеченија се однесува на чинот на одмазда на непријателот со нивно убивање или убивање на нивните роднини, пишува Политико.

На истиот состанок, Кадиров, исто така, ги обвини тројцата дека се одговорни за пукањето во септември во московската канцеларија на Wildberries, најголемиот руски онлајн трговец на мало.