Европа
Германската војска по грешка продала лаптоп со тајни информации
Германската војска продала користен лаптоп кој сè уште содржел доверливи информации, објавија германските медиуми за време на викендот.
Според весникот „Зидојче цајтунг“, станува збор за оперативни упатства за лансирна ракетна рампа за Марс, класифицирaни како доверливи информации само за службена употреба, поради што очигледно е дека хард-дискот на компјутерот не бил избришан пред продажбата.
Од Министерството за одбрана за германскиот весник изјавиле дека од насоките за ракетната рампа не може да се добие никаков пресуден увид, пренесува хрватски „Индекс“.
Според „Зидојче цајтунг“, купувачот, инаку баварски шумар, набавил четири лаптоп-компјутери од „Вебег“, организација која продава користени владини компјутери, преку платформата „Ибеј“ во 2018 година.
Еден од компјутерите сè уште имал инсталиран оперативен систем и доколку името на последниот корисник било внесено како лозинка, се отклучувале доверливите содржини.
Шумарот во март го известил министерството за неговото откритие.
Министерството објаснило дека по пријавата на шумарот започнало сериозна истрага во врска со користењето на застарената ИТ-опрема и дека било утврдено оти во 2016 година уште еден лаптоп со неизбришан хард-диск бил продаден преку „Вебег“.
Министерството додало дека не е можно да се утврди дали и во тој случај во компјутерот имало доверливи информации.
Баварскиот шумар вратил еден компјутер, а останатите три ги задржал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.