Свет
Германски поштар не доставил пошта четири години, дома чувал 30.000 пратки
Веќе поранешниот вработен во „Дојче пост“ со години не доставувал пошта во германскиот град Папенбург, туку пратките ги чувал дома. По анонимна дојава на 2 јануари, компанијата повикала полиција, изјави портпаролката на „Дојче пост“ за медиумите.
Портпаролката не даде никакви информации за точниот број на неиспорачаните пакети или временскиот период во кој поштарот ги собрал. Според истражувањето на споменатиот весник, во куќата на поштарот биле пронајдени околу 30.000 писма и дополнителни списанија што не биле доставени во период од четири години. Според портпаролката на компанијата, поштарот повеќе не работи за нив.
Портпаролот на полицијата во Емсланд потврди дека е поведена истрага.
„Постојат планини од пошта за сортирање“, рече тој. Сепак, тој не соопшти никакви детали.
Според поштенската служба, пронајдените пратки сега се внимателно прегледани од „Дојче пост“ и со писмо за извинување се проследени до примателите.
„Доколку тоа не е можно во поединечни случаи, пакетите ќе му бидат вратени на испраќачот со писмо со објаснување“, изјави портпаролката на поштата.
Неодамна, вработен во пошта во Австрија беше осуден на десет месеци условна затворска казна поради злоупотреба на положбата бидејќи, според сопствените изјави, не доставил околу 14.000 писма и 263 службени документи.
Човекот ги собирал писмата од јуни 2022 година до април 2023 година во својот стан, во автомобилот и во шкафче во базата за испорака. Делото го оправдувал со прекумерна работа, што довело до пиење алкохол, но и приватни проблеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија има сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.