Свет
Aмериканска банка ќе ги отпуштa невакцинираните работници

Вработените во „Ситигруп“ (Citigroup) во САД кои нема да бидат вакцинирани против Ковид-19 до 14 јануари ќе бидат ставени на неплатено отсуство и отпуштени на крајот од месецот, освен ако не добијат медицинско изземање, објави Си-ен-ен.
Станува збор за американска банка која во октомври го објави својот план да наметне нови правила за вакцинација и сега станува првата голема институција на Волстрит што ја следи политиката за наметната вакцинација.
Овој потег доаѓа во време кога финансиската индустрија се бори со тоа како безбедно да ги врати работниците во канцелариите и да се врати нормалниот начин на работа, со оглед на тоа што новата варијанта на омикрон незапирливо се шири.
Други големи банки од Волстрит, вклучително и Голдман Сакс (GS), Морган Стенли (MS) и Џеј-Пи Морган Чејс (JPM), побарале од некои невакцинирани вработени да работат од дома, но ниту една сè уште не отишла толку далеку што ќе започне со отпуштања.
Додека „Ситигруп“ е првата банка на Волстрит што наложува задолжителна вакцинација, неколку други големи американски компании воведоа правила „без вакцинa, без работa“ (No jab, no job), вклучувајќи ги „Гугл“ и „Јунајтед Ерлајнс“, со различен степен на строгост.
Повеќе од 90 отсто од вработените во „Ситигруп“ ги исполниле своите обврски досега, а тој број рапидно расте, вели извор запознат со ситуацијата.
„Ситигруп“ најави дека ќе ги оценува исклучоците по верски, медицински или други основи одделно, случај по случај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ројтерс: Луѓето на Трамп го предупредија Катар и неговите сојузници неколку часа пред израелскиот напад

Американскиот Стејт департмент однапред информирал неколку регионални сојузници на Блискиот Исток за планираниот израелски напад врз Иран, неколку часа пред почетокот на операцијата, тврдат тројца извори запознаени со ситуацијата, пренесува Ројтерс.
Во дипломатската нота испратена во четвртокот попладне, Стејт департментот потврдил дека израелскиот напад ќе се случи доцна во ноќта. Катар бил меѓу земјите кои го добиле предупредувањето.
Во пораката се наведува дека Вашингтон не учествувал во израелската операција ниту дал каква било поддршка. Се истакнува и дека претседателот Доналд Трамп јасно ја изразил својата желба за мир во регионот, но и цврстиот став дека на Техеран не смее да му се дозволи да развива нуклеарно оружје.
За потсетување, Израел започна бран воздушни напади низ Иран ноќта меѓу четвртокот кон петокот, тврдејќи дека погодил нуклеарни локации, ракетни фабрики и високи воени команданти, што може да биде долготрајна операција чија цел е да се спречи Иран да развие атомска бомба.
Стејт департментот не одговори веднаш на барањето за коментар.
Свет
Најмалку 86 загинати и 341 ранети во израелските воздушни напади

Најмалку 86 лица загинаа, а 341 беа ранети во израелските воздушни напади во петокот, објави иранската новинска агенција Фарс, цитирана од „Анадолија“.
Во главниот град Техеран загинаа 78 лица, а 329 беа ранети. Најмалку уште осум лица ги загубија животите, а 12 се ранети во нападите на Табриз, град во северозападниот дел на Иран.
Израел започна сеопфатна воена операција против Иран, во која учествуваа 200 борбени авиони. Целите беа иранската нуклеарна програма и можностите за лансирање ракети со долг дострел.
Во нападите загинаа високи воени функционери и научници кои работеа на нуклеарната програма.
Премиерот Бенјамин Нетанјаху рече дека целната воена операција ќе продолжи се додека е потребно.
Иран вети строга казна и побара итен состанок на Советот за безбедност на Обединетите нации.
Американскиот претседател Доналд Трамп на социјалната мрежа „Вистина“ објави дека му дал на Иран „можност за договор“ и го повика да ја искористи сега, „пред да биде предоцна“.
Оваа ескалација фрла сомнеж за иднината на нуклеарните преговори меѓу Техеран и Вашингтон, кои се водат со посредство на Оман. Шестата рунда индиректни преговори, закажана за в недела, сега најверојатно ќе биде откажана, велат извори запознаени со ситуацијата.
Свет
Новиот командант на Иранската револуционерна гарда: „Наскоро ќе се отворат портите на пеколот“

Новоименуваниот командант на иранската револуционерна гарда, Мохамад Пакпур, се закани со жестока одмазда за израелските напади во кои беше убиен неговиот претходник, Хосеин Салами.
„Како одмазда за крвта на нашите убиени команданти, научници и граѓани, портите на пеколот наскоро ќе се отворат за овој режим кој убива деца“, рече Пакпур во изјавата што ја пренесе иранската државна новинска агенција ИРНА.