Свет
Голема рација во Германија: полицијата упадна во становите на екстремните десничари

Германската министерка за внатрешни работи, Ненси Фезер, денеска ја забрани десничарската екстремистичка група позната како Artgemeinschaft (Расна заедница).
Утрово, полицајци извршија рација во 26 стана поврзани со 39 члена на здружението и соби поврзани со здружението во 12 германски покраини, соопшти Министерството за внатрешни работи. На забраната на таа екстремистичка организација се работи повеќе од една година.
Фезер ја опиша организацијата како „секташка, длабоко расистичка и антисемитска група“.
„Оваа десничарска екстремистичка група се обиде да собере нови непријатели на уставот со одвратна индоктринација на децата и младите“, додаде таа.
Забраната ги опфаќа и сите здруженија на движењето, а за кое безбедносните власти веруваат дека има околу 150 члена.
Минатата недела, германското Министерство за внатрешни работи ја забрани екстремно десничарската група „Чекани Германија“, 20-та десничарска екстремистичка организација во Германија, која досега беше забранета.
Групата се противи на уставниот поредок и на идејата за меѓународно разбирање, соопшти Министерството, објаснувајќи го овој потег. Целта и активностите на здружението биле против кривичниот закон.
Концертите организирани од групата беа искористени за ширење десничарската екстремистичка идеологија меѓу оние што не се членки, се вели во извештајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Свет
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Свет
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.