Свет
Големи пожари во Тексас, зафатени 500.000 хектари земја
Големи шумски пожари во Тексас продолжуваат да беснеат додека сите противпожарни служби се обидуваат да го задржат пламенот, пишува Гардијан.
Пожарот во Смоукхаус Крик е втор по големина шумски пожар во Тексас досега, кој проголта повеќе од 500.000 хектари во Тексас Панхендл откако започна во понеделникот.
In pictures: Smokehouse Creek fire, the second largest wildfire in state history, rages through Texas, burning nearly 1300 square kilometres pic.twitter.com/zyXCKslv2b
— TRT World Now (@TRTWorldNow) February 28, 2024
Пожарот моментално не е под контрола, а жителите на неколку окрузи во Тексас се евакуирани.
Пожарот се прошири нашироко поради невообичаено високите температури и силниот ветер, а пламенот се засили на сувите тревни површини.

Вчера беше наредена задолжителна евакуација за неколку окрузи во Тексас, откако гувернерот Грег Абот прогласи катастрофална состојба. Повеќе од 4.000 домови во Тексас моментално се без струја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

