Свет
Голем број земји се соочени со недостиг од респиратори
Како што се шири пандемијата на коронавирус (бројот на пријавени случаи надминува 2,2 милиони), државите ширум светот се обидуваат да дојдат до дополнителна медицинска опрема потребна за спасување на животи.
Експертите предупредуваат дека оваа пандемија може да ги погоди земјите кои немаат опрема и инфраструктура, или оние со послаба здравствена заштита.
На пример, Јужен Судан има само четири респиратори и 24 кревети во интензивен оддел за 12 милиони жители. Ова значи дека има еден респиратор на три милиони луѓе.
Буркина Фасо има 11 респиратори, Сиера Леоне 13, Средноафриканската Република 3, додека Венецуела има 84 кревети во единицата за интензивна нега со население од 32 милиони жители.
„Веќе бевме сведоци на пандемија што брзо ги совладува здравствените системи во земји со релативно напредна здравствена заштита“, рече за „Си-ен-ен“, Елинор Раикс, раководител на Меѓународниот комитет за помош.
70% од заразените пациенти на интензивна нега имаат потреба од респиратор
Велика Британија, со регистрирани повеќе од 110.000 случаи, има потреба од дополнителни 18.000 респиратори. Франција планира да произведе 10.000 дополнителни респиратори, а Германија во април испрати 50 во Шпанија и 60 во Велика Британија.
„На Интензивна нега, ние не нудиме лечење на коронавирус, туку поддршка на телото за да се забрза закрепнувањето“, изјави лекарот од Велика Британија Алисон Питард. Таа објасни дека меѓу 15 до 20 отсто од хоспитализираните случаи на ковид-19 и 70 проценти од заразените пациенти на интензивна нега имаат потреба од респиратор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку две лица загинаа, а голем број се повредени во торнадото во Тексас и Оклахома
Најмалку две лица загинаа, а голем број се повредени во торнадото што ги погоди американските сојузни држави Тексас и Оклахома.
Торнадото предизвика штети на автопатот што ги поврзува двете држави, како и на домови и далноводи во бројни градови во Тексас, Оклахома и Арканзас, оставајќи 250.000 домаќинства без струја.
„Торнадо го погоди округот Дентон во саботата вечерта, а нема извештаи за повредени“, соопштија локалните власти.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.