Свет
Голем пожар во Берлин: многу повредени

Во еден ресторан во Берлин утринава избувнал пожар, а според информациите од противпожарната служба, во инцидентот се повредени голем број луѓе.
Портпаролот на противпожарната служба изјави дека пожарот првично избувнал во приземјето, каде што се наоѓа ресторанот, а подоцна се проширил и на првиот кат од станбената зграда, пренесува „Билд“.
Причината за пожарот сè уште не е позната, според медиумот.
Портпаролот на противпожарната бригада изјави за германската новинска агенција ДПА дека четири лица се пренесени во болница поради сомневање за труење со чад.
На неповредените жители им била укажана помош на самото место и им бил даден чај и ќебиња.
„Нема повеќе луѓе во опасност“, изјави портпаролот на противпожарната служба.
Многу станари морале да ги напуштат домовите, а според противпожарната служба, неколку станови веќе не се вселиви. Еден од жителите пријавил силна бучава, а потоа забележал чад на скалите и ја напуштил зградата, пренесува порталот „Фокус“.
Пожарот, најверојатно, избувнал во ресторанот на приземјето на комерцијалната и станбена зграда и преку цевките за вентилација се проширил до покривот, изјави портпаролот на противпожарната служба. Пожарникарите со специјален алат го отвориле покривот за да може да излезе чадот, а оштетени се и некои соседни згради.
Најмалку 20 противпожарни возила се на терен, вклучително и многу амбулантни возила, јави новинарот на ДПА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Би-Би-Си“: Европа сака да покаже дека е клучна за договорот за Украина

И покрај неуспехот да се обезбеди прекин на огнот, Европа сега се обидува да му покаже на американскиот претседател Доналд Трамп дека е клучна за мировниот договор што тој го сака, пишува „Би-Би-Си“.
Откако Вашингтон првично ја исклучи ЕУ од своите дипломатски напори, европските лидери сега ќе бидат претставени во поддршка на Володимир Зеленски на утрешниот состанок во Белата куќа. За украинскиот претседател, ова е и можност да го поправи впечатокот по последната, озлогласена посета на Белата куќа и конфликтот со Трамп и неговиот потпретседател Џ.Д. Венс.
Според Би-Би-Си, Европа веќе ја поддржа одлуката на Трамп да го прескокне прекинот на огнот, и останува да се види дали ќе се обидат да го убедат да заземе поцврст став кон Владимир Путин.
Светските медиуми претходно пренесоа дека Зеленски во Вашингтон ќе стигне со тешка артилерија, придружуван од првите луѓе на ЕУ и НАТО.
Свет
(Видео) Зеленски пристигна во Брисел на средба со Урсула фон дер Лајен

Украинскиот претседател Володимир Зеленски пристигна во Брисел, каде што ќе се сретне со претседателката на Европската комисија, Урсула фон дер Лајен, потврди неговиот портпарол.
Таа претходно објави дека ќе им се придружи на Зеленски и на американскиот претседател Доналд Трамп на утрешната средба во Вашингтон.
Zelensky has arrived in Brussels. He is scheduled to meet with European Commission President Ursula von der Leyen today, followed by their participation in an online meeting of the Coalition of the Willing leaders. pic.twitter.com/b6dOpeLLin
— WarTranslated (@wartranslated) August 17, 2025
Регион
Вучиќ: Прашање на ден е кога ќе почнат да убиваат; за 3-4 дена изненадувачки одлуки, ќе го победиме злото

Претседателот на Србија, Александар Вучиќ, се обрати нацијата поради протестите и насилствата на улиците. Тој предупреди дека „прашање на ден е кога ќе почнат да убиваат“, оценувајќи дека „банда владее по улиците“ и државата ќе одговори.
Вучиќ ги обвини демонстрантите за насилства во Валево, Белград и Нови Сад, вклучително и палења и напади врз простории на политички партии и полицијата. Тој оцени дека она што се случуваше во Нови Сад и Ваљево, каде што беа демолирани и запалени просториите на владејачката Српска напредна партија, е тероризам.
На прашање за Мартa Кос и присуството на малолетници на протестите, рече дека недозволиво е рушењето на простории на политички партии и дека одговорноста е кај насилниците, а не кај државата.
Вучиќ уверува дека станува збор контролирани сценарија на хаос, според кои протестите се организирани со цел дестабилизација и поттикнување на изборни барања. Тој најави дека во наредните 3-4 дена ќе следат „изненадувачки одлуки“ на државата и дека за 10 дена ќе бидат приведени сите кои учествувале во нередите.
„Со народот на Србија ќе го победиме ова зло“, заклучи претседателот, истакнувајќи дека државата ќе се спротивстави на внатрешниот хаос и надворешните притисоци.