Свет
Го претепала своето бебе до смрт, па повикала брза помош
Германската полиција уапсила државјанка на Бугарија (22), која е осомничена дека на шестмесечното бебе му нанела тешки физички повреди, кои довеле до смрт на девојчето.
Детето починало вчера во универзитетската болница во Есен, два дена откога мајката се јавила на итната помош со изговор дека бебето има здравствени проблеми.
Полицијата го истражува убиството на шестмесечното девојче, а мајката се очекува денеска да биде изведена пред суд.
Како што пренесуваат медиумите, мајката на девојчето вечерта на 20 февруари се јавила во итната помош и ги молела веднаш да дојдат бидејќи детето има сериозни здравствени проблеми.
Лекарските екипи го пронашле девојчето во тешка состојба и го почнале процесот на реанимација по што детето итно било пренесено во болница на операција. Според неофицијални информации, детето имало тешки внатрешни повреди.
По операцијата, лекарите ја алармирале полицијата и изразиле сомневање дека детето добило повреди на органите како последица на физичко насилство. Иако лекарите направиле сè за да го спасат бебето, девојчето починало во болница.
Во целиот случај бил вклучен и Центарот за социјална работа, кој се грижел за другото дете.
Осомничената живеела во станот со ќерка си и сопругот, татко на починатото бебе, кој не е осомничен за делото. Обвинителството соопшти дека претходно немало пријава за семејно насилство, а семејството не било во системот на Центарот за социјална работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Највисока тревога поради вулкан: серија ерупции на островот во Индонезија
Индонезиските власти прогласија највисоко, четврто ниво на тревога во провинцијата Северен Малуку, по серијата ерупции на вулканот Ибу.
Вулканот Ибу, кој се наоѓа на оддалечениот остров Халмахера во источна Индонезија, еруптира првпат на 11 мај исфрлајќи колона од вулканска пепел висока 5.000 метри, според агенцијата ВНА, додавајќи дека значително зголемување на вулканската активност е снимено од средината на април.
На жителите што живеат во близина на Ибу и на туристите им беше препорачано да останат на безбедно растојание од четири до седум километри од вулканот и да носат маски за лице во случај на ерупција на пепел. Индонезија, архипелаг, дом на 270 милиони луѓе, има 127 активни вулкани.
Индонезија е склона кон вулканска активност бидејќи се наоѓа покрај Огнениот прстен, серија сеизмички раседи во облик на потковица околу Тихиот Океан. Ибу е еден од најактивните вулкани во Индонезија, кој еруптира повеќе од 21.000 пати во 2023 година.
Според официјалните податоци од 2022 година, на островот Халмахера живеат повеќе од 700.000 луѓе. Во април, вулканот Руанг во провинцијата Северен Сулавеси еруптира неколкупати принудувајќи повеќе од 12.000 жители да се евакуираат на блиските острови.
Свет
Извикал „Робо, дај ми рака“, па пукал кон словачкиот премиер – кој е човекот што стои зад атентатот на Фицо
Словачкиот премиер Роберт Фицо, кој беше застрелан во средата, сѐ уште е во тешка состојба. Според словачките медиуми, се очекува тој да биде подложен на уште една операција, а тоа е на колкот. Човекот што трипати пукаше во Фицо среде бел ден по владиниот состанок се вика Јурај Цинтула. Има 71 година, пензиониран, писател и поранешен чувар. Како што кажа и самиот по апсењето, пукал во Фицо „бидејќи не се согласува со политиката на владата“. Сега му се заканува доживотен затвор, а ова е сѐ што досега знаеме за атентаторот од Словачка.
Роберт Фицо беше застрелан во средата по состанокот на владата во градот што се наоѓа на 150 километри од Братислава. Фицо излезе да ги поздрави насобраните поддржувачи и се ракуваше со многумина на улица.
Напаѓачот, чие име подоцна беше откриено дека е Јурај Цинтула, наводно извикал „Робо, дај ми ја раката“. Ова го натерало премиерот на Словачка да му пријде и да му подаде рака за да се ракува.
Иако во тоа време бил опкружен со обезбедување, Цинтула извадил пиштол и пукал петпати од непосредна близина. Три куршуми го погодија Фицо.
Обезбедувањето тогаш скокнало врз напаѓачот, но премиерот веќе бил ранет. Тој итно бил пренесен во најблиската болница со хеликоптер бидејќи било проценето дека нема време да отпатува за Братислава.
Полицијата го совладала напаѓачот и го привела на улица. Фицо бил опериран пет часа и лекарите жестоко се бореле за неговиот живот.
По операцијата, беше соопштено дека е стабилен, но сѐ уште е во животна опасност. Според словачките медиуми, Фицо ќе мора да оди на операција на колкот кога ќе биде подготвен за тоа. Во меѓувреме, атентаторот бил сослушан во полиција и обвинет за обид за убиство со умисла. Тој се соочува со казна од 25 години до доживотен затвор.
Тој извикал „Робо, дај ми ја раката!“, а потоа го застрелал Фицо.
Сведоците што биле на местото на пукањето велат дека Јурај Цинтула првин му викал на премиерот: „Робо, дај ми ја раката“, а кога Фицо дошол да се поздрави – одекнале истрели. Според информациите, испукани се пет истрели, а три тешко го повредиле словачкиот премиер.
По пукањето, напаѓачот бил совладан од полицијата и преземен од Националната агенција за криминал. Тој е 71-годишен пензионер, кој е и малку познат писател. Тој бил чувар во трговски центар кога и самиот бил нападнат по што објавил видеоснимки во кои повикува да се прекине насилството.
„Не се согласувам со неговата политика“
Словачкиот портал „Новине“ ја објави изјавата што Цинтула ја дал во полиција веднаш по неговото апсење.
„Не се согласувам со политиката на владата. На крајот на краиштата, медиумите се ликвидирани. Зошто се напаѓа РТВС (Радио-телевизија на Словачка), зошто е сменет судијата Мазак?“, наводно рекол Цинтула.
Мазак е поранешниот претседател на Судскиот совет, кој неодамна беше разрешен.
Претходно, снимил видео против насилството
Јурај Цинтула пред осум години објавил три видеа со наслов „Против насилството“.
„Мора да покажеме сила, но не и насилство“, вели тој во првиот дел од видеото.
Како што додаде, треба да се покаже сила на плоштадите, каде што треба да се соберат луѓе што не се согласуваат со алчноста на политичарите, но не се против демократијата.
На крајот од видеото има клип од логото на движењето против насилството, кое сакал да го регистрира.
„Движењето против насилството е политичка партија во подем, чија цел е да го спречи ширењето на насилството во општеството. Да се спречи војна во Европа и ширење омраза“, стои под логото.
Во заднина се слуша првиот концерт за пијано на рускиот композитор Чајковски.
Според информациите од снимките, тој го основал движењето во 2016 година.
Во април истата година тој почна петиција за регистрирање на движењето. Сепак, според информациите на веб-страницата, се потпишале само осум лица.
„Тој не гласал за Фицо“
Порталот „Актуалити“ успеал да стапи во контакт со синот на осомничениот за атентатот на Фицо, кој потврдил дека татко му имал пиштол во легално поседување. Сепак, тој негира дека некогаш спомнал оти планира да го нападне Фицо.
„Апсолутно немам поим што правеше татко ми, што планираше, зошто се случи ова“, рече тој. На прашањето дали негувал омраза кон Фицо, кој е и претседател на партијата Смер, тој одговори: „Ќе ви кажам – не гласаше за него“.
Според словачкиот портал СМЕ, осомничениот бил голем противник на политиката на Фицо.
И синот на осомничениот напаѓач негира дека татко му е психијатриски пациент.
„Можеби имало краток спој, не знам. Тој е поенергичен, но не би се занимавал со психијатар или нешто слично“.
Рудник, трговски центар, па поезија
Јурај Цинтула претходно работел во рудник во Хандлова. Подоцна бил чувар во еден од трговските центри во Левице. Во септември 2016 година бил нападнат од еден од муштериите.
„Беше дрогиран. Почна да фрла храна од полиците на земјата, а потоа почна да жонглира со неа“, изјави Цинтула за младиот човек кој дошол во трговскиот центар со својата девојка. Го фатил за рамениците и го замолил да си оди, но младиот човек почнал да го тепа. Го удирал со тупаници и клоци додека, конечно, не паднал меѓу полиците.
Напаѓачот бил приведен од полицијата и осуден на затворска казна.
Цинтула исто така бил уметник. Пишувал песни, член е на Здружението на словачките писатели. Член на управниот одбор на тоа здружение е пратеникот и претседател на Комисијата за култура и медиуми, Роман Мишелко (СНС).
Според него, здружението брои 550 члена.
„Секој што ќе објави две книги има право да аплицира за членство“, изјави Мишелко за СМЕ.
Според него, осомничениот напаѓач не бил во ниеден орган на здружението.
„Речиси никој од одборот не го познава. Според моите сознанија, тој се пријавил за членство пред девет години. Не го познавам лично“, рече Мишелко.
Свет
Американската војска изгради пристаниште за помош на Газа: „Ниеден војник не стапна на копното“
Првите камиони со хуманитарна помош што користат привремено пристаниште изградено од САД во Појасот Газа пристигнаа во палестинската енклава, соопшти денеска американската војска.
За време на операцијата ниеден член на војската не стапнал на брегот, објави Централната команда на САД (CENTCOM) на платформата „Икс“.
Today at approximately 9 a.m. (Gaza time), trucks carrying humanitarian assistance began moving ashore via a temporary pier in Gaza. No U.S. troops went ashore in Gaza. This is an ongoing, multinational effort to deliver additional aid to Palestinian civilians in Gaza via a… pic.twitter.com/Gdt9Scgq2y
— U.S. Central Command (@CENTCOM) May 17, 2024
„Ова е тековна мултинационална иницијатива за испраќање дополнителна помош за палестинските цивили во Газа преку поморски коридор, кој е целосно од хуманитарна природа и ќе вклучува помош донирана од голем број земји и хуманитарни организации“, се вели во соопштението.
Привременото пристаниште треба да служи како центар за испорака на помош бидејќи самата Газа нема пристаниште доволно длабоко за поголеми товарни бродови. Пентагон претходно објави дека првично 90-ина возила дневно ќе пристигнуваат во Газа преку пловечкото пристаниште.
Подоцна тоа ќе се зголеми на 150 возила дневно.
Недостигот од основни потреби доведе до хуманитарна криза во Појасот Газа по седум месеци војна меѓу Израел и Хамас.