Свет
Грета Тунберг побара „Фејсбук“ да ги цензурира оние што ја критикуваат
Прославената шведска климатска активистка, Грета Тунберг, се закани дека ќе го напушти „Фејсбук“ ако платформата одбие да ги замолчи нејзините критичари, пренесува „Брејтбарт“.
„Јас, како и многу други, се прашувам дали треба да продолжам да го користам ‘Фејсбук’ или не. Дозволувањето говор на омраза, непроверка на фактите и, се разбира, прашањата за мешање во демократијата се меѓу многу, многу други работи што се вознемирувачки“, напиша Тунберг во објавата на „Фејсбук“.
„Постојаните лаги и теории на заговор за мене и за безброј други, секако, резултираат со омраза, смртни закани и на крајот со насилство. Ова лесно може да се запре ако ‘Фејсбук’ сака. Сметам дека непреземањето одговорност е многу вознемирувачко“, додаде таа.
Основачката на Youth Climate Strike досега уживаше слава без преседан поради својот климатски активизам освојувајќи ги левичарските „тешкаши“ како што се Барак Обама, Хилари Клинтон и Илон Маск.
Маск минатиот месец рече дека Тунберг има подобро расудување и повеќе срце од огромното мнозинство политички лидери, Хилари Клинтон ја нарече жестока жена, а поранешниот претседател Обама ја пофали 16-годишната девојка како една од најголемите застапници за нашата планета.
Сепак, Тунберг се нервира поради критиките и сугерира дека оние што се против нејзината крстоносна војна се мешаат во демократијата и треба да бидат цензурирани од „Фејсбук“. Таа ги повика своите обожаватели да го предизвикаат „Фејсбук“ да ги замолчи нивните антагонисти инсистирајќи на тоа „ако доволно од нас бараат промена – тогаш ќе дојдат промените“.
Проблемите на Тунберг со социјалните мрежи не завршуваат со „Фејсбук“. Таа исто така се пожали дека „Твитер“ не сторил доволно за да ја заштити.
„Забележав дека неколку луѓе се обидоа да се претстават како мене или лажно да тврдат дека ме претставуваат за да комуницираат со политичките лидери, познати актери, пејачи и музичари“, напиша таа во твитот.
„Секому со кого е стапено во контакт и кој можеби дури и бил доведен во заблуда од ваквото однесување, му се извинувам. Се надевам дека оние што сакаат искрено да ми пристапат, ќе го сторат тоа по препознатливите канали“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.
Регион
Курти не успеа да формира влада
Лидерот на Движењето „Самоопределување“, Албин Курти, соопшти дека актуелната влада ќе продолжи да функционира до одржување на нови парламентарни избори, откако денеска во косовското Собрание не доби доволен број гласови за формирање нов кабинет, пренесе „Фонет“.
„Им благодарам на сите пратеници кои го поддржаа предлогот за новата влада и на граѓаните за поддршката. Бидејќи 56 гласа беа за, 52 против, а четворица воздржани, новиот мандат не може да започне. Во меѓувреме, како актуелна влада продолжуваме кон новите парламентарни избори“, напиша Курти на „Фејсбук“, пренесе „Косев“.
По гласањето, претседателот на Собранието, Димал Баџа, изјави дека одговорноста сега преминува на претседателката Вјоса Османи, која најави консултации со сите партии. Доколку не биде формирана влада, Османи ќе распише нови избори во рок од 40 дена.
Опозициските партии веќе порачаа дека нема да се обидат да формираат влада, бидејќи немаат мнозинство.
Свет
Гувернерот на Калифорнија сака да биде претседател на САД
Гувернерот на Калифорнија, демократот Гавин Њусом, изјави во интервју за „Си-Би-Ес“ дека сериозно размислува за кандидатура за претседател на САД во 2028 година, пренесе „Хина“.
Тој нагласи дека конечната одлука ќе ја донесе по изборите за Претставничкиот дом и Сенатот во 2026 година. „Да, би лажел кога би рекол поинаку“, рече Њусом на прашањето дали планира да се кандидира.
Како што потсетува агенцијата, Њусом оваа година ја зацврсти својата позиција во Демократската партија, особено поради честите судири со актуелниот претседател Доналд Трамп.
Инаку, според Уставот на САД, Трамп нема право на трет претседателски мандат.
Изборите за американскиот Конгрес ќе се одржат во ноември 2026 година.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025

