Свет
Грк за 2 минути го пропуштил авионот во Етиопија, тоа му го спасило животот

Грчки државјанин останал жив благодарение на тоа што задоцнил за летот на „Етиопијан ерлајнс“, кој се урна кусо по полетувањето, при што немаше преживеани патници и членови на екипажот.
Антонис Мавропулос на својот фејсбук-профил објави слика од авионскиот билет за кобниот лет со текст: „10 март е мојот среќен ден“. Во објавата тој посочи дека за летот задоцнил само две минути и дека ги видел последните патници како се качуваат во авионот.
„Задоцнив две минути и сè што можев да направам е да ги гледам последните патници како одат накај авионот. Викнав да ме пуштат, но никој не обрна внимание на тоа. Сега сум среќен затоа што сум жив. Летот го пропуштив зошто не можев на време да го пронајдам својот куфер со алишта“, напишал Мавропулос.
Гркот патувал на годишната конференција за Програмата за животна средина на ОН. Еден од вработените на аеродромот го советувал да го почека следниот лет, му се извинил за непријатноста и го однел во едно од кафулињата, каде што требало да чека три часа.
„На качувањето во вториот авион ме пречека полиција. Повторно не ми беше дозволено да се качам. Полицајците ме одведоа во нивните простории на аеродромот. Првин ми рекоа дека сум единствениот патник што не се качил на летот 302 на ‘Етиопијан ерлајнс’, односно единствениот што преживеал. Ме прашуваа кој сум и зошто не сум бил на летот за кој имам билет. Мислев дека нешто ме лажат“, напишал на „Фејсбук“ патникот што имал билет за летот во кој загинаа 157 патници и членови на екипажот.
Полицијата ги проверила неговите лични податоци и го ставила во посебна просторија. Му било кажано да почека. Тој пребарувал на интернет за да дознае што се случило, а за целата ситуација го информирале неговото семејство и пријателите, кои знаеле дека патува тој ден.
Сепак, слична приказна со грчкиот државјанин има и Ахмед Калид со живеалиште во Дубаи. Тој патувал за да го посети своето семејство во Кенија. Требало да се качи на кобниот лет на „Етиопијан ерлајнс“.
Летајќи за Најроби од Дубаи, Ахмед требало да смени авион во Адис Абеба, но пристигнал премногу доцна за да може да ја фати посакуваната врска.
Според досегашните информации, загинатите патници во авионот се од 33 земји. Некои од нив биле локални патници, но имало и хуманитарни работници, членови на Обединетите нации и владини претставници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Официјалната истрага покажа дека подморницата „Титан“ имплодирала поради лоша конструкција

Американска истражна агенција утврди дека подморницата „Титан“ на компанијата „Оушенгејт“, која имплодираше за време на нуркањето кај олупината на бродот „Титаник“ во јуни 2023 година, беше уништена поради низа сериозни недостатоци во дизајнот и тестирањето, објави Би-би-си.
Во несреќата загинаа сите пет лица на бродот, вклучувајќи го и директорот на „Оушенгејт“, Стоктон Раш.
Според извештајот на Националниот одбор за безбедност на сообраќајот (НТСБ), процесот на инженерскиот развој на „Титан“ бил „несоодветен“, што довело до грешки што предизвикале подморницата да не ги исполни стандардите за цврстина и издржливост.
Националниот одбор за безбедност на сообраќајот тврди дека „Оушенгејт“ никогаш правилно не го тестирал „Титан“ и затоа не знаел колку е силна подморницата всушност. Покрај тоа, компанијата не била свесна дека бродот е оштетен и требало да биде повлечен од употреба пред фаталното нуркање.
„Титан“ исчезна во Северниот Атлантик додека се обидувал да стигне до остатоците од „Титаник“, кои се наоѓаат на околу 600 километри од канадскиот град Сент Џонс во покраината Њуфаундленд и Лабрадор.
Во август 2024 година, крајбрежната стража на САД издаде посебен извештај во кој ја опишува несреќата како „целосно спречлива“ и ја критикува „Оушенгејт“ за „сериозно погрешни безбедносни практики“.
Подморницата на своето последно патување ја управувал Стоктон Раш, а бил придружуван од познатиот истражувач на длабокоморските длабини Пол-Анри Наргеолет, британскиот милијардер Хамиш Хардинг и пакистанскиот бизнисмен Шахзада Давуд и неговиот 19-годишен син Сулејман Давуд.
Сите платиле до 250.000 долари за да учествуваат во експедицијата.
За време на истрагата, НТСБ откри сериозни проблеми во безбедносната култура на „Оушенгејт“. Додека некои вработени тврдеа дека безбедноста е приоритет, други, вклучувајќи го и поранешниот директор за поморски операции и еден техничар, опишаа работна средина „во која безбедноста, а особено прашањата за дизајнот, систематски се игнорираат“.
Еден техничар рече дека имал забелешки на деловниот модел на „Оушенгејт“, особено на практиката патниците да се нарекуваат „специјалисти за мисија“ за да се избегнат законски ограничувања. Според американските прописи, нелегално е да се превезуваат патници на експериментални подморници.
Техничарот рече дека го предупредил Раш, велејќи: „Не можете само да ја смените титулата на некого ако сте платени за тоа“. Во подоцнежен разговор за истото прашање, Раш наводно му рекол: „Ако крајбрежната стража стане проблем, ќе купам конгресмен и ќе го решам“.
фото: принтскрин
Европа
(Видео) Италијанец се преправал дека е слеп 50 години, ја измамил државата за повеќе од еден милион евра

76-годишен маж од областа Виченца во Италија се преправал дека е целосно слеп повеќе од 50 години за да добие надомест за инвалидитет, измамувајќи ја државата за повеќе од еден милион евра. Измамата е откриена кога финансиската полиција го снимила како извршува секојдневни задачи без никакви проблеми, како што се градинарство и пазарување на пазарот, објавува „Кориере дел Венето“.
На снимката објавена од финансиската полиција, човекот е снимен како внимателно избира овошје и зеленчук на пазарот. Дома е снимен како врши градинарски активности, вклучувајќи кастрење и полевање растенија. Сите овие задачи ги извршувал со целосна леснотија, иако официјално бил регистриран како 100% инвалид поради слепило.
Жителот на Монтекио Маџоре е обвинет за сериозна измама против државата.
Според обвинението, човекот незаконски примал бенефиции и надоместоци наменети за слепи лица повеќе од педесет години, со што се стекнал со незаконска бенефиција од повеќе од еден милион евра. Истрагата е покрената по вкрстена проверка на податоците на корисниците на социјално осигурување, а членовите на финансиската полиција од Арзињано поминале повеќе од два месеци следејќи го. Утврдено е дека тој почнал да прима пензија и надомест за придружба уште во 1972 година, по наводна несреќа на работа.
#GdiF #Vicenza Denunciato un falso invalido per truffa ai danni dello Stato, avendo percepito indebitamente, per più di 50 anni, indennità e sussidi per un importo superiore al milione di euro.#NoiconVoi pic.twitter.com/DvqBzrir2l
— Guardia di Finanza (@GDF) October 13, 2025
Старецот е снимен како извршува голем број секојдневни задачи без ничија помош, вклучително и користење опасни алатки како што се ножици за кастрење и тримери за жива ограда. Тој, исто така, редовно одел сам на градскиот пазар, избирајќи намирници и плаќајќи во готово од сопствениот паричник.
Врз основа на цврсти докази, поткрепени со сведочење на експерти, судската власт во Виченца поднесе обвинение против лажно слепиот човек. Финансиската полиција ги извести надлежните институции за сите бенефиции веднаш да бидат суспендирани. Даночната ревизија утврди нелегален приход од над 200 илјади евра во последните пет години, период за кој може да се направи проценка, и е предложено да се конфискува овој износ.
„Оваа операција сведочи за континуираната посветеност на Финансиската полиција во борбата против измамите во секторот за социјална помош и пензиско осигурување. Јавните средства наменети за поддршка на најранливите и навистина сиромашните социјални групи неправедно се одземаат“, соопшти Покраинската команда на Финансиската полиција во Виченца.
фото: принтскрин
Европа
Зеленски: Русија ја таргетираше енергетската инфраструктура со 300 дронови и 37 ракети

Украинскиот претседател Володимир Зеленски денеска објави дека Русија употребила 300 беспилотни летала и 37 ракети за напад врз украинската инфраструктура во текот на ноќта.
„Оваа есен, Русите го користат секој ден за да ја таргетираат нашата енергетска инфраструктура“, напиша тој на Икс.
Украинската приватна енергетска компанија ДТЕК претходно соопшти дека постројка за производство на гас во регионот Полтава е затворена по рускиот напад врз енергетската инфраструктура во текот на ноќта.
Извори од индустријата за Ројтерс изјавија дека руските напади предизвикале „значајна“ штета на гасниот сектор на Украина.
Главниот извршен директор на украинската државна компанија Нафтогас рече дека нападите го нарушиле работењето на неколку клучни постројки.
Тој нагласи дека тие имале директно влијание врз домашното производство на гас и дека Киев ќе мора да ги покрие загубите преку увоз.
фото: принтскрин