Свет
Група финансирана од Сорос иницира кампања за спречување на брегзит со втор референдум
![](https://makfax.com.mk/wp-content/uploads/2018/05/31-сорос.png)
Џорџ Сорос, шпекулантот кој ја растури Банката на Англија во 1990-тите години, вели дека поддржува кампањи за запирање на штетните ефекти на брегзит ветувајќи дека деновиве ќе биде објавен манифест „Најдоброто за Британија“, пренесува „Брејтбарт“.
Обраќајќи се пред присутните на глобалистичкиот Европски совет за надворешни односи во Париз во вторникот, Сорос го карактеризира гласањето на Велика Британија за излез од ЕУ во јуни 2016 како територијална дезинтеграција која треба да се запре.
„Брегзит е неизмерно штетен процес, штетен за двете страни. Најголем дел од штетата се чувствува токму сега кога ЕУ е во егзистенцијална криза, но нејзиното внимание е пренасочено кон преговарање одделен договор за со Велика Британија”, нагласи Сорос.
Тој шпекулира дека во времето што е потребно за Велика Британија целосно да излезе од ЕУ, британската јавност ќе биде принудена да го промени своето мислење и дека е потребно тоа да се случи поскоро отколку подоцна.
„Тоа е целта на иницијативата наречена „Најдоброто за Британија “, што јас ја поддржувам. „Најдобро за Британија се бореше и помогна да се добие значајно парламентарно гласање кое вклучува опција Британија воопшто да не излезе од ЕУ”, рече тој.
Сорос е гласен противник Велика Британија да ја напушти ЕУ и има врски со високи членови на европската политичка елита, а обелоденети документи изложуваат мрежа од 226 негови „доверливи сојузници” во Европскиот парламент. Минатиот месец беше обелоденето дека неговата Фондација отворено општество вложила вкупно 800 000 фунти во кампањата „Најдоброто за Британија” за да изврши притисок за тоа што претседателот на групата, Патрик Гаспард, го нарече значајно гласање за конечниот предлог за брегзит. Покрај тоа, фондацијата вложила вкупно 303 000 фунти во две други анти-брегзит организации – „Европското движење Велика Британија“ и „Научниците за ЕУ“.
Минатата недела се појавија информации дека активистите на „Најдоброто за Британија“ се обучуваат за безмилосно напаѓање на пратениците за да ги притиснат да го блокираат брегзит. Сорос посочи дека запирањето на брегзит ќе биде добро за Велика Британија, но и ќе ѝ направи огромна услога на ЕУ со тоа што ќе спречи создавање дупка во европскиот буџет што тешко ќе се пополни.
Во својата реакција, лидерот на брегзит и поранешен лидер на УКИП, Најџел Фериџ, во вторникот вечерта изјави дека Британија веќе донела одлука.
„Не сакам втор референдум, г. Сорос. Веќе имавме еден”, рече г. Фараџ.
„Ние донесовме одлука преку најголемата демократска вежба во историјата на оваа земја. Но, ако вие и вашите пријатели меѓу меѓународните и бизнис-елитите ни го наметнете тоа, тогаш ќе мораме повторно да те победиме. Овој пат, со многу поголема разлика.”
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Галант: Хамас не може да се опорави од израелските операции во Појасот Газа
![](https://makfax.com.mk/wp-content/uploads/2024/07/galant2.jpg)
Израелскиот министер за одбрана Јоав Галант за време на посетата на Рафа во јужниот дел на Појасот Газа изјави дека Хамас не може да се опорави од израелските операции кои го уништија оружјето и подземните тунели на палестинските милитантни групи.
Галант оцени дека Хамас повеќе нема средства да се вооружува, да се опреми, дека не може да донесе засилување, објави Тајмс оф Израел.
„Нивниот борбен дух е скршен и времето всушност работи против нив, а не за нив“, рече Галант.
Тој повтори дека целта на израелската операција во Појасот Газа е целосно уништување на Хамас.
Регион
Нов сведок во случајот со убиството на Данка: по 5 месеци во полиција изјавил дека џогирал покрај ѓубриштето во моментот кога осомничените го фрлале телото на девојчето
![](https://makfax.com.mk/wp-content/uploads/2024/04/danka-ubijci.jpg)
Во Вишото јавно обвинителство во Заечар за 5 јули е закажано сослушување нови сведоци во истрагата за убиството на Данка Илиќ од Бор, која како што се сомнева, ја убиле работниците на ЈКП „Водовод“ од Бор, Дејан Драгијевиќ и Срѓан Јанковиќ. Како што објави Нова.рс, сослушувањето на еден од нив е од големо значење за истрагата.
„Станува збор за двајца соседи од Бањско Поље, од кои не се очекува ништо пресудно. Но, маж од Бор, кој е трет сведок, контактирал со надлежните и рекол дека џогирал точно во моментот кога осомничените биле на буништето и наводно го фрлиле телото“, вели изворот и додава:
„Што точно видел, зошто дури сега се јави, ќе се знае во петок. Постои можност неговото сведочење да докаже дека навистина го фрлиле убиеното дете на ѓубриште…“
Инаку, осомничениот Дејан Драгијевиќ, кој на рочиштето во обвинителството по апсењето го призна делото и детално го опиша, побара обвинителството повторно да го сослуша.
Адвокатката Вања Живковиќ рече дека до денес не добила потврден или негативен одговор дали обвинителството ќе го прифати повторното испитување на нејзиниот клиент Дејан Драгијевиќ.
Инаку, Драгијевиќ во образложението зошто сака дополнително рочиште вели „за да се расветлат околностите и изнесените факти кои ги ставил на записник на рочиштето на 5 април 2024 година“.
За потсетување, осомничени за убиството на Данка Илиќ се Срѓан Јанковиќ од село Лука и Дејан Драгијевиќ од селото Злот кај Бор, кој го признал делото велејќи дека го удриле девојчето со возило на „Водовод“ Бор, по што со голи раце ја задавил. Тој откри и дека неговиот татко Радослав и сега починатиот брат Далибор му помогнале да го сокрие телото на девојчето, кој, неколку часа по апсењето почина во полициската управа Бор.
Свет
Напнато во кабинетот на Бајден, советниците се борат тој да остане претседателски кандидат: „Замената би била збунувачка и непрактична“
![](https://makfax.com.mk/wp-content/uploads/2023/11/bajden.jpg)
Советниците на американскиот претседател Џозеф Бајден во текот на викендот се обидоа да се спротивстават на сугестиите, актуелниот демократски претседателски кандидат да се повлече од трката, при што менаџерот на кампањата на Бајден предупреди дека менувањето кандидати во оваа фаза од кампањата е „збунувачки и непрактично“.
За време на тензичниот разговор со група од околу 40 најголеми финансиери на Бајден, менаџерот на кампањата на Бајден, Џулијан Чавез Родригез, објасни што може, а што не може да се направи со инфраструктурата на кампањата доколку Бајден одлучи да се повлече, нагласувајќи дека нема намера да го стори тоа. пренесува Ен-би-си Њуз.
„Поголемиот дел од собраните средства ќе одат за потпретседателката Камала Харис, а само мал дел од парите ќе останат кај Демократскиот национален комитет“, рече Чавез Родригез.
Додека некои донатори разгледуваа различни сценарија за замена на Бајден, демократскиот сенатор Крис Кунс од Делавер истакна дека таквиот процес би бил „хаос“. Тој процени дека на крајот ќе биде номинирана Камала Харис.