Европа
Грчките риболовци добиваат пари за да го собираат ѓубрето од морето
За да помогнат во чистењето на морињата околу Грција, на рибарите им се плаќа 200 евра месечно за да го рециклираат отпадот од нивните мрежи, чија количина сè повеќе се зголемува.
Затоа, една нова грчка компанија, наречена „Еналеја“, прави напори за воведувањеа поодржлив начин на риболов со помош на грчки и странски донатори. Минатата година основачот на компанијата, Лефтерис Арапакис, и неговиот тим започнаа амбициозна програма со грчките рибари на кои им нудат финансиски олеснувања за да го чуваат отпадот што ќе го најдат во нивните мрежи, наместо да го фрлаат назад во морето, со цел истиот да биде рециклиран подоцна.
Како резултат, Арапакис и неговата организација „Еналеја“ во јуни ја добија титулата Млади шампиони на Земјата од страна на Одделот за животна средина на Обединетите нации.
„Отстранивме лименка кока-кола со многу чудна боја. Ја зедов и видов дека рокот ѝ истекол во 1987 година. Ова нешто било во морето 30 години. Ова беше првото нешто што ме шокираше. Втората работа беше што гледав како еден рибар ја фрла назад во морето. Тој ми кажа дека не е платен да го собира отпадот, туку да лови риба“.
По само неколку месеци, многу рибари веќе ги промениле своите навики, тврди Арипакис.
Тони пластичен отпад и мрежи се отстрануваат од грчките мориња секој месец. „Еналеја“ исто така има план да ги рециклира истите.
„Мрежи, јажиња и многу повеќе се праќаат во странство каде што ги рециклираат и ги претвораат во чорапи, костими за капење и други корисни работи. Пластиката, лименките и другиот отпад се ставаат на лента за рециклирање што ја создадовме со сертифицирана компанија“, додаде Арапакис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.