Свет
Гуаидо на протест на опозицијата во Каракас: Ако останеме дома ќе изгубиме

Во Каракас вечера беа одржани протести, предводени од лидерот на опозицијата Хуан Гуаидо, кој ги повика граѓаните да излезат на улиците и да го соборат од власт претседателот, Николас Мадуро.
Гуаидо повика на демонстрации низ целата земја за да се обнови кампањата што се спроведува против Мадуро од јануари, а која во изминатите месеци изгуби на интензитет, пренесува агенцијата АП.
Тој ги повика приврзаниците да останат на улиците наредните денови, укажувајќи на Боливија, каде по 18 дена протести, Ево Моралес, сојузник на венецуелскиот претседател Николас Мадуро, поднесе оставка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) „Останете во засолништата“ погодена породилна болница во Одеса, Киев со часови под силен руски напад

Русија изврши силен напад со беспилотни летала врз украинскиот главен град, изјави градоначалникот на Киев, Виталиј Кличко. Во Одеса, погодена е и породилната болница.
Според гувернерот Олег Кипер, нападот со беспилотни летала во Одеса погодил медицински установи и станбени згради, при што загинал 59-годишен маж, а четворица други биле повредени. Тој го објавил ова на Телеграм, објавува Би-Би-Си.
Kyiv is on fire. The sky is filled with black smoke and the explosions do not stop!
One of the largest attacks on the capital.
1/4 pic.twitter.com/sJI1PR2e2P
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweet4Anna_NAFO) June 10, 2025
Во Киев, службите за итни случаи биле повикани во четири градски области кратко по полноќ, објави Кличко, исто така преку Телеграм.
Kyiv this morning after Russia's all night missle and drone attack.
pic.twitter.com/6wJHrCE6xa— Jay in Kyiv (@JayinKyiv) June 10, 2025
Најновите напади се случија откако Русија го изврши најголемиот напад со беспилотни летала врз Украина еден ден претходно. Москва потоа тврдеше дека тоа е одмазда за неодамнешните украински напади на руска територија.
Maybe the biggest-ever attack on Kyiv. Constant humming of drones. Sky is thick with smoke. Every few minutes another explosion rings out. pic.twitter.com/y9nL7bSItv
— Audrey MacAlpine (@MacalpineAudrey) June 10, 2025
По тајната украинска операција со беспилотни летала наречена „Операција Пајажина“, која ги погоди руските воени бази длабоко на руска територија на 1 јуни, американскиот претседател Доналд Трамп го повика Владимир Путин. Трамп рече дека рускиот претседател најавил „многу силен“ одговор на тие напади, според медиумот.
Morning in Kyiv…
Shattered apartments, mangled cars, displaced families, lives torn apart.
This is the brutal reality of having Russia as a neighbor. pic.twitter.com/RO5q3F8WgM
— Natalka (@NatalkaKyiv) June 10, 2025
Во раните утрински часови денеска, воздушните напади беа активни низ поголемиот дел од Украина, покажуваат официјалните мапи на воздушната одбрана, вклучувајќи ги регионите Донецк, Луганск и Харков на истокот од земјата.
„Останете во засолништата! Масовниот напад врз главниот град продолжува“, предупреди градоначалникот Кличко на Телеграм.
Шефот на воената администрација на градот Киев, Тимур Ткаченко, објави дека нападите врз различни градски области биле извршени „истовремено“.
Остатоци од срушени беспилотни летала паднале врз неколку згради низ градот, а пожари избувнале во една станбена зграда и во магацини, додаде тој.
Во Одеса, пациентите и персоналот успеале да ја евакуираат погодената медицинска станица и породилното одделение, но неколку амбулантни возила биле оштетени, рече гувернерот Кипер. Ранетите добиваат медицинска помош.
Идентитетот на 59-годишниот починат сè уште не е објавен.
Нападот се случува пред размената на затвореници што започна во понеделникот. Во размената беа вклучени тешко ранети и болни воени заробеници, лица под 25 години, како и телата на околу 12.000 паднати војници.
Украинскиот претседател Володимир Зеленски рече дека размената ќе се одвива „во неколку фази“, опишувајќи ја како „сложен“ процес со „многу чувствителни детали“, објавува Јутарњи.
Свет
Трамп: Непочитувањето нема да се толерира, ќе удриме посилно од кога било

Американскиот претседател Доналд Трамп изјави дека учесниците на протестот во Лос Анџелес „имаат тенденција да плукаат во лице“ на членовите на Националната гарда кои беа испратени во тој град за да ги смират немирите и дека одговорот на членовите на гардата на ова ќе биде да ги „удрат“.
„Ако плукаат, ние ќе удриме. Оние кои учествуваат во немирите имаат тенденција да плукаат во лицата на Националната гарда и на другите. На овие патриоти им се вели да го прифатат тоа, така функционира животот. Но, не во администрацијата на Трамп. Ако плукаат, ние ќе удриме и ви ветувам дека ќе бидат погодени посилно од кога било досега. Таквото непочитување нема да се толерира“, рече Трамп во објава на неговата социјална мрежа.
Трамп го обвини гувернерот на Калифорнија, Гевин Њусом, дека ги инспирирал „катастрофалните немири“ во Лос Анџелес, поради кои беше испратена Националната гарда на Калифорнија во тој град.
Немирите во некои делови од Лос Анџелес избувнаа како одговор на активностите на Министерството за миграција на САД (ICE), кое изврши рации во бизниси во потрага по нелегални работници, т.е. мигранти.
Свет
ОН повика на деескалација на протестите во Лос Анџелес

Обединетите нации ги повикаа сите вклучени во немирите во Лос Анџелес да ја деескалираат ситуацијата откако демонстрантите се судрија со службениците за имиграција поради притворањето на нелегални мигранти.
„Не сакаме понатамошна милитаризација на ова“, изјави портпаролот на ОН, Фархан Хак, во Њујорк, како одговор на германската агенција ДПА.
„И ги охрабруваме страните на локално, државно и федерално ниво да работат на тоа да се случи ова. Се надеваме дека сите страни на терен ќе ја деескалираат ситуацијата“, додаде Хак.
Претседателот Доналд Трамп им нареди на припадниците на Калифорниската Национална гарда да влезат во Лос Анџелес за време на викендот и покрај противењето на гувернерот Гевин Њусом. Им беше наредено да дејствуваат против демонстрантите кои протестираа против рациите на федералните агенти за имиграција насочени кон нелегалните мигранти.
Трамп верува дека ситуацијата во градот на западниот брег на земјата, каде што луѓето масовно протестираат од петокот поради постапките на агентите на Службата за имиграција и царина (ICE), излезе од контрола.
Градската полиција одговори со солзавец и гумени куршуми додека демонстрантите палеа автомобили и фрлаа молотови коктели. Уапсени се неколку десетици луѓе.
Трамп не ја исклучи можноста за распоредување дополнителни трупи, а денес се закани дека неговиот шеф на граничната патрола, Том Хоман, ќе го уапси Њусом за попречување на напорите за спроведување на имиграциските закони.
„Овие луѓе треба да пораснат“, изјави Њусом за NBC News.
„Таквото брборење е заморно. Затоа, Том, уапси ме. Ајде да одиме“, вели тој.