Свет
Гувернерката на Њујорк: Експлозијата на граничниот премин САД – Канада не е поврзана со тероризам
![](https://makfax.com.mk/wp-content/uploads/2023/11/ка.jpg)
Експлозијата во која загинаа две лица на граничниот премин меѓу САД и Канада не е поврзана со тероризам, изјави гувернерката на државата Њујорк, Кети Хокул.
„Сакам да бидам многу јасна – во овој момент нема индикации дека станува збор за терористички напад“, рече таа во изјавата за новинарите.
Две лица, возачот и сопатникот, загинале во експлозијата, јавува агенцијата повикувајќи се на неименувани извори.
Инцидентот се случил вчера попладне кога возило експлодирало на мостот што ја поврзува Канада со американската држава Њујорк.
Канцеларијата на ФБИ во Бафало соопшти дека е на самото место и ги истражува причините за експлозијата. Според прелиминарната истрага, експлозијата не била предизвикана од бомба, пренесува „Ројтерс“ повикувајќи се на неименувани извори.
Според генералната процена на граничната служба, како што претходно објави „Ројтерс“, инцидентот, најверојатно, го предизвикал невнимателен возач. Властите во Канада „активно учествуваат во процената на ситуацијата“, рече премиерот на Онтарио, Даг Форд, на мрежата X.
Експлозијата се случи на американската страна на преминот на мостот „Виножито“, кој ги поврзува двете земји преку реката Нијагара. Уште три моста меѓу Њујорк и Онтарио беа затворени како мерка на претпазливост. Суспендирани се и меѓународните летови на аеродромот „Бафало“.
Мајк Гантер, еден од очевидците, изјави за локалната телевизија WGRZ дека го видел возилото како забрзано на американската страна од границата скршнало за да избегне друго возило и удрило во ограда и експлодирало.
„Одеднаш полета во воздух и се создаде огнена топка висока до 10 метри. Никогаш не сум видел нешто слично“, изјавил тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) На протестите во Кенија полусестрата на Обама меѓу демонстрантите погодени со солзавец
![](https://makfax.com.mk/wp-content/uploads/2024/06/vvv.jpg)
Кениската активистка Аума Обама, полусестра на поранешниот американски претседател Барак Обама, била меѓу демонстрантите кои беа погодени со солзавец пред зградата на парламентот во Најроби.
Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот, а се јавува и дека загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.
.@LarryMadowo is live on scene as protests over a controversial financial bill escalate in the Kenyan capital of Nairobi.
He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e
— CNN International PR (@cnnipr) June 25, 2024
Законот сè уште треба да го одобри претседателот Вилијам Руто.
Свет
Убиени 10 членови на семејството на лидерот на Хамас: Израелските сили извршија воздушен напад врз неговата семејна куќа
![](https://makfax.com.mk/wp-content/uploads/2024/06/dfdszgg.jpg)
Израелските сили извршија воздушен напад врз семејната куќа на лидерот на Хамас.
Членовите на семејството на Исмаил Ханије, лидерот на Хамас, беа убиени за време на израелски воздушен напад врз нивниот дом во западниот град Газа, пишува The Times of Israel. Според извештаите, најмалку 10 членови на неговото семејство биле убиени, меѓу кои и неговата сестра.
Лидерот на Хамас ги загуби своите три сина во израелски напад врз нивниот семеен автомобил во кампот Шати на 10 април.
Потврдувајќи го нападот врз семејството Ханије и бројот на загинати, Хамас објави дека ја смета администрацијата на американскиот претседател Џо Бајден одговорна за продолжување на војната за „истребување“ против палестинскиот народ во Појасот Газа, пренесува Ал Џезира.
За време на израелскиот воздушен напад, беа погодени и две училишта кои се користеа како засолништа во населбата Ал-Дарај, во источниот дел на градот Газа, како и бегалски камп, при што загинаа неколку луѓе. Власите се уште не ја потврдуваат точната бројка на загинати и повредени.
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.