Свет
Гувернерот на Висконсин го повика Трамп да ја откаже посетата на Кеноша

Гувернерот на Висконсин, Тони Еверс, го повика американскиот претседател Доналд Трамп да го откаже патувањето во Кеноша планирано за утре, стравувајќи дека посетата на претседателот на градот само ќе го попречи неговото закрепнување, пренесува „Њујорк пост“.
Еверс го испрати апелот во писмо во неделата, претставувајќи ја Кеноша, каде што Џејкоб Блејк (29) беше застрелан седум пати од полицијата на 23 август, како поделена заедница што веќе закрепнува.
„Јас и другите лидери на заедниците кои подадоа рака сме загрижени што ќе значи вашето присуство за Кеноша и нашата држава. Загрижен сум дека вашето присуство само ќе го попречи нашето закрепнување. Загрижен сум дека вашето присуство само ќе ја одложи нашата работа да ја надминеме поделбата и да продолжиме напред заедно“, напиша Еверс во своето писмо.
Гувернерот додаде: „Наша работа е како избрани службеници да водиме со пример и да бидеме смирувачко присуство за луѓето за кои знаеме дека се во болка, жалат и се обидуваат да се справат со траумата. Сега не е време за поделба“.
Еверс изрази загриженост и во врска со можноста патувањето на Трамп да предизвика прераспределување на властите во градот.
Трамп планира да отпатува во Кеноша во вторник, а според неговата снаа Лара Трамп, за време на посетата сака да разговара со семејството на Блејк. Адвокатот на семејството, Бенџамин Крумп, изјави дека семејството Блејк не било контактирано од тимот на Трамп. Сепак, тој посочи дека тие би биле подготвени да се сретнат со претседателот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.
Свет
Поради пожарите во Турција евакуирани се над 2.600 лица

Турската Дирекција за управување со вонредни ситуации (АФАД) евакуираше 2.619 лица откако оваа недела Турција се соочи со серија интензивни шумски пожари во повеќе провинции, јави весникот „Дејли сабах“.
Пожарите, поттикнати од екстремно високи температури, силен ветер и сушно време, мобилизираа илјадници спасувачи и доброволци кои учествуваат во гаснењето на огнот. Екипите се активни од воздух и копно, а според АФАД, ангажирани се 4.231 лице, 45 летала и 1.236 копнени возила.
Најтрагичниот инцидент се случи во средата, во руралниот дел на провинцијата Ескишехир, каде животот го загубија десет лица – пет шумски работници и пет припадници на организацијата АКУТ за пребарувачко-спасувачки операции, додека се бореле со огнената стихија.
Претседателот на Турција, Реџеп Тајип Ердоган, изјави во петокот дека во гаснењето учествуваат 27 авиони, 105 хеликоптери, 6.000 возила и 25.000 лица. Тој изрази сочувство до семејствата на загинатите.
Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.