Свет
Гувернерот на Порторико си даде оставка по двонеделните протести
Гувернерот на Порторико, Рикардо Росело, во средата рече дека ќе поднесе оставка по речиси две недели протести во кои од него се бараше да се повлече функцијата откако островот го потресе скандал со навредливи пораки и владина корупција во кој беше вмешан Росело.
Во својот говор Росело рече дека ќе остане во на позицијата до 2 август, кога секретарот за правда на Порторико, Ванда Васкез ќе ја преземе фунцијата.
Гувернерот мандат ја објави својата оставка три дена откако во неделата не успеа да ја смири загриженоста на критичарите, велејќи дека нема да бара реизбор следната година и ќе се откаже од раководството на неговата политичка партија.
„Чувствувам дека ако продолжам во оваа позиција ќе го отежнам одржувањето на успехот што го постигнав“, рече Росело.
За време на неговиот мандат како гувернер, островот беше погоден од урагани во кои во 2017 година загинаа околу 3.000 луѓе и кои предизвикаа огромни материјални штети само неколку месеци откако територијата на САД поднесе барање за банкрот.
Сан Хуан го потресоа протести откако на 13 јули беа објавени пораки меѓу Росело и неговите најблиски соработници во кои тој користи хомофобични термини и ги исмева жртвите од ураганите. Околу 500.000 луѓе присуствуваа на најголемите демонстрации во понеделникот.
Росело се соочи со заканата од импичмент откако независниот одбор на адвокати, назначен од претседателот на Долниот дом да ги испита пораките, откри дека во нив биле извршени четири кривични дела и еден прекршок.
Претседателот на Претставничкиот дом, Џони Мендез, во средата изјави за новинарите дека на гувернерот му е дадена можноста да поднесе оставка или да се соочи со импичмент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

