Свет
Гутереш го поздрави продолжувањето на договорот за жито: „Тоа е добра вест за светот“
Генералниот секретар на Обединетите нации Антонио Гутереш денес го поздрави продолжувањето на договорот за жито, истакнувајќи дека остануваат отворени прашања за кои Русија, Украина, Турција и ОН ќе продолжат да разговараат.
„Продолжувањето на договорот е добра вест за светот. Гледајќи напред, се надеваме дека извозот на храна и ѓубрива, вклучително и амонијак, од Руската Федерација и Украина ќе може безбедно да стигне до глобалните синџири на снабдување“, рече Гутереш, пренесе Ројтерс.
Претходно Русија и Украина потврдија дека се договориле за продолжување на договорот за уште 60 дена, откако тоа го објави турскиот претседател Реџеп Таип Ердоган.
Портпаролката на руското Министерство за надворешни работи Марија Захарова изјави дека договорот е продолжен за да им се помогне на земјите на кои им е потребна помош, но нагласи дека севкупната проценка на Русија за ситуацијата во врска со договорот „не е променета“.
Од друга страна, украинскиот вицепремиер Олександр Кубраков изјави дека Киев го поздравува продолжувањето на договорот, но порача дека не смее да и се дозволи на Русија да го саботира договорот со кој се овозможува извоз на украинско жито од пристаништата на Црното Море.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија има сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.