Свет
Двајца од починатите од суперјахтата на потонатиот милионер не умреле од давење во водата: пристигнаа резултатите од обдукцијата
 
																								
												
												
											Мажот и жената, кои загинаа при потонување на суперјахтата кај брегот на Сицилија, се задушиле до смрт во воздушен меур кога останале без кислород, јавуваат италијанските медиуми.
Џонатан Блумер, претседател на инвестициската банка „Морган Стенли интернационал“, и неговата сопруга Џуди беа меѓу седумте лица што загинаа кога суперјахтата потона минатиот месец. Нивните тела се пронајдени по тридневна потрага.
Двојката беше на патување со британскиот милионер Мајк Линч за да го прослават отфрлањето на нивните тужби против него во САД кога зафати страшната бура.
Меѓу загинатите се Линч, неговата ќерка Хана Линч (18), неговиот адвокат Крис Морвило и неговата сопруга Неда, како и готвачот на јахтата, Рекалдо Томас.
Кога бродот потонал, Џонатан и Џуди се задушиле кога кислородот истекол и не се удавиле, објави „Ла Република“.
Аутопсиите на нивните тела не откриле вода во нивните бели дробови, што сугерира дека умреле бидејќи нивните кабини се наполниле со јаглероден диоксид и останале без кислород.
Нуркачите што ги извлекле телата наводно ги пронашле на терасите од кабините, а инспекторите веруваат дека ги барале последните џебови со воздух додека бродот бил наведнат на десно по потонувањето.
Аутопсиите на адвокатот Крис Морвил и неговата сопруга Неда биле претходно завршени, а кај четворицата жртви немало траги на повреди.
Несреќата ја преживеа сопругата на Линч, Анџела, заедно со уште 14 лица.
Обдукциите на телата на Линч, на ќерка му Хана и на готвачот ќе бидат извршени в петок, пишуваат италијанските медиуми. Се очекува и суперјахтата да биде извлечена од морето како дел од истрагата.
Италијанското Обвинителство ги стави под истрага капетанот на бродот, Новозеланѓанецот Џејмс Катфилд, и двајца Британци, инженерот Тим Паркер Итон и членот на екипажот – Метју Грифитс, под сомнение за повеќекратно убиство од небрежност и вина за бродоломот.
На тројцата мажи им било дозволено да ја напуштат Сицилија додека истрагата се обидува да открие што се случило во 16-те минути кога јахтата била погодена од невреме во 3.50 часот и потонала за 60 секунди, во 4.06 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Свет
„Парамаунт“ отпушта 1.000 луѓе, а големи намалувања и во „Си-би-ес Њуз“
 
														„Парамаунт“ отпушта околу илјада вработени, а меѓу најпогодените е редакцијата на „Си-би-ес Њуз“, каде што речиси стотина луѓе ги загубија своите работни места. Овие потези се дел од долгорочен план за намалување на трошоците што следеше по спојувањето на „Парамаунт“ со „Скајденс Медиа“, објавува „Гардијан“.
Вработените во „Си-би-ес Њуз“ со месеци се мачат од најавениот бран отпуштања како дел од планот за намалување на трошоците вреден 2 милијарди долари. Еден од нив ги опиша намалувањата како „крвави“, велејќи дека тие биле на сите нивоа и влијаеле на бројни оддели.
Друг загрижен вработен, кој сакаше да остане анонимен, го опиша процесот како „вознемирувачки“. „Се чини дека никој не е безбеден“, додаде тој.
Како дел од намалувањата, мрежата ја затвори својата канцеларија во Јоханесбург и ги откажа стриминг емисиите „CBS Mornings Plus“ и „CBS Evening News Plus“. Програмата во сабота наутро ќе доживее промена на форматот, а одделот за раса и култура е десеткуван, потврди извор запознаен со ситуацијата.
Дејвид Елисон, извршен директор на „Парамаунт Скајденс“, им се обрати на вработените во интерно писмо во среда наутро.
„Во некои области, се справуваме со преклопувањата што се случија низ целата организација“, напиша тој. „Во други, постепено ги отпуштаме работните места што повеќе не се совпаѓаат со нашите променливи приоритети и создаваме нова структура дизајнирана да го зајакне нашиот фокус на раст. На крајот на краиштата, овие чекори се неопходни за да се позиционира ‘Парамаунт’ за долгорочен успех.“
Новоименуваната главна уредничка на мрежата, Бари Вајс, накратко се осврна на отпуштањата на почетокот од состанокот на уредниците, велејќи дека тоа е „исклучително тежок ден“ што претстои.
„Ова е само исклучително тежок ден за толку многу луѓе кои ги дадоа своите животи на оваа компанија во текот на годините и ми е жал и сакам да ги поддржам сите на кој било начин што можам“, рече Вајс, додавајќи дека нејзината „врата е отворена“.
Се очекува ова да биде едно од најголемите отпуштања во поновата историја на „Си-би-ес Њуз“. Последниот значаен бран се случи во мај 2020 година, на почетокот на пандемијата, кога беа отпуштени околу 50 вработени.
фото: принтскрин
Свет
(Видео) Американската војска нападна брод, вели дека превезувал дрога: четворица мртви
 
														Американската војска вчера уби четворица мажи за време на напад врз сомнителен брод за превоз на дрога во источниот Пацифик, изјави американскиот министер за одбрана Пит Хегсет, според Ројтерс.
„Овој брод, како и сите други, според нашите разузнавачки информации, бил вклучен во нелегална трговија со дрога. Патувал по позната рута за трговија со дрога и носел наркотици“, рече Хегсет во објава на Икс.
Earlier today, at the direction of President Trump, the Department of War carried out a lethal kinetic strike on yet another narco-trafficking vessel operated by a Designated Terrorist Organization (DTO) in the Eastern Pacific.
This vessel, like all the others, was known by our… pic.twitter.com/mBOLA5RYQe
— Secretary of War Pete Hegseth (@SecWar) October 29, 2025
Објавата на Хегсет вклучуваше видео клип од 22 секунди од експлодирањето на бродот во нападот на американската војска.
фото: принтскрин
Свет
Трамп ѝ дозволи на Јужна Кореја да изгради нуклеарна подморница
 
														Американскиот претседател Доналд Трамп изјави дека ѝ дал дозвола на Јужна Кореја да изгради подморница на нуклеарен погон, драматичен потег со кој Сеул ќе се приклучи на мал клуб земји што имаат вакви бродови.
Подморницата ќе се гради во бродоградилиште во Филаделфија, каде што јужнокорејските компании ги зголемија своите инвестиции, напиша Трамп на социјалните мрежи.
Американскиот претседател, кој се сретна со јужнокорејскиот претседател Ли Џе-Мјунг и други регионални лидери за време на неговата посета, исто така рече дека Сеул се согласил да купи огромни количини американска нафта и гас.
Трамп и Ли ги финализираа деталите за трговскиот договор на самитот во Јужна Кореја во среда.
Ли, исто така, побара дозвола од САД Јужна Кореја да преработува нуклеарно гориво.
Според договорот меѓу двете земји, на Сеул му е забрането да преработува нуклеарно гориво без согласност на САД.
„Им дадов одобрение да изградат подморница на нуклеарен погон, наместо старомодните и многу помалку агилни подморници на дизел погон што ги имаат сега“, напиша Трамп на својата платформа Truth Social во четврток.
Министерството за индустрија на Јужна Кореја соопшти дека неговите претставници не биле вклучени во деталните дискусии за изградбата на подморницата во Филаделфија.
Иако Јужна Кореја има софистицирана бродоградбена индустрија, Трамп не прецизираше од каде би доаѓала погонската технологија за подморница на нуклеарен погон, која моментално ја поседуваат само неколку земји.
фото: принтскрин


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											