Свет
Два воза излетаа од шините во Швајцарија, има повредени
Два регионални воза денеска излетаа од шините во северозападна Швајцарија, а неколку патници, меѓу кои и деца, се повредени во двата одвоени инциденти, соопшти полицијата на кантонот Берн.
Несреќите се случиле на оддалеченост од неколку десетици километри со интервал од околу 20 минути.
Првиот воз излетал од шините во 16:30 часот на линијата меѓу Лишерц и Бина, а во несреќата се повредени неколку лица меѓу кои и машиновозачот.
Kantonspolizei Bern bestätigt: Auch in Büren zum Hof ist ein Zug entgleist ➡️ https://t.co/3x6ZTl7PMJ pic.twitter.com/jDgSltEj7C
— 20 Minuten (@20min) March 31, 2023
Вториот воз излетал од шините околу 20 минути подоцна во близина на Бирен кум Хоф, изјави портпаролката на полицијата Флурина Шенк. Во тој инцидент се повредени 12 лица, меѓу кои и три деца.
In #BürenzumHof läuft aktuell ein Einsatz wegen eines entgleisten RBS-Zuges. Es gibt mehrere Verletzte, darunter mind. eine schwerverletzte Person. In #Lüscherz ist ein Teil eines ASM-Zuges entgleist. Hier wurden ebenfalls mehrere Personen verletzt. Wir informieren wieder.
— Kantonspolizei Bern (@PoliceBern) March 31, 2023
На лице место се службите за итна помош – полиција, брза помош и пожарникари. Причината за сообраќајните несреќи не е позната.
Бурни ветрови дувале денеска во Швајцарија и можеби ја предизвикале несреќата, соопшти компанијата која стопанисува со регионалната железница РБС. Во првиот инцидент задниот дел од возот се превртел на десната страна.
Најсилните налети на ветерот се придружени со обилни дождови и невреме. Швајцарската метеоролошка служба во текот на претпладнето предупреди на можност за удари на ветер од 80 до 110 километри на час во пониските предели или од 100 до 140 километри на час во планинските предели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.