Свет
Два дена по нападот на Израел, граѓаните се загрижени: „Ваква ситуација никогаш немало“
По само два дена од нападот на Иран врз Израел, граѓаните се обидуваат да се вратат на вообичаените активности и распоред, но секој момент стравуваат за својата безбедност, поради што училиштата и градинките се уште се затворени.
Сите граѓани редовно ги следат ажурирањата по нападот и се информираат за потенцијалните ризици по нивната безбедност, но наведуваат дека засега состојбата е стабилна.
„Се надевам дека ќе бидеме доволно паметни да не биде полошо и мислам дека синоќа беше голема победа за нас“, вели Талија, која беше во друштво со колешката Симоне, во кафуле во Западен Ерусалим.
Таа посочи дека кризата е се што зборувале цел ден.
Настаните од 7 октомври сè уште се присутни во секојдневниот живот, но нападот во саботата вечерта направи сите повторно да се чувствуваат ранливи.
Бевме многу, многу исплашени, разговаравме на телефон, но мислам дека по 7 октомври се чувствувам како веќе да сме го виделе најлошото“, изјави Симона.
Ова е првпат во историјата Израел да биде директно нападнат од Иран.
Нели Хајат, мајка на мали деца, била со пријателите во улицата Јафа, главната шопинг улица во градот.
„Израелскиот народ е заробен од тоа што се случува. Ги разбудивме децата во два часот по полноќ, истрчавме надвор бидејќи немаше засолниште во куќата и моравме да ги увериме децата дека се е во ред, иако бевме исплашени“, раскажува Нели.
Имаше бројни безбедносни предупредувања во деновите пред нападот, но неговиот обем шокираше многумина и вниманието сега е фокусирано на тоа како Израел ќе одговори.
„Не се плашиме од ескалација, премногу сме стари за тоа“, изјави Ами Коен, но додаде дека неговата партнерка Шаола се чувствува поинаку.
Родителите Лиор и Кели за „Билд“ изјавиле дека се под стрес.
„Имаме насмевка на лицето, но сме под стрес. Ноќта ја поминавме во засолниште со децата и цело време гледавме телевизија за да бидеме информирани. Мислам дека сето ова ќе се претвори во голема војна. Израел не треба да возврати, тогаш тоа ќе биде Трета светска војна“, велат тие.
Непријатна ситуација го затекна Орен Резнфелд (47) во кафуле каде се забавувал со пријателите, кога добил порака дека ракети истрелани од Иран летаат над Израел.
„Настана еден вид паника и луѓето си заминаа дома. Тоа беше еден вид бавна тензија, не е како кога луѓето бегаат дома затоа што летаат ракети“, вели Орен.
Керен Амар истакна дека никогаш немало „ваква ситуација во Израел, дури ни во војната во Јом Кипур во 1973 година“.
Керен Бецалел, меѓународен дописник за Скај њуз, рече дека „луѓето не се среќни денес“.
„Не е време за навивање. Немаме поим дали тоа е зад нас и да бидам искрен, сè уште имаме фронт на југ со Хамас. И има фронт на север, Хезболах. Дали завршивме со Иран? Што ќе се случи ако Израел одлучи да возврати? Дали тоа ќе доведе до поширока војна во регионот?“, се запраша Керен.
Наведува и дека Израелците се навикнати да живеат под закана, но ова е ново и дека претстојат тешки денови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Макрон и Штајнмаер со критики кон САД: Светот оди кон поделба на сфери на влијание
Францускиот претседател Емануел Макрон во своето годишно обраќање за надворешната политика ја критикуваше администрацијата на Доналд Трамп, обвинувајќи ги САД дека го поткопуваат глобалниот поредок заснован на правила. Тој оцени дека САД, како етаблирана сила, сè повеќе се оддалечуваат од дел од своите сојузници и се откажуваат од меѓународните правила што порано ги промовирале.
Макрон предупреди дека светот се движи кон поделба на сфери на влијание, во која големите сили настојуваат да доминираат, посочувајќи дека САД ја зајакнуваат својата улога во западната хемисфера. Иако директно не ги спомена Венецуела и Гренланд, тој ја обвини американската политика за кршење на правилата во трговијата и безбедноста, што предизвикува сериозна загриженост во Париз.
Критики упати и германскиот претседател Франк-Валтер Штајнмаер, кој оцени дека светот не смее да се претвори во дувло на разбојници во која најбескрупулозните земаат што сакаат. Тој истакна дека глобалната демократија никогаш не била толку загрозена и предупреди на, како што рече, „слом на вредностите“ кај најважниот партнер на Европа – САД.
Фото:Depositphotos
Свет
Орбан: Од Брисел пристигна декрет, крајно е застрашувачки што бараат од нас
Унгарскиот премиер Виктор Орбан изјави дека Украина бара од Европската Унија дури 800 милијарди долари во следните десет години, што, според него, би имало сериозни социјални последици за Унгарија. Орбан тврди дека оваа сума би можела да ги исплати пензиите во Унгарија во следните 40 години, а сите семејни бенефиции дури 60 години.
Во објава на социјалните мрежи, Орбан изјави дека украинскиот премиер Володимир Зеленски сака да ги добие овие пари од Брисел, додека Брисел, како што тврди, планира да го префрли товарот на земјите-членки на Европската Унија, вклучително и на Унгарија.
Орбан откри дека на вчерашната седница на унгарската влада бил слушнат извештајот на министерот за европски прашања Јанош Бока, во кој детално е објаснето како Брисел ќе ги распредели бараните 800 милијарди долари и од кои извори ќе се обезбедат средствата.
„Толку значат тие 800 милијарди долари што украинскиот премиер сака да ги извлече од Брисел. И тие го сакаат тоа од нас. На вчерашната владина седница го слушнавме извештајот на Јанош Бока за тоа како Брисел ќе ги распредели тие 800 милијарди долари и од кои извори ќе се обезбедат средствата. Резултатот е исклучително застрашувачки“, рече Орбан.
Според него, таканаречените „бриселски декрети“ за Унгарија би значеле укинување на 13-тата и 14-тата пензија, постепено укинување на семејните бенефиции и воведување прогресивен данок на доход, што дополнително би ги оптоварило унгарските даночни обврзници.
„Сето ова за да има што да се плати за украинските режиски трошоци“, додаде унгарскиот премиер.
Орбан рече дека Унгарија го отфрла таквото сценарио и најави дека извештајот на министерот Бока ќе биде објавен во целост.
„Па, тоа е она со што ние, Унгарците, не се согласуваме. Ќе го објавиме извештајот на министерот Бока затоа што унгарските семејства имаат право да знаат каков план Брисел сака да им наметне“, рече Орбан.
Тој додаде дека унгарските граѓани ќе можат да избираат „помеѓу патот на Брисел и патот на мирот“ на парламентарните избори во април.
фото/депозитфотос
Свет
Бура, снег и мраз во Германија: Училиштата се затворени, летовите се откажани, хаос на патиштата
Германија се подготвува за обилни снежни врнежи, замрзнат дожд и бури, а делови од земјата веќе се погодени од снег и замрзнат дожд.
„Обилни врнежи се очекуваат во големи делови од земјата од вечерва со 20 сантиметри нов снег во низините и замрзнат дожд“, објави Германската метеоролошка служба (DWD).
Според Германската метеоролошка служба, временската состојба се должи на циклонот „Ели“, кој се приближува од југозапад и носи врнежи во форма на снег и дожд.
Времето веќе предизвикува многу доцнења на патиштата и железницата. Поради бурното време, училиштата на северот од земјата, во Хамбург, Бремен и Долна Саксонија, денес останаа затворени.
Возач на автомобил загина утрово во Герде, Долна Саксонија, кога, според полицијата, ја изгубил контролата врз возилото поради заледени услови на патот и удрил во дрво.
Несреќи предизвикани од заледени услови се пријавени и во многу други федерални покраини. На пример, во Тирингија, автопатот А73 беше делумно затворен по судир на три автомобили во близина на Шлојзинген, соопшти полицијата.
Владејачката Христијанско-демократска унија (CDU) ја откажа својата редовна затворена конвенција, која требаше да започне утре, поради временските услови.
„Поради предупредувањата за екстремни временски услови и отежнат железнички и воздушен сообраќај, принудени сме да ја одложиме нашата конференција“, изјави портпаролката на CDU, Изабел Фишер.
Властите ги предупредуваат граѓаните да не излегуваат непотребно и да бидат особено внимателни поради ледените услови, а болниците за трауматологија се подготвуваат за прилив на пациенти.
фото/ЕПА
Евакуирани околу 110 лица по поплавите во Кичево, обезбедено привремено сместување и итна помош, отворена и сметка за донации
Поради обилните врнежи и зголемениот водостој на реките, во Кичево дојде до поплавување на населени места и земјоделски површини, при...
Мицкоски му одговори на Филипче: Имаме незрела, безидејна и неодговорна опозиција
Имаме неодговорна, неконструктивна, незрела и безидејна опозиција која се служи со вакви квалификации како што денеска ги слушнавме од господинот...
(Видео) Филипче: Средба со криминалци нема да има
Средба со криминалци нема да има. Нема средба за техничката влада, Мицкоски е во тесно, му се брза и бара...
(Фото) ДЗС: 30 полски кревети за евакуираните лица во Кичевско, во Ресенско со пумпи се вадеше навлезената вода од подруми и куќи
Подрачно одделение на Дирекцијата за заштита и спасување (ДЗС) Кичево, во овие два дена и сношти, учествуваше во теренските активности...
Нова состојба по обилните врнежи: Поплавени подруми и куќи во Охрид, Кичево, Битола, Тетово и Гостивар
Центарот за управување со кризи ја објави новата состојба до 13 часот по обилните врнежи од дожд во земјава. Во...
Лажен лекар измамил 77-годишна штипјанка за сума од 700.000 денари
Вчера во 16:30 часот во СВР Штип, 77-годишна жена од Штип пријавила дека била измамена од едно лице за сума...
Синдикат на култура: Преседан во културата, министерот Љутков повторно против колективните договори
Министерот за туризам, „културно“, но доста ехидно и веќе видено (за Велигден), сега им ја честиташе Новата година и божиќните...
Валбон Лимани претстави 3 проекти: 345 нови паркинг-места и трансформација на центарот и градскиот парк во Гостивар
Кандидатот за градоначалник на Гостивар од Националната алијанса за интеграција, Валбон Лимани, претстави три проекти: 345 нови паркинг-места и трансформација...
Трамп одобри нова казна за Путин? „Даде зелено светло“
Американскиот претседател Доналд Трамп даде зелено светло за законски предлог за нови санкции против Русија, изјави синоќа републиканскиот сенатор Линдзи...
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров,...
(Видео) Топлотен бран ја погоди Австралија, властите предупредуваат на „катастрофален“ ризик од пожари
Делови од Австралија в петок го очекуваат катастрофални услови на избувнување пожари, бидејќи топлотен бран го погоди поголемиот дел од...
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во...
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква...
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга...
Трамп: Венецуела од профитот од нафтата ќе купува само американски производи
Претседателот на САД, Доналд Трамп извести дека Венецуела ќе ги користи своите приходи од нафта за купување исклучиво американски производи....
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
МВР ќе утврдува зошто новите службени возила биле осветувани со верски обред
Одделот за внатрешна контрола, криминалистички истраги и професионални стандарди при Министерството за внатрешни работи презема мерки и активности за целосно...
