Свет
Две навивачки од Тексас по грешка влегле во погрешен автомобил, возачот ги застрелал
Две навивачки од Тексас вчера по грешка влегле во погрешен автомобил на паркинг по што сопственикот на возилото ги застрелал со огнено оружје.
Полициското одделение соопшти дека поради овој инцидент, го уапсиле Тело Родригез Јуниор (25) и дека е обвинет за напад, пишува „Еј-би-си њуз“.
И двете навивачки, поради повредите, завршија во болница. Едната е пуштена по преглед и лекување, а другата е во критична состојба.
Хедер Рот, навивачка во Woodlands Elite Cheer Co., сподели на „Инстаграм“ што се случило таа вечер.
Таа раскажа дека со уште три навивачки нешто по полноќ отишле на паркингот по тренингот. По грешка, ја отворила вратата од погрешниот автомобил со маж во него. Потоа излегла од возилото и се вратила во автомобилот на својата пријателка. Човекот потоа дошол кај нив. Рот го спуштила прозорецот за да се извини, но мажот почнал да пука во нив.
Сличен настан имаше и вчера кога дваесетгодишна девојка беше убиена кога случајно влегла на туѓ имот додека ја барала куќата на својот пријател во северниот дел на Њујорк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел: Цивилизирани земји во светот, спротивставете се на Хашкиот суд
Израел денеска ги повика „земјите од цивилизираниот свет“ да се спротивстават на барањето на обвинителот на Меѓународниот кривичен суд кој издаде налози за апсење на неговите водачи.
Израелскиот министер за одбрана Јоав Галант, кого судот во Хаг го бара заедно со премиерот Бенјамин Нетанјаху, го нарече „срамен“ обидот да се меша во војната на Израел против Хамас во Газа.
Одлуката на судот беше критикувана и во Вашингтон, кој го осуди впечатокот за изедначување на двете страни бидејќи обвинителот Карим Кан издаде налози и за палестинските исламисти.
„Ги повикуваме народите на цивилизираниот, слободен свет – нациите кои ги мразат терористите – да застанат со Израел. Треба веднаш да го осудите овој чекор“, рече портпаролот на израелската влада Тал Хајнрих.
„Нека знае МКС каде стоите. Спротивставете се на одлуката на обвинителот и изјавете, дури и ако се издадени налози, дека нема да ги спроведете. Затоа што тоа не е прашање на нашите водачи, туку на наш опстанок“.
Во објава на платформата „Икс“, Галант напиша дека обидот на обвинителот Кан да „го ускрати правото на државата Израел на самоодбрана и да ги ослободи заложниците“ мора да биде отфрлен.
Хамас моментално држи околу 125 израелски заложници, киднапирани во нападот на 7 октомври. Официјални лица од Газа објавија дека за време на израелската офанзива што следеше загинале 35 илјади луѓе.
Кан во понеделникот рече дека Израел има право да го брани своето население, но дека ова право не значи дека Израел е над „почитувањето на меѓународното хуманитарно право“.
Тој смета дека израелските методи како убивање цивили или гладување се нелегални.
Регион
Вучиќ за гласањето на Резолуцијата за Сребреница: Ќе има разочарувачки вести за ставовите на некои земји за кои не очекувавме „да ни забијат нож во грб“
Претседателот на Србија, Александар Вучиќ денеска најави дека при гласањето на Резолуцијата за геноцидот во Сребреница ќе има „разочарувачки вести“ во однос на позициите на некои земји.
„Ги добивме податоците, секако дека ќе има разочарувачки вести во однос на ставовите на некои земји за кои не очекувавме „да ни забијат нож во грб“, но очекувавме голем притисок и знаевме дека ќе има промени во ставовите. Цело време молчеа, но застанаа на страната на оние кои се големи и силни“, изјави Вучиќ на новинарите во обраќањето од Њујорк.
Тој изјави и дека верува оти „многумина кои ќе гласаат за Резолуцијата за геноцидот во Сребреница утре ќе кажат дека таа е за доброто на Србија“.
„Ќе ја повторат празната приказна дека не е колективна вина на српскиот народ“, рече претседателот на Србија.
Вучиќ рече дека ќе има „и такви кои ќе го издржат притисокот“.
„Парадоксално е што седницата на Генералното собрание на Обединетите нации ќе ја отворат Германците, повторно ќе ни судат, ќе одговорам и ќе возвратам на секој удар, а ќе имаме доволно пријатели кои ќе се појават во четврток навечер“, изјави Вучиќ.
Регион
(Видео) Силно невреме ја зафати Србија: жена загина во Сомбор
Силно невреме го погоди Сомбор околу 17 часот, а на социјалните мрежи кружат фотографии од соборени дрвја во овој град.
Исто така, како што соопшти српското МВР, една жена настрадала кога дрво паднало врз автомобилот во кој се наоѓала.
Поројни дождови и град ги погодија и Нови Пазар, Ивањица, Чачак.
Силно невреме денеска околу 15 часот го зафати Нови Пазар и околината, предизвикувајќи прекин на електричната енергија во неколку населени места, јавува Танјуг.
Fallen branches and trees at northwestern Serbia due to convective wind gusts on this evening, in Kucura near town Vrbas (first photo), and in town Sombor (2nd and 3rd photo).
Source – Facebook page: https://t.co/wDYT1MhWyc pic.twitter.com/7CB9lfJcJL
— Milos Milic (@skomimaster) May 21, 2024
Силен дожд и град со големина на ореви паѓаа со часови без престан, пренесуваат српските медиуми.
Поради обилните врнежи, на улиците се појавија големи количества вода, што го отежна движењето на автомобилите.