Свет
(Видео) Девојка со српско потекло меѓу убиените во Чикаго
Една од трите жртви на пукањето во болницата „Мерси“ во Чикаго е 25-годишна девојка со српско потекло, пишуваат српските медиуми. Според информациите што ги објави РТС, станува збор за 25-годишната Дeјна Лес.
Според светските медиуми кои цитираат очевидци, полицијата била повикана во болницата кога напаѓачот почнал кавга со својата девојка, докторката Тамара О’Нил, со која претходно бил свршен. Најверојатно, според очевидци, тие двајца се скарале поради прекинување на свршувачката.
Dr. Tamara O’Neal was shot and killed inside the hospital where she worked. @cbschicago pic.twitter.com/KpCLjEtFyA
— Charlie De Mar (@CharlieDeMar) November 20, 2018
Според изјавите на очевидците, напаѓачот испукал повеќе куршуми кон докторката по што отворил оган и кон другите луѓе кои во тој момент се нашле во болницата. По убиството на девојката, напаѓачот потоа застрелал фарамцевтка, која случајно излегла од лифтот во ходникот.
Третото загинато лице е полицаец, кој бил на должност. АП пишува дека не е наведено дали напаѓачот извршил самоубиство или бил убиен.
#ChicagoPolice Officer Samuel Jimenez died a hero today. He was killed doing what cops do — running into the danger to save others. Sending our condolences and prayers to Officer Jimenez’s family and everyone at @Chicago_Police. #NeverForget pic.twitter.com/Uv4Zkr7Cg2
— Chief Terence Monahan (@NYPDChiefofDept) November 20, 2018
Според неофицијалните информации на РТС, 25-годишната девојка со српско потекло, која живеела во Чикаго, Дeјна Лес, која, најверојатно, е меѓу убиените, летово докторирала фармација на познат универзитет во Индијана, кој се наоѓа на два часа јужно од Чикаго.
Пријателите на Дајна Лес на социјалните медиуми велат дека таа се вработила во болницата во јули и дека требало да прави свадба во јуни в година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.