Популистичкиот италијански министер за внатрешни работи, Матео Салдини, издаде впечатлив декрет за миграција со кој ќе бидат укинати дозволите за престој од хуманитарни причини и ќе им бидат укинати финансиските средства на центрите за депортација.

Новиот декрет за миграција, кој беше усвоен едногласно во италијанската влада, ги комбинира аспектите на миграциската политика заедно со другите безбедносни одредби за справување со левичарските активисти и италијанската мафија, пренесува „Ил џорнале“.

Една од главните точки на декретот е укинувањето на дозволите за престој од хуманитарни причини за барателите на азил, кои не се квалификуваат според нормалните правила за азил.

Декретот го оправдува укинувањето на дозволите за престој велејќи дека тие се користат многу полиберално во Италија отколку во други земји и ќе ги замени со нови, кои ќе ги опфатат мигрантите со специфични здравствени проблеми, оние што бегаат од природни катастрофи, а ќе има и дозволи за граѓанска заслуга што може да се трансформираат во работни визи.

Откако во предизбирната кампања вети дека ќе депортира 500.000 нелегални имигранти, Салвини работи на подобрување на системот за депортација и најави дека деновиве ќе го претстави планот за депортација по неодамнешно масовно зголемување на бројот на мигранти осомничени за кривични дела.

На безбедносен аспект декретот дозволува одземање на државјанството на мигрантите што се вклучени во терористички активности, а предвидува и мерките против мафијата и организираните криминални групи бидејќи Салдини планира да го зголеми персоналот во Националната агенција за администрација и упатување запленети и конфискувани средства од организиран криминал (ANBSC). Декретот исто така цели кон остри мерки за левичарските активисти и диводоселените Роми.