Свет
„Делта“ сојот на коронавирус му се заканува на светот, сметаат експертите
Осум милиони жители на кинескиот град Донггуан вчера направиле тест за Ковид-19, откако викендов биле регистрирани два случаи на заразени со „делта“ сојот на коронавирус.
„Делта“ варијантата или т.н индиски сој на коронавирус станува доминантен вид на вирусно заболување ширум светот, кое веќе се прошири во повеќе од 80 земји.
„Делтата“ варијанта на коронавирус е загрижувачка поради значително поголема преносливост, недостатокот на податоци за неговото влијание врз ефективноста на вакцините и мешавината на сосема различни симптоми што ги манифестира“, предупреди д-р Соумја Сваминатан, водечки експерт на Светската здравствена организација .
Поради индискиот сој на коронавирус, властите во Португалија, Италија и Израел веднаш реагираа.
Соочена со драматичен скок на бројот на заразени од индискиот сој во сите 18 општини во Лисабон (1.350 случаи во еден ден, или најголем број од февруари), португалската влада воведе радикална мерка за затворање на главниот град од петокот во 15 часот до вчера во 6 часот наутро.
„Владата одлучи ситуацијата со индискиот сој во град како што е во Лисабон, да не се прошири низ целата земја“, рече португалската министерка Маријана Силва Виеира.
Различното темпо на ширење на „делта“ вирусот низ Европа во моментов е малку мистерија, смета Џеф Барет, директор на институтот Велкам Сангер во Кембриџ.
Најновите вести за проширувањето на индискиот сој на коронавирус паралелно со приливот на странски туристи ја принудија владата во Рим да преземе итни мерки на претпазливост. Од вчера, Италија воведе петдневен карантин и задолжително тестирање на патници од Велика Британија, пренесоа агенциите. Покрај тоа, петдневниот карантин во Италија овој пат важи и за сите вакцинирани (две дози) новодојденци од Британија.
Во меѓувреме, жаришта на „делта“ се регистрирани на југот на Франција (регионот Ланд), во уметничко училиште во близина на Стразбур, во јужните предградија на Париз, како и во Германија и Шпанија.
Голема непријатност поради индискиот сој на коронавирус која според податоците на СЗО најчесто ја напаѓа помладата популација, се шири пред претстојната летна сезона, сметаат експертите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.
Регион
Курти не успеа да формира влада
Лидерот на Движењето „Самоопределување“, Албин Курти, соопшти дека актуелната влада ќе продолжи да функционира до одржување на нови парламентарни избори, откако денеска во косовското Собрание не доби доволен број гласови за формирање нов кабинет, пренесе „Фонет“.
„Им благодарам на сите пратеници кои го поддржаа предлогот за новата влада и на граѓаните за поддршката. Бидејќи 56 гласа беа за, 52 против, а четворица воздржани, новиот мандат не може да започне. Во меѓувреме, како актуелна влада продолжуваме кон новите парламентарни избори“, напиша Курти на „Фејсбук“, пренесе „Косев“.
По гласањето, претседателот на Собранието, Димал Баџа, изјави дека одговорноста сега преминува на претседателката Вјоса Османи, која најави консултации со сите партии. Доколку не биде формирана влада, Османи ќе распише нови избори во рок од 40 дена.
Опозициските партии веќе порачаа дека нема да се обидат да формираат влада, бидејќи немаат мнозинство.
Свет
Гувернерот на Калифорнија сака да биде претседател на САД
Гувернерот на Калифорнија, демократот Гавин Њусом, изјави во интервју за „Си-Би-Ес“ дека сериозно размислува за кандидатура за претседател на САД во 2028 година, пренесе „Хина“.
Тој нагласи дека конечната одлука ќе ја донесе по изборите за Претставничкиот дом и Сенатот во 2026 година. „Да, би лажел кога би рекол поинаку“, рече Њусом на прашањето дали планира да се кандидира.
Како што потсетува агенцијата, Њусом оваа година ја зацврсти својата позиција во Демократската партија, особено поради честите судири со актуелниот претседател Доналд Трамп.
Инаку, според Уставот на САД, Трамп нема право на трет претседателски мандат.
Изборите за американскиот Конгрес ќе се одржат во ноември 2026 година.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025

