Свет
Демократите се бесни поради тешкиот пораз, го обвинуваат Џо Бајден

Гневот и потребата за длабоко размислување преовладуваа меѓу членовите на Демократската партија на САД денеска откако актуелната потпретседателка Камала Харис претрпе изборен пораз што ги остави партиските функционери и гласачите без зборови.
Камала Харис, која влезе во трката пред само три месеци, беше прогласена за губитничка од нејзиниот републикански ривал, но начинот на кој ги загуби изборите отвора многу прашања за иднината на партијата.
Најостра критика е обвинението дека партијата ги лажела поддржувачите за когнитивните способности на претседателот Џо Бајден се додека катастрофалната ТВ дебата со Трамп во јуни не доведе до повлекување на претседателот од трката.
Еден демократски донатор праша: „Што го натера Џо Бајден да остане толку долго? Тој не требаше да ја крие својата здравствена состојба и требаше да се откаже многу порано“, пренесува „Индекс“.
Бајден (81) рече дека мисли оти може да го победи Трамп и дека е способен да биде претседател на САД уште четири години. Но, кога се откажа од трката во јули, објасни дека „во најдобар интерес на неговата партија и земја, ја донел одлуката да се пензионира“.
Неговата најава да се кандидира повторно во април 2023 година беше дочекана со скептицизам од многу демократи, а потенцијалните противници брзо се согласија да се приклучат на неговата кампања како советници наместо да ја доведуваат во прашање неговата одлука.
Долгогодишниот донатор на демократите, менаџерот Бил Акман, кој го поддржа Трамп во 2024 година, напиша на „Икс“ дека на партијата „и треба целосно ресетирање“.
„Партијата го лажеше американскиот народ за менталното здравје и кондицијата на претседателот и не се погрижи навреме да го замени“.
Постојат две групи Американци на кои Харис им се чинеше подобар избор во однос Трамп: многу млади гласачи – мотивирани од климатските промени, либералните вредности и нејзиното познавање на социјалните медиуми, и жените – кои се плашат од ограничените права за абортус што ги застапуваат републиканците. Но, се чини дека и двете групи застанаа на страната на Трамп.
Трамп доби поддршка и во приградските заедници, иако демократите веруваа дека тоа е и нивен терен.
Официјален претставник на Демократскиот национален комитет изјави дека во вторникот доцна навечер добил лути СМС пораки од бројни сопартијци кои му дале до знаење дека се лути затоа што ги излажале во кампањата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Лондон и Париз разговараат за признавање на палестинската држава

Велика Британија ќе води разговори со Франција и Саудиска Арабија за признавање на палестинската држава на конференција во јуни, која двете земји ја организираат за да го задржат политичкиот пат кон решение за две држави на Блискиот Исток, изјави денеска британскиот министер за надворешни работи Дејвид Лами.
Ова е првпат Обединетото Кралство јавно да потврди дека е во преговори со Франција за процесот на признавање на Палестина во контекст на претстојната конференција.
Британското и француското признавање на Палестина би испратило силна политичка порака, но таа се соочува со голем број дипломатски пречки, вклучувајќи ја потребата од поголема јасност околу француските предлози и прашањето дали признавањето може да биде дел од кредибилен процес кон решение со две држави, на што се противи Израел, пишува Гардијан.
Лами изјави пред Комитетот за меѓународни односи на Домот на лордовите дека Обединетото Кралство сака да го преземе тој чекор доколку има вистинско влијание на теренот, а не само симболично, додавајќи дека неговиот тажен заклучок е дека недамнешните признавања на Палестина немале ефект.
Потсетувајќи дека 160 земји веќе ја признаа Палестина, вклучувајќи ги неодамна Шпанија, Норвешка и Ирска, Лами рече: „Никој нема право на вето кога Обединетото Кралство ќе признае палестинска држава… Секогаш сме тврделе дека признавањето не е цел сама по себе и дека претпочитаме признавање како дел од процесот на две држави“.
„Претседателот Макрон зборуваше за тоа, последен пат заедно со Саудијците, и секако во моментов сме во разговори со нив“, додаде Лами.
Тој посочи дека во разговорите со Катар минатата недела, нагласил дека секое долгорочно решение ќе бара Хамас да не биде на власт во Газа и неговото раководство да го напушти регионот.
Тој прифати дека брзото проширување на населбите ја поткопува одржливоста на решението за две држави и го оцени нивото на насилство поврзано со населбите како „шокантно“. Минатата година, рече тој, на Западниот Брег биле изградени 59 нови диви населби, додека просекот за претходните 25 години бил седум.
Последните шпекулации за признавање на Палестина ги поттикна претседателот Емануел Макрон по неговото враќање од Египет на 9 април, кога рече дека Франција веројатно би можела да ја признае Палестина на конференција во јуни. Тоа ќе биде првпат членка на Г7 да ја признае Палестина.
Неколку дена подоцна, Макрон појасни дека потегот треба „да поттикне низа други признавања… вклучувајќи го и признавањето на Израел од страна на земјите кои во моментов не го признаваат“, што би можело да и дозволи на Франција да го повлече признавањето доколку не се постигне напредок.
Израелскиот премиер Бенјамин Нетанјаху потоа му се јави на Макрон и му кажа дека признавањето на Палестина ќе биде победа за Хамас и Иран.
Доналд Трамп треба да ја посети Саудиска Арабија овој месец, каде Ријад сигурно ќе му каже дека нормализацијата на односите меѓу Саудиска Арабија и Израел не е можна без кредибилен пат кон решение со две држави.
Свет
Украинците тврдат дека им биле доставени 120 илјади неисправни минофрлачки гранати

Канцеларијата за домашна безбедност на Украина вчера објави дека привела четири лица по истрагата за испораката на 120.000 неисправни минофрлачки гранати.
Службата за безбедност на Украина, позната и како СБУ, на својот канал Телеграм напиша дека меѓу уапсените има воен службеник, офицер за контрола на квалитетот и двајца директори на компанија за производство на одбрана.
Според „Бизнис инсајдер“ ова се случува шест месеци откако украинските медиуми објавија поплаки од некои војници од првата линија дека нивните минофрлачки гранати од 120 милиметри не испукале или експлодирале.
Во видеото кое стана вирално во ноември, еден војник вели дека само една од десет гранати испукани од фрлачот биле ефективно детонирани. Во тоа време, украинските новинари објавија дека до 100.000 гранати ќе бидат деактивирани.
СБУ соопшти дека истражувала одбранбен објект во регионот Днепропетровск, дом на клучниот град Днипро, и открила дека четворицата уапсени лица заговарале да „испорачаат неисправни минофрлачки гранати на бојното поле“.
„За сериско производство, осомничените користеле неквалитетни материјали и вршеле лоша изработка, што предизвикало откажување на главниот запалувач и нестабилна работа на целото полнење на барут“, се вели во соопштението на СБУ.
Безбедносната служба не ги објави имињата на уапсените, но ги обвинува сите за заговор за „намалување на трошоците за производство со цел да го зголемат сопствениот профит“.
СБУ тврди дека воените службеници и службениците за контрола на квалитетот „намерно ја игнорирале“ неисправната муниција и фалсификувале документација за да ја прикријат измамата.
„Како резултат на тоа, 120.000 неупотребливи гранати пристигнаа на бојното поле“, се додава.
Доколку бидат прогласени за виновни, четворицата уапсени се соочуваат со затворска казна до 15 години, според СБУ.
Артилериската муниција е особено важна за украинската одбрана бидејќи војната се претвори во сеопфатна битка. Едно од најитните прашања за Киев е недостигот на расположливи војници, па се разгледува можноста за намалување на старосната граница за регрутирање на 18 години.
Но, Украина исто така се обидува да спречи недостиг на муниција, а Европа и САД забрзано работат на нејзината испорака. Во тој налет, Киев се обидува да ја зајакне својата домашна одбранбена индустрија, која веќе произведува милиони беспилотни летала.
Регион
Во Белград најдено телото на девојчето кое неговата мајка го фрли во река во Загреб

Белградскиот Интерпол ја известил хрватската полиција дека во март во реката Сава во Белград пронашла тело на дете.
Загрепската полиција штотуку соопшти дека преку меѓународна полициска соработка е извршена ДНК анализа и е утврдено дека е жртвата на убиството, извршено на 15 јануари годинава во Загреб, кај мостот Јанкомир.
Станува збор за случај од почетокот на годинава кога ХГСС и други служби трагаа по тригодишно девојче кое мајка и го внела во реката кај мостот Јанкомир.
Мајката тие денови била сослушана во Жупаниското државно обвинителство во Загреб, а поради извршување на кривичното дело тешко убиство и е изречена едномесечен притвор.