Свет
Ден по масакрот во Грац евакуирани училиште и градинка

еден ден по најлошиот масакр во училиштата во австриската историја, во кој 21-годишен поранешен ученик во средното училиште „БОРГ Драјершуценгасе“ во Грац уби десет лица, а потоа се самоуби, австриските власти повторно интервенираа во истиот град.
Основното училиште „Тристер“ во округот Гриз беше евакуирано денес, заедно со блиската градинка поради сомнителен предмет.
Полицијата потврди дека пред училиштето е пронајдена сомнителна торба, што доведе до евакуација. „Операцијата е сè уште во тек“, соопшти полицијата. Се истражува дали предметот претставува реална закана.
Во евакуацијата учествуваа неколку стотици деца и нивните семејства. „Многу деца веќе се однесени дома, а останатите се добро згрижени. Сè е многу добро организирано“, соопшти канцеларијата на градскиот советник за образование, Курт Хоензинер.
Иако сè уште не е познато дали овој инцидент е поврзан со вчерашниот напад, властите не ја исклучуваат можноста за поврзаност. Полицијата е во состојба на зголемена готовност.
Во вторникот, 21-годишниот поранешен ученик Артур А. отвори оган во гимназијата „БОРГ Драјершуценгасе“, убивајќи девет ученици и еден наставник, пред да изврши самоубиство. Нападот траел 17 минути, а полицијата пристигнала на местото на настанот во рок од пет минути. Напаѓачот легално поседувал оружје, а во неговиот стан биле пронајдени нефункционална бомба и проштално писмо. Мотивот за нападот сè уште не е познат.
Австрискиот канцелар Кристијан Штокер прогласи тридневна национална жалост, а утрово низ целата земја беше одржана едноминутно молчење. Грац и Австрија сè уште се во шок поради овој трагичен настан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Ги изгубивме Индија и Русија поради најмрачната Кина

Американскиот претседател Доналд Трамп денес го коментираше зближувањето на Индија и Русија со Кина, што беше демонстрирано на неодамнешниот самит во Тинџин, Кина.
„Изгледа дека ги изгубивме Индија и Русија од најтемната, најцрната Кина“, рече Трамп на својата мрежа Truth Social, заедно со фотографија од рускиот претседател Владимир Путин, кинескиот претседател Шји Џјинпинг и индискиот премиер Нарендра Моди, направена на самитот на Шангајската организација за соработка во Тинџин претходно оваа недела.
„Нека имаат долга и просперитетна иднина заедно“, напиша тој во објавата, очигледно иронично.
Медиумите потсетуваат дека Трамп претходно го нарече самитот во Кина заговор против САД. Рускиот претседател Владимир Путин одговори дека „Трамп има добро чувство за хумор“.
За време на самитот, Шји Џјинпинг повика на воспоставување нов мултиполарен светски поредок што ќе ја предизвика американската демократија како водечка сила во глобалните прашања. Таквиот поредок, според него, би го вратил светот во состојба во која суперсилите ги контролираат своите сфери на влијание.
Фото: принтскрин
Свет
Полскиот претседател по средбата со Трамп: „Почувствував промена кај него“

Полскиот претседател Карол Навроцки изјави дека забележал промена на мислењето кај Доналд Трамп во врска со Владимир Путин, објави polsatnews.pl.
Сумирајќи го разговорот, Навроцки ја нагласи важноста на изјавите за безбедноста, но и повикот за самит на Г20 и дискусијата за увоз на американски гас со цел Полска да стане независна од руските извори на енергија.
Една од клучните цели на посетата беше да се обезбеди понатамошно американско воено присуство во Полска.
„Патував со надеж дека ќе можам да постигнам ниво на разговори на кое присуството на американски војници во Полска ќе се зголеми, а нема да се намали. И успеав во тоа“, рече Навроцки додавајќи дека се согласиле оти во иднина треба да размислуваме и за проширување на ова присуство.
На прашањето дали станува збор за проектот Fort Trump, кој вклучува постојана база на американските сили во Полска, претседателот одговори потврдно.
„Целата оваа дискусија се врти околу проекти што директно потсетуваат на Fort Trump. Имам голема надеж дека ќе се вратиме на оваа идеја“, рече тој. Нагласи дека е прерано за детали, но дека целта е да се создаде простор за американски инвестиции и економска и технолошка соработка.
Навроцки рече дека забележал промена во ставот на Трамп кон рускиот лидер.
„Мислам дека ја зајакнав промената на Трамп во перцепцијата за Владимир Путин. Ги споделив моите ставови за Руската Федерација со американскиот претседател“, рече тој.
Навроцки верува дека Трамп е „единствената личност во светот што е способна да преговара со Владимир Путин и да донесе мир“ и дека треба да биде поддржан во овие напори.
„Можам да кажам дека Доналд Трамп е лидер што знае да слуша. Ова е охрабрувачко и исклучително важно бидејќи зборуваме за претседателот на најголемата светска сила, кој знае да слуша, поставува прашања, сака да знае и е отворен за аргументите на другите“, рече Навроцки.
фото: принтскрин
Европа
(Видео) Украинците ја нападнаа најголемата рафинерија на рускиот нафтен гигант

Украинските беспилотни летала нападнаа неколку руски нафтени објекти синоќа вклучувајќи ја најголемата рафинерија на „Роснефт“ во Рјазан и складиште за нафта во окупираниот регион Луганск. Веста ја потврди Роберт (Мадијар) Бровди, командант на украинските беспилотни сили, објави „Киев индепендент“.
„Бензинот (во Русија) е при крај, а гасот и нафтата бргу исчезнуваат“, напиша Бровди на социјалните медиуми.
💥 Drones hit a refinery in Russia’s Ryazan, setting it ablaze. Ukraine confirms strikes on both the Ryazan refinery & an oil depot in occupied Luhansk. #MakeRussiaPay pic.twitter.com/PaSlQskXGq
— Iuliia Mendel (@IuliiaMendel) September 5, 2025
Жителите на Рјазан, град на 180 километри југоисточно од Москва, им ги пријавија на руските медиуми експлозиите околу 2 часот наутро, проследени со голем пожар што го осветли ноќното небо. Фотографиите и видеата што бргу се проширија на интернет покажаа густ црн чад што се издига од рафинеријата на јужните периферии на градот.
Објектот, со капацитет од 13,8 милиони тони годишно, веќе беше цел на украински беспилотни летала на 2 август кога две од неговите три главни единици беа принудени да се затворат.
— 🪖MilitaryNewsUA🇺🇦 (@front_ukrainian) September 5, 2025
Регионалниот гувернер Павел Малков изјави дека осум дрона биле соборени, а остатоците паднале врз индустриската зона тврдејќи дека немало жртви или штети на станбени згради. Тој не коментира директно за извештаите за пожарот во рафинеријата.
Во меѓувреме, во окупираниот регион Луганск локалните жители пријавија дека виделе црн чад доцна во четвртокот вечерта. Мадјар потврди дека украинските беспилотни летала погодиле складиште за нафта во регионот, иако обемот на штетата сè уште не е познат.
Руското Министерство за одбрана соопшти дека во текот на ноќта соборило вкупно 92 украински беспилотни летала.
фото: принтскрин