Свет
Десетици гладни мечки се спуштија во село во Русија
Најмалку 30 мечки стигнаа до селото Риркајпија на западниот брег на Чукотка, соопшти Светскиот фонд за природа на Русија. „Денеска патролите избројаа околу 30 поларни мечки. Толку се забележани со двоглед, веројатно го има и повеќе“, се вели во изјавата, во која се додава дека повеќето мечки биле изгладнети.
Фондот навел дека некои од овие животни се наоѓаат на ‘ртот Кожевников (мал полуостров на еден километар од куќите), а другите се пробиваат до ‘ртот преку скршениот мраз. Во соопштението се наведува дека ситуацијата е прилично напната, но дека патролите се обидуваат да ја држат состојбата под контрола. Волонтерите редовно ја проверуваат територијата на населбата, дежураат во близина на училиштата и градинките, го предупредуваат локалното население и им објаснуваат на безбедносните мерки. Поддршка е обезбедена и од локалната самоуправа и владата на автономниот округ Чукотка.
Животните не влегуваат често во селото, но ситуацијата може да се промени прилично брзо.
„Приближно истото се случи во Риркајпија пред една година, кога беа избројани 60 поларни мечки во близина на селото. Благодарение на професионалноста и искуството на патролите и координираната работа на властите, Фондот и волонтерите, не настрадаа ниту луѓето, ниту животните“, рече Варвара Семјонова, координатор на проектот на Арктичкиот фонд за биодиверзитет.
Според неа, ваквите ситуации, за жал, се случуваат сè почесто.
„Една од причините се глобалните климатски промени. Мразот се појавува многу подоцна, мечките не можат да ловат во морето и се принудени да бараат храна на брегот”, објасни таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Над 20 загинати во пожар во продавница во Мексико
Во пожар што избувнал во продавница во градот Ермосиљо, на северозападот на Мексико, загинале повеќе од 20 лица, пренесуваат локалните медиуми.
Претседателката Клаудија Шејнбаум изрази сочувство до семејствата на загинатите и соопшти дека испратила тимови за помош на повредените и нивните блиски, пренесе „Ројтерс“.
Градоначалникот на Ермосиљо потврди дека бројот на жртвите е голем, а началникот на противпожарната служба изјави дека причината за пожарот сè уште не е утврдена.
Enluta a México explosión e incendio en tienda Waldo's de Hermosillo, con al menos 23 muertos -hombres, mujeres, menores- y 12 heridos por presunto estallido en transformador CFE.
Autoridades niegan atentado.
Otra vez un siniestro en Sonora que recordó tragedia en Guardería ABC. pic.twitter.com/T1LbuboogG— Jesús Rubén Peña (@revistacodigo21) November 2, 2025
Свет
(Видео) Напад во воз во Англија, 9 лица се борат за живот
Девет лица се во животна опасност по напад со нож во воз во близина на Кембриџ, источна Англија, јави „Индекс“. Полицијата уапсила две лица, а британскиот премиер Кир Стармер го нарече настанот „страшен инцидент“.
Полицијата потврди дека била активиран кодниот збор „Платон“ – сигнал за можен „подвижен терористички напад“, но подоцна таа квалификација била повлечена, и не е познат засега мотивот за нападот.
Two people have been arrested after a stabbing spree on a train in Huntington, Cambridgeshire.
Reports suggests up to 10 people have been stabbed, including staff members.
This can’t be the new normal. We should be able to walk our dog, visit the bank or travel without fear. pic.twitter.com/jDgeqWJYMZ
— Chris Rose (@ArchRose90) November 1, 2025
Нападот се случил во петок околу 18:25 часот во возот на линијата Донкастер – Лондон, кратко по поаѓањето од станицата Питерборо. Возот бил запрен во Хантингтон, каде што полицијата ги привела осомничените.
Според сведоци, патници со рани од нож трчале низ вагоните бегајќи од напаѓачот. Во акцијата интервенирале вооружени полициски единици и голем број екипи на итната помош.
Стармер изјави дека неговите мисли се со повредените и им се заблагодари на службите за брзата реакција. Министерството за внатрешни работи апелира да се избегнуваат шпекулации додека трае истрагата.
Железничката компанија LNER соопшти дека станува збор за нивен воз и ги предупреди патниците дека линиите се блокирани.
Свет
Израелска компанија: Претставник на крадеците од Лувр нè контактираше и ни понуди накит
Израелска безбедносна компанија соопшти дека ја контактирале крадците кои стојат зад кражбата на накитот од Лувр, нудејќи тајни преговори за продажба на украдените предмети преку „даркнет“.
Компанијата CGI Group тврди дека управата на Лувр ја игнорирала понудата, иако крадците доставиле очигледен доказ дека поседуваат дел од украдените драгоцености. Тие побарале десетици милиони евра за накитот, проценет на 88 милиони евра.
Извршниот директор на компанијата, Цвика Навех, изјави дека пет дена по кражбата (19 октомври) добиле шифрирана порака од лице кое тврдело дека ги претставува крадците: „Ни понудија преговори на даркнет за откуп на накитот, со рок од само 24 часа,“ рече Навех.
Според него, компанијата водела неколку шифрирани разговори со претставникот на крадците и добила индикации дека навистина поседуваат дел од предметите.
„Беа во бегство и морале брзо да се ослободат од пленот“, додаде тој.
Навех преку посредник се обидел да ја извести управата на Лувр, но вели дека тие шест дена не реагирале: „Го изгубивме кредибилитетот кај крадците, а Лувр ја пропушти вистинската шанса да го врати накитот. За жал, изгледа дека егоизмот и двоумењето ја одиграа својата улога.“
Тој потсетува дека уште пред неколку месеци во интервју за италијанскиот весник „Ил Темпо“ предупредил на дискусии на даркнет што упатувале на планови за грабеж во музејот.
Некои извештаи наведуваат дека CGI Group учествува во истрагата, но од Лувр негираат дека имале директен контакт со компанијата. Тие велат дека комуникацијата најверојатно се одвивала преку италијанската подружница, која можеби ја ангажирала осигурителна фирма поврзана со музејот.
Во кражбата крадците провалиле во една од најраскошните сали на Лувр и побегнале со кралски накит, меѓу кој се наоѓа смарагдно-дијамантска огрлица што Наполеон I ѝ ја подарил на својата сопруга Марија Лујза, како и тијара со 212 бисери и речиси 2.000 дијаманти што ѝ припаѓала на царицата Евгенија.
Досега се уапсени неколку лица, но украдениот накит сè уште не е пронајден.

