Свет
Деца во Австралија им го украле автомобилот на родителите и се возеле 900 километри

Четири деца спакувале опрема за риболов и пари и одзеле автомобил пред да почнат со нелегално возење долго дури 900 километри, објави Би-би-си.
Тројца момчиња и едно девојче на возраст меѓу 10 и 14 години го напуштиле Грејсмер во Квинсленд за време на викендот. Еднo од момчињата што учествувале во ова бегство преку порака ги известилo своите родители за заминувањето. Децата не биле од исто семејство, а автомобилот го украле од еден од родителите.
Рано во неделата, по 140 километри патување, групата застанала на бензинска пумпа во градот Банана, каде што, наводно, укралe бензин. На видеoснимката од нивното пристигнување на бензинската пумпа се гледа како автомобилот нормално влегува меѓу пумпите за бензин.
Подоцна истиот ден полицијата го забележала нивниот автомобил во Глен Енес, град во близина на Графтон, и почнала да ги следи. Потерата набргу била запрена поради грижа за децата и нивната безбедност. Полицијата потоа повторно ги забележала децата кога застанале во Графтон. Децата се заклучиле во автомобилот, а полицијата морало да примени сила за да влезе во возилото по што ги привела малолетниците.
Еден од инспекторите на овој случај изјавил дека децата, најверојатно, се менувале зад воланот бидејќи патувањето од Грејсмер до Графтон обично трае околу 10 часа.
Полицијата објави дека ќе ги испрашува децата во присуство на нивните родители, како и дека планира против нив да поднесе обвинение.
За да добијат возачка дозвола во Квинсленд и Нов Јужен Велс, кандидатите мора да бидат постари од 17 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.