Свет
Директорот на „Модерна“: Светот ќе мора да живее со Ковид-19 засекогаш

Извршниот директор на компанијата „Модерна“, Стефан Бансел, изјави дека коронавирусот ќе биде присутен засекогаш.
Многу водечки здравствени експерти сметаат дека постои голема веројатност дека Ковид-19 ќе стане ендемска болест, односно дека ќе биде трајно присутна, но веројатно во помали нивоа на зараза отколку денес.
Директорот на „Модерна“, компанијата која произведува вакцини против коронавирус, вели дека овој вирус не оди никаде.
What?
Moderna CEO says the world will have to live with Covid ‘forever’
https://t.co/GpuzNYUjeT— Daniel Lacalle (@dlacalle_IA) January 13, 2021
„Мислам дека ќе живееме со овој вирус засекогаш“, рекол тој за време на конфенреција за здравствена нега во организација на ЏП Морган.
Тој нагласил дека научниците постојано следат дали се појавуваат нови видови на вирусот, за да можат да се произведат вакцини.
Песимистичката прогноза ја даде и СЗО, која објави дека втората година од пандемијата на Ковида-19 може да биде потешка од првата, со оглед на брзината на ширење на вирусот, особено на северната хемисфера каде што циркулира заразен вид.
„Влегуваме во втората година од пандемијата, која може да биде потешка кога ќе видиме колку брзо се шири коронавирусот“, рече претставникот на СЗО, Мајк Рајан.
СЗО во најновиот извештај наведува дека минатата недела се регистрирани околу пет милиони нови случаи на коронавирус.
„По празниците, во некои земји ситуацијата ќе биде многу полоша пред да се подобри“, рече Марија ван Керхове, технички директор на СЗО за Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Киев бесен на Меркел: „Зборовите на поранешната канцеларка се неприфатливи“

Киев остро реагираше на тврдењата на поранешната германска канцеларка Ангела Меркел дека Полска и балтичките земји ги саботирале обидите за решавање на украинскиот конфликт во 2021 година, што, како што изјави таа, индиректно придонело за почетокот на „Новата светска војна“, објавува Политико.
Меркел во интервју изјави дека Франција и Германија потоа предложиле воспоставување нов формат за преговори со Русија, кој би ги заменил договорите од Минск, но Варшава и балтичките престолнини одбиле да ја поддржат иницијативата.
Таа проценка предизвика негодување во Киев, каде што висок украински функционер, според Политико, рекол дека зборовите на поранешната канцеларка се „неприфатливи и, искрено, одвратни“.
Во истото интервју, поранешната германска канцеларка, исто така, оцени дека обвинувањето дека унгарскиот премиер Виктор Орбан е „тројански коњ“ на рускиот претседател Владимир Путин во рамките на Европската Унија е „глупост“, посочувајќи на потребата да се запрат меѓусебните обвинувања во рамките на ЕУ и да се обнови дипломатскиот дијалог.
Фото: принтскрин
Свет
Светската здравствена организација тестира смртоносен сируп против кашлица

Светската здравствена организација (СЗО) побара информации од Индија за тоа дали сирупот против кашлица поврзан со смртни случаи кај деца во земјата е извезен во други земји, соопшти денес агенцијата.
СЗО изјави за Ројтерс дека ќе разгледа издавање глобално предупредување за медицински производ во врска со сирупот Колдриф откако ќе добие официјални информации од Њу Делхи, објави Ројтерс.
Според информациите од локалните власти, најмалку 17 деца под петгодишна возраст починале во текот на изминатиот месец откако консумирале сируп што содржел високи концентрации на токсичното соединение диетилен гликол, речиси 500 пати над законската граница.
Фото: принтскрин
Свет
(Видео) Бурата „Барбара“ ја зафати Романија: затворени училишта, луѓе качени на покривите на автомобилите за да преживеат

Бурата „Барбара“ предизвика огромни проблеми во Романија.
Поради бурата што зафати делови од Романија во вторникот вечерта и рано утрово, наставата беше откажана во училиштата, јавниот превоз беше привремено прекинат, дрвјата беа исечени, канализациите беа блокирани, а улиците беа поплавени, како и неколку згради во округот Констанца.
Според локалните власти, спасувачките екипи се бореа со последиците од бурата во Романија цела ноќ.
Алармантна ситуација се случи во Констанца, каде што водата однесе автомобил, а еден човек се качи на хаубата на автомобилот и чекаше да биде спасен. Тој е во болница поради хипотермија.
Интервентните екипи работеа на спасување на лицето, а исто така ја отстранија и водата од зградите и дрвјата што паднаа на електричните кабли.
„Поради силните временски услови, водата го однесе автомобилот, а патникот се засолни на хаубата. Интервентните тимови спасија уште две лица заробени во водата, кои беа на покривот на автомобилот“, известуваат властите.
Како превентивна мерка, градските власти утрово наредија привремено прекинување на сообраќајот на јавните автобуси, за да не се попречи интервенцијата на теренските тимови.
Наставата е откажана
Наставата е откажана во среда за повеќе од 109.000 ученици од 205 училишта во округот Констанца.
Циклонот што ја погоди Романија се вика „Барбара“.