Свет
„Добивме две пораки од Америка“: Иран се огласи по ескалацијата на конфликтот на Блискиот Исток
Иранскиот министер за надворешни работи, Хосеин Амир-Абдолахијан, рече дека САД испратиле две пораки до Иран во врска со ескалацијата во регионот.
„Првата порака вели дека САД не се заинтересирани за проширување на војната, а втората порака бара од Иран да се воздржи и инсистира Иран да побара и од другите земји и другите страни да се воздржат“, рече Абдолахијан за време на прес-конференцијата во Техеран.
„САД велат дека не се заинтересирани за проширување на војната, но во последните две недели покажаа дека се вклучени во проширување и ескалација на конфликтот во Газа со испраќање илјадници пратки оружје и целосна поддршка на ционистичкиот режим“, додаде тој.
Иранскиот министер за надворешни работи го повика американскиот претседател Бајден за, како што рече, „лицемерниот“ став на САД за човековите права во Газа.
Тој праша дали „смртта на повеќе од 5.000 цивили, жени и деца, повеќе од 20.000 ранети и стотици илјади бездомници е резултат на човековите права за кои зборуваше Бајден“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Техеран ја потврди смртта на врховниот лидер Али Хамнеи и објави 40 дена жалост
Иранскиот државен радиодифузер ја потврди смртта на врховниот лидер Али Хамнеи, неколку часа откако САД и Израел соопштија дека тој е убиен во вчерашните воздушни напади, објави „Иран интернешнл“.
Кратко по објавата за смртта на лидерот, иранскиот кабинет објави седумдневен државен празник и 40 дена национална жалост.
86-годишниот Али Хамнеи беше на власт речиси четири децении, од 1989 година. Имаше врховна власт, владееше со владата, со војската и со судството во шиитската Исламска Република.
Фото: ЕПА
Свет
Убиени и ќерката, зетот и внукот на ајатолахот Али Хамнеи, јавуваат иранските медиуми
Ќерката, зетот и внукот на врховниот лидер на Иран, Али Хамнеи, се убиени во нападите, соопшти новинската агенција “Фарс“, која е поврзана со Корпусот на Исламската револуционерна гарда, повикувајќи се на „добро информирани извори“ во канцеларијата на врховниот лидер, објави вечерва „Би-Би-Си“.
„Фарс“, исто така, соопшти дека „една од снаите на ајатолахот Хамнеи е исто така убиена во нападите“.
Извештаите за смртта на снаата и зетот на Хамнеи претходно циркулираа, но подоцна беа демантирани.
Иранските власти сè уште официјално не ја потврдија смртта на самиот врховен лидер на Иран.
Фото: ЕПА
Свет
(Видео) На улиците на Техеран, Иран, се слави убиството на Али Хамнеи
Со музика и танцување вечерва жителите на многу ирански градови слават за убиството на лидерот на Исламската Република, ајатолахот Али Хамнеи, објави на социјалните мрежи „Иран интернешнл“.
Видео од Техеран покажува насмеани луѓе излезени на улица откога ја добиле веста дека Али Хамнеи е убиен.
Во Караџ голем број граѓани танцуваат на улица, а жителите пак на Бандар Абас се излезени на улиците со автомобили и слават со сирените.
86-годишниот Али Хамнеи беше на власт речиси четири децении, од 1989 година. Имаше врховна власт, владееше со владата, со војската и со судството во шиитската Исламска Република.

