ЕУ има силен план да возврати на американските трговски царини и доколку е потребно ќе го искористи тоа, предупреди денеска претседателката на Европската комисија, Урсула фон дер Лајен.

„Нашата цел е решение преку преговори. Но, се разбира, доколку е потребно, ќе ги заштитиме нашите интереси, нашите луѓе и нашите компании“, рече Фон дер Лајен, обраќајќи се пред пратениците во Европскиот парламент во Стразбур.

Таа оцени дека за сите би било подобро ако се најде конструктивно решение, но нагласи дека Европа не ја започнала оваа конфронтација.

„Не мора да сакаме да возвратиме. Но, доколку е потребно, имаме силен план да возвратиме и ќе го искористиме“, рече Фон дер Лејен.

Истовремено, таа нагласи дека ЕУ има се што и е потребно за да го заштити својот народ и просперитетот.

„Го имаме најголемиот единствен пазар во светот. Имаме моќ да преговараме. Имаме моќ да возвратиме“, рече Фон дер Лејен.

Рече дека царините ги влошуваат работите и дека тие се даноци што ги плаќаат граѓаните.

„Царините само ќе ја поттикнат инфлацијата, што е спротивно на она што сакаме да го постигнеме. Американските фабрики ќе плаќаат повеќе за компоненти произведени во Европа. Тоа ќе чини работни места. Тоа ќе создаде бирократско чудовиште од нови царински процедури. А денес тоа никому не му треба, ниту во САД, ниту во Европа”, рече Фон дер Лејен.

Таа додаде дека ЕУ е отворена за преговори, на кои ќе им пристапи од позиција на сила.

„Европа има многу карти. Од трговија до технологија до големината на нашиот пазар. Но, оваа сила е изградена и на нашата подготвеност да преземеме силни контрамерки доколку е потребно. Сите инструменти се на маса“, рече Фон дер Лејен.

Таа додаде дека ЕУ ќе продолжи да ја диверзифицира трговијата со другите партнери и да го удвои единствениот пазар.

„Мораме да ги срушиме преостанатите бариери за да имаме единствен пазар“, рече Фон дер Лајен.

Таа потсети дека американската администрација најави зголемување на царините за 25 отсто за увоз на челик и алуминиум, автомобили и автоделови и наведе дека следните сектори кои ќе се соочат со царини ќе бидат полупроводниците, дрвото и фармацевтските производи.

Таа посочи и дека утре ЕУ очекува објава за таканаречените реципрочни царини кои ќе важат за речиси сите стоки и за многу земји во светот.

Претседателот на Европскиот совет, Антонио Кошта, во своето обраќање пред членовите на ЕП зборуваше за фокусот на лидерите на ЕУ на состанокот во март на конкурентноста и заедничкиот просперитет и рече дека Европскиот совет има јасно чувство за итност во однос на одбраната и конкурентноста.

Итно намалување на бирократијата, итна промоција на Сојузот на штедилници и инвестиции и итно одобрување на глобалната рамка за поголемо, подобро, побрзо и заедничко инвестирање во нашата одбрана“, рече Кошта.

Најмалку три лица загинаа, а седум се ранети во израелски воздушен напад утринава врз јужните предградија на Бејрут, соопшти либанското Министерство за здравство.

ИДФ тврди дека цел бил член на Хезболах

Претходно, либанската државна новинска агенција ННА објави дека израелскиот воздушен напад со два проектила бил насочен кон зграда во јужните предградија на Бејрут.

🚨An Israeli raid on the Southern suburbs of Beirut. Ambulances rush to the scene. pic.twitter.com/WyvnH74Pys

— Al-Amili العاملي (@resist_truth) April 1, 2025

Во соопштението на израелската војска се наведува дека цел на нападот бил член на Хезболах, кој претставувал непосредна закана за израелските цивили.

Во петокот израелски воени авиони бомбардираа и уништија зграда во населбата Хадат во јужните предградија на Бејрут, што го означи првиот израелски напад врз областа откога беше постигнат договор за прекин на огнот меѓу Израел и Хезболах на 27 ноември 2024 година.

Кревкиот прекин на огнот е во сила во Либан од ноември, со што стави крај на повеќемесечната прекугранична војна меѓу Израел и Хезболах, која ескалира во целосен конфликт во септември со илјадници смртни случаи.

Авион со повеќе од 200 патници, кој летал од Бали, Индонезија, до Мелбурн, Австралија, бил принуден да се врати назад кога патничка се обидела насилно да ја отвори вратата додека авионот бил над Индискиот Океан, соопшти нискобуџетската авиокомпанија „Џетстар“.

„Нашиот авион се врати на ‘Денпасар’ (аеродром во Бали) минатата ноќ кога патник предизвика вознемиреност со обидот да ја отвори вратата на авионот навредувајќи го и попречувајќи го нашиот персонал“, се вели во соопштението на компанијата за инцидентот, кој се случи во понеделникот вечерта на 31 март.

Jetstar has denied disruptive passengers are on the rise after a woman tried to open a door at 33,000 feet and a brawl erupted on another flight over a reclined seat: https://t.co/cYG6jF0pni pic.twitter.com/v423A3S72s

— The Australian (@australian) April 1, 2025

Патникот беше преземен од локалните власти на Бали по слетувањето, додаде „Џетстар“.

Според видеото што се појави на социјалните мрежи, жена што седела во задниот дел на авионот успеала да ја подигне рачката на вратата, но потоа бил активиран безбедносниот сигнал, кој го алармирал екипажот, по што капетанот ги предупредил патниците.

Податоците од порталот за следење летови Flightradar24 покажуваат дека авионот свртел еден час по полетувањето додека сè уште бил над Индискиот Океан.