Европа
Додик: Русија шири мир и стабилност
Лидерот на босанските Срби, Милорад Додик, уште еднаш ја пофали Русија, особено нејзината дипломатија тврдејќи дека таа шири мир и стабилност во светот.
Кабинетот на Додик испрати соопштение до медиумите по повод 10 февруари, кој Русија го одбележува како ден на својата дипломатија, а претседателот на Република Српска го искористи за уште еднаш некритички да го пофали сето она што го прави Москва.
Тој оцени како денешните дипломати на Русија, земјата што почна агресивна војна против Украина, ја продолжуваат традицијата на нивните претходници „работејќи за сопствената благосостојба, но и за земјите во светот, водејќи мировна политика со цел стабилна иднина на човештвото и почитување на основните принципи на меѓународното право и улогата на Обединетите нации“.
Додик тврди дека истото било и во случајот со Босна и Херцеговина, односно дека Москва постојано се залагала за почитување на Дејтонскиот договор.
Според него, Република Српска му должи вечна благодарност на поранешниот амбасадор на Русија во ОН, Виталиј Чуркин, бидејќи го спречи Советот за безбедност на ОН да донесе резолуција за осуда на геноцидот во Сребреница, извршен врз Бошњаците во јули 1995 година.
„Големиот светски дипломат (Чуркин) во тоа време ги покажа своите праведност, нескротливост и храброст“, вели сега Додик, на чие поттикнување беше поставена комеморативна плоча во источно Сараево поради гласањето во Советот за безбедност, на која пишува „Ви благодариме за руското ‘не’“.
Во јануари Додик предизвика скандал со својата одлука да му го додели орденот на РС на рускиот претседател Владимир Путин, главниот креатор на агресијата против Украина, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.