Свет
Дојавувач од Ватикан вели дека геј-мафијата ги блокира потребните реформи
Поранешниот амбасадор на Ватикан во САД изјави за „Вашингтон пост“ дека геј-мафијата во раководството на црквата ги блокира обидите сериозно да се справат со сексуалната злоупотреба во свештенството.
Надбискупот Карло Марија Вигано, во детално интервју чии фрагменти беа објавени во понеделникот, вели дека кризата околу сексуална злоупотреба ќе била многу помалку сериозна ако проблемот со хомосексуалноста меѓу свештенството бил чесно признаен и правилно решен.
„Со оглед на мноштвото докази, збунувачки е што зборот ‘хомосексуалност’ не се појавува ниту еднаш во кој било од неодамнешните официјални документи на Светиот Престол што се занимаваат со сексуална злоупотреба од страна на свештениците. Наместо тоа, геј-мафијата меѓу бискупите, кои сакаа да се заштитат себесиси, ги саботира сите напори за реформи“, изјави Виган.
На крајот од август минатата година надбискупот Вигано објави шокантен извештај од 11 страници во кој се наведува дека во 2013 година лично го информирал папата Франциско за сериската хомосексуална злоупотреба од страна на тогашниот кардинал Теодор Мекарик, но дека папата ги игнорирал информациите и го ставил Мекарик на позиција со влијание во Ватикан.
Во тој извештај, Вигано ги поврзал кризата со сексуалната злоупотреба меѓу свештенстото и прикривањето од страна на бискупите со широка хомосексуална мрежа во црквата.
„Овие хомосексуални мрежи, кои сега се широко распространети во многу епархии, семинарии, религиозни редови итн., дејствуваат под превезот на тајноста и лагите и ги задушуваат невините жртви, свештеничкиот позив и целата црква“, вели тој.
Во своите обвинувања, надбискупот не се воздржа од именувањата. Според Вигано, кардиналот Франческо Кокопалмерио и надбискупот Винченцо Паља, на пример, ѝ припаѓаат на хомосексуалната струја која ја попречува католичката доктрина за хомосексуалноста.
Во јануари 2015 година папата Франциско го назначи кардиналот Кокопалмерио за претседател на Одборот за правна заштита од свештениците прогласени за виновни за сексуална злоупотреба на малолетници. Во август 2016 година папата го именуваше надбискупот Паља за претседател на Папската академија за живот и за Голем канцелар на Институтот за студии за бракот и семејството „Папа Јован Павле Втори“.
Многу од наводно погрешните назначувања од страна на папата биле направени врз основа на препораките на Мекарик, тврди Вигано.
„Тој го следеше советот од некој што е добро познат како перверзен, со што експоненцијално го зголеми со неговата врховна власт злото што го стори Меккарик. И колку други лоши пастири папата Француско сé уште продолжува да ги помага во нивното активно уништување на црквата“, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.