Свет
„Дојче телеком“ нема да ги наплаќа разговорите меѓу Германија, Турција и Сирија
Германскиот телекомуникациски гигант „Дојче телеком“ објави дека нема да наплаќа за разговори меѓу Германија, Турција и Сирија до средината на февруари со цел да ја олесни комуникацијата по страшниот земјотрес, кој однесе илјадници животи. Компанијата нема да наплаќа од корисниците за разговори од 6 февруари ретроактивно до 15 февруари, а сите клиенти на „Телеком“ и на „Конгстар“ ќе бидат ослободени од таксата, се вели во соопштението објавено денеска.
„Фотографиите и извештаите, кои моментно ни пристигнуваат од Турција и Сирија, длабоко нè погодуваат и нè прават тажни. Нашите мисли се со жртвите и нивните семејства“, напиша извршниот директор на „Дојче телеком“, Тим Хотгес, на „Линкедин“. „Сакаме да покажеме солидарност“, додаде Хотгес посочувајќи дека многу работници на „Дојче телеком“ имаат семејни врски со Турција и Сирија.
Повеќе од три милиони германски државјани се со турско потекло, а Германија примила и еден милион сириски бегалци од граѓанската војна. „Дојче телеком“ планира да донира милион евра за хуманитарна помош.
Според моментно достапните податоци, земјотресот однесе повеќе над 11.000 животи во Турција и Сирија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Ќе ги донесеме сите заложници дома
Израелскиот премиер Бенјамин Нетанјаху го коментираше враќањето на првите жени заложнички во Израел.
Тој го поздрави ослободувањето на Роми Гонен, Дорон Штајнбречер и Емили Дамари.
„Овој момент е постигнат благодарение на пожртвуваноста и борбата на нашите херојски борци – хероите на Израел“, пишува Нетанјаху на „Икс“.
„Ветувам: сите ќе ги донесеме дома!“, додаде.
Свет
Tрите девојки кои Хамас ги држеше повеќе од година во заложништво се соединија со своите мајки
На профилот на Израел на „Икс“ објавени се емотивни фотогрфии од средбата на ослободените заложнички со нивните мајки.
Тие денеска се вратија дома, како дел од договорот за прекин на огнот, кој вклучува етапно ослободување на заложниците кои Хамас ги грабна на 7 октомври 2023 година, кога го напдна Израел, по што почна војната во Газа.
There’s nothing stronger than a mother’s embrace ❤️
Welcome home Emily, Doron and Romi 🇮🇱🎗️ pic.twitter.com/FLCc4qgLbz
— Israel ישראל (@Israel) January 19, 2025
Свет
Видео од моментот на преземање на заложничките од страна на израелската војска
Објавена е снимка на која израелската армија ги презема трите заложнички кои денес ги ослободи Хамас, како дел од договорот за прекин на огнот.
Девојките се пренесени во Израел.
🔴Μια στιγμή που δεν θα ξεχάσουμε ποτέ: Η Emily, η Romi και η Doron μεταφέρονται από τον Ερυθρό Σταυρό στους IDF 🇮🇱🎗️❤️ pic.twitter.com/ndH9UJISJC
— Israel in Greece 🇮🇱🇬🇷 (@IsraelinGreece) January 19, 2025
Објавена е и фотографија од заложничката Емили Дамари. Емили има преврзана рака, но изгледа добро расположена.