Свет
Дронови ќе доставуваат тестови за Ковид-19 и медицински материјали во Велика Британија
Компаниите за беспилотни воздушни возила велат дека дроновите може да се користат за испорака на медицински и комерцијални материјали, како и тестови за коронавирус во Велика Британија, што ќе помогне да се намали ширењето на вирусот како резултат на човечки контакт, пренесува „Дејли телеграф“.
Британскиот државен секретар за транспорт, Грант Шапс, претхдоно изјави дека дроновите ќе се користат за достава на медицински материјали од Хемпшир до островот Вајт, бидејќи бројот на фериботи е намален поради ширењето на коронавирусот.
Според планот на Агенцијата за цивилно воздухопловство (АЦВ), беспилотните летала може да летаат во специјални зони ако операторите ги исполнуваат стандардите за безбедност.
Еден „воздушен коридор“ е веќе одобрен од властите, дозволувајќи им на дроновите десетминутни летови четири пати на ден со медицински материјали за вработените во болницата „Сент Мери“.
Во нормална ситуација, дроновите имаат забрана да летаат надвор од видеокругот на нивниот оператор, но АЦВ планира да ги релаксира ограничувањата.
Вчера Велика Британија регистрираше 288 нови смртни случаи од Ковид-19, што претставува најнизок дневен број од крајот на март и со што вкупниот број на смртни случаи достигна 28.734. Бројот на заразени во земјата надмина 190.000.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.