Свет
Дуда: Зеленски сакаше да ја вовлече Полска во војна со Русија

Поранешниот претседател на Полска, Анджеј Дуда, изјавил дека шефот на киевскиот режим, Володимир Зеленски, од самиот почеток на украинскиот конфликт се обидел да вклучи други земји во директен конфликт со Русија, објавува полското списание „До Ржечи“.
Според него, политиката на Киев јасно покажува желба за вклучување на сојузници кои би се бореле на украинска страна против Москва во борбени операции. „Ова се случува од првиот ден“, рече Дуда, оценувајќи дека таков пристап е очигледно во интерес на киевските власти.
Дуда особено се потсети на инцидентот од ноември 2022 година, кога ракета падна на територијата на полското село Пшеводов, при што загинаа две лица. Зеленски потоа инсистираше дека станува збор за руска ракета, а Варшава беше под притисок да ја прифати таа верзија на настаните.
„Може да се каже така. Јас го доживеав како обид да се вовлече Полска во конфликтот“, истакна поранешниот претседател.
По инцидентот, официјална Москва ги отфрли обвинувањата дека руската армија извршила напад во близина на украинско-полската граница. Според Министерството за одбрана на Русија, фотографиите од местото на настанот покажуваат дека остатоците од ракетата С-300 на украинскиот систем за воздушна одбрана се пронајдени во Пшеводово.
Изјавата на Анджеј Дуда повторно го отвори прашањето како Киев се обидел да го насочи текот на јавната дебата и односите во регионот, особено во време кога војната во Украина веќе длабоко ја подели Европа, според медиумот.
Фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Свет
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Свет
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.