Свет
Еврокомесарот за буџет тврди дека Италија се обидува да ја уништи Европа
Европскиот комесар задолжен за буџетот, Гинтер Отингер, повторно ја нападна популистичката италијанска влада, обвинувајќи ја дека сака да ја уништи Европа. Отингер се жалеше на актуелната состојба на Европската Унија, тврдејќи дека популистичката евроскептичка коалиција на Лига и Движењето пет ѕвезди (М5С) активно се обидува да му наштети на политичкиот блок, пренесува „Ил џорнале“.
„Ако ме прашате мене, проектот (Европската Унија) се приближува до смртоносната опасност. Некои внатре во Европа сакаат да ја ослабат или дури да ја уништат”, рече Отингер, наведувајќи неколку земји, меѓу кои Италија, Полска и Унгарија, кои се во судир со Комисијата во Брисел поради прераспределбата на мигранти и други домашни прашања .
Нападот на Лига, на чие чело е италијанскиот министер за внатрешни работи, Матео Салвини, и М5, на чие чело е министерот за економски развој, труд и социјална политика Луиџи ди Мајо, не е прв од Отингер, кој минатата недела им се закануваше на Италијанците со санкции од ЕУ.
ЕУ го нападна популистичкиот лидер на Италија откако тој предложи исплатите кон Брисел да престанат поради неуспехот ЕУ да ја олесни мигрантската криза. Заканата уследи како одговор на изјавата на Ди Мајо, која доби поддршка од Салвини, за да ги прекине италијанските средства за ЕУ и да го искористи ветото на Италија за европскиот буџет.
Конфликтот меѓу ЕУ и Италија во голема мера се врти околу нерешеното мигрантско прашање зашто Италијанците би сакале и другите членки на политичкиот блок да преземат дел од новодојдените мигранти. Италијанците го направија барањето услов за да им дозволат на мигрантите повторно да влезат во Италија по наредбите на Салвини за затворање на италијанските пристаништа на бродовите на невладините организации кои се пренесуваат мигранти. Салвини ги нападна другите европски лидери, како францускиот претседател, Емануел Макрон, кого го нарече лицемер поради барањето Италија да дозволи влез на мигранти во земјата додека Франција ги зајакна граничните контроли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с