Свет
Егзекутирани седум членови на озлогласен култ во Јапонија
Седум лидери на култот Аум Шимрикио се егзекутирани во Јапонија, а меѓу нив и главниот лидер, Шоко Асахара. Тие во 1995 година извеле смртоносен напад со сарин на метро-станицата во Токио. Во тој напад, кој се смета за најлош терористички напад во земјата, загинале 13 луѓе, пренесе Би-би-си.
Некои од жртвите од нападот на метрото претрпеле тешки оштетувања на мозокот, кои предизвикале целосен инвалидитет. Според информациите, уште шест членови на тој култ ги чека смртна казна.
Егзекуцијата на членовите на култот била одложувана бидејќи се чекало да заврши жалбената постапка, што се случила во јануари.
Припадниците на оваа секта се одговорни за серија злосторства во Јапонија на крајот на осумдесеттите години и во првата половина од деведесеттите, во кои загинале 29 луѓе, а биле ранети околу 6 300 луѓе.
Нападот на метро-станицата бил изведен во моменти кога сектата била под присмотра на полицијата и им се заканувала забрана и апсење поради претходни злосторства.
Пред Токио, сарин употребиле и во градот Мацумотоу во 1994 година, кога загинале осум а биле повредени 200 луѓе, а во 1989 година членови на сектата брутално масакрирале адвокат и целото негово семејство.
Со пуштање сарин во пет вагони на три линии на подземната железница во Токио, припадниците на култот се обиделе да предизвикаат хаос и да инспирираат преврат во престолнината. Лидерот на култот, Шоко Асахара, пред ова злосторство им говорел на своите следбеници дека еден ден ќе ја собори владата и ќе ја урне државата и ќе стане крал на Јапонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден ги нарече Индија и Јапонија „ксенофобични земји“: Не сакаат мигранти, а тие се она што не прави силни
Американскиот претседател Џозеф Бајден ги нарече Индија и Јапонија „ксенофобични земји“ затоа што не сакаат да примат мигранти.
Тој го рече ова за време на говорот на настанот за собирање средства за неговата изборна кампања, во средата навечер, на донаторска вечера пред публика составена претежно од Азиски Американци., пишуваат тамошните медиуми. Бајден рече дека претстојните избори во САД се за „слобода и демократија“ и дека економијата на земјата напредува поради нив и многу други, „бидејќи САД ги пречекуваат имигрантите“.
„Зошто Јапонија има економски проблеми? Зошто Индија? Затоа што се ксенофобични. Тие не сакаат мигранти, а тие се она што не прави силни, бидејќи имаме прилив на работници кои сакаат да бидат тука и сакаат да придонесат“, додаде американскиот претседател.
На овие зборови на Бајден досега не реагираа ниту јапонската ниту индиската влада.
Свет
Директорката на американското разузнавање: Русија напредува на бојното поле, но војната во Украина нема да заврши наскоро
Директорката на Националната разузнавачка служба на САД, Аврил Хејнс денеска оцени дека војната во Украина нема наскоро да заврши, а развојот на ситуацијата на домашен и меѓународен план е во корист на рускиот претседател Владимир Путин.
Хејнс пред Комитетот за вооружени служби на Сенатот изјави дека Русија ги интензивирала нападите врз украинската инфраструктура за да ја намали способноста на Киев да распоредува војници и оружје, да го забави военото производство и да ја принуди Украина да ги разгледа преговорите.
„Сè поагресивните тактики на Путин против Украина, како што се ударите врз енергетската инфраструктура на Украина, имаат за цел да создадат впечаток во Украина дека продолжувањето на борбата само ќе ја зголеми штетата за Украина и нема да понуди пат до победата“, рече Хејнс.
Говорејќи пред Комитетот за проценка на заканите на САД во 2024 година, таа рече дека „оваа агресивна тактика веројатно ќе продолжи“ и „војната нема да заврши наскоро“.
Хејнс изјави дека Русија напредува на бојното поле и дека нејзините сили наскоро би можеле да направат тактички пробив во Доњецк и Харков, пренесува Танјуг.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.