Свет
Египет нема да ги повлече плановите за купување руски авиони „Су-35“
Русија, наводно, почнала со производство на 24 борбени авиони „Сухој Су-35“ за египетските воздухопловни сили во согласност со договорот вреден 2 милијарди американски долари потпишан меѓу двете земји во 2018 година, пренесува „Спутник“.
Испораката на првата серија беше закажана за почетокот на годинава, но процесот беше одложен поради избувнување на пандемијата на коронавирус што доведе до затворање на неколку погони за производство во Русија. Сега, кога земјата постепено се отвора, извештаите посочуваат дека производството е продолжено, а се очекува Москва да ги испрати првите авиони уште во третиот или четвртиот квартал на 2020 година.
И додека Египет ја чека испораката, Вашингтон го следи договорот со загриженост. Поевтин, способен да носи повеќе ракети и да лета подалеку од некои борбени авиони на Америка, Су-35 е наменет да ја оспори супериорноста на САД на небото.
Претходно беше објавено дека американската администрација му се заканила со казни во Каиро ако се осмели да продолжи со набавка на руски суперсонични борбени авиони од Русија од генерацијата 4++, но Магет Ботрос, професор по политички науки и ректор на египетскиот универзитет „Хелван“, вели дека Египетската Република нема за што да се грижи.
„САД блефираат. Тие им се заканија и на други земји, вклучително и на Турција, која беше предупредувана да не ги купува руските ракетни системи С-400, но ништо не се случи. Египет е суверена држава и никој, ни Вашингтон, не може да ни диктира што да правиме.”
Но, не беше секогаш така. Во 1972 година непосредно откако дојде на власт во Египет, претседателот Анвар ал-Садат реши да ја смени политиката на својот претходник и се приклони кон Западот, испраќајќи ги дома советски трупи што со децении беа позиционирани во Египет. Оттогаш, мешањето на САД во Египет се зголеми исто како и помошта што ја обезбедува Вашингтон. Во 1975 година таа достигна повеќе од 370 милиони американски долари што беше нагло зголемување во однос на 1962 година, кога американската помош внесе 200 милиони долари во египетската економија.
Низ годините помошта продолжи да расте, особено откако Каиро потпиша мировен договор со Израел во 1979 година, по што Вашингтон почна да испраќа воена помош во Египет. Според проценките, од 1978 година до денес САД вложиле повеќе од 50 милијарди долари во египетската војска, предизвикувајќи зависност од нивните дарежливи парични донации.
Пресвртот дојде по соборувањето на претседател Мохамед Морси, Египет влета во хаос што го користеа терористите за да извршат напади врз цивили и припадници на безбедноста во земјата. Во обид да се справи со тој предизвик, египетската војска побара од САД да му ги обезбеди хеликоптерите „апачи“за пронаоѓање и елиминација на терористите во оддалечените и тешко достапни места во Синај, но беше игнориран.
„Тогаш Каиро го сфати вистинското значење на поговорката ‘пријател е оној што ти се наоѓа во неволја’ и кога Абдел Фатах ал-Сиси дојде на власт во 2014, им рече на Американците дека става крај на зависноста на Египет од Вашингтон “, рече Ботрос.
Од 2014 година, Ал-Сиси напорно работи на диверзифицирање на изворите на воената опрема за да ја избегне зависноста од еден узвор од минатото. Во 2014 година Каиро порача две подморници од Германија, а една година подоцна ги купи борбените авиони „Рафале“ од Франција. Договори вредни милијарди се потпишани и со други земји, вклучувајќи ги Кина и Русија.
Сепак, ова може да биде тешка задача да се постигне ако се земе предвид дека голем дел од опремата во Египет сè уште е со американско потекло и дека земјата е најголемиот примател на американска помош по Израел. Сепак, Ботрос верува дека овие и други предизвици нема да го нарушат духот на Египет ниту ќе ја променат одлуката на Каиро да продолжи со својата политика за диверзификација.
„Американската воена помош претставува мал процент од вкупниот буџет на нашата војска. Плус, Египет има голем број извори на приход така што и во најлош случај, сепак, ќе бидеме можност да се извлечеме “, рече тој, осврнувајќи се на 11 милијарди американски долари што Каиро ги вложи во својата војска во 2019 година.
Освен тоа, Суецкиот Канал ја збогатува египетската економија со просечно 5 милијарди американски долари годишно. Каиро инвестираше и во своите резерви гас со надеж дека ќе ја претвори земјата во енергетски центар од каде што гасот може да стигне до Европа и Азија, а со тоа вбризгува милијарди долари во буџетот на земјата.
Затоа, смета Ботрос, САД не треба да ди ја пробуваат среќата со Египет затоа што ако го сторат тоа, и Каиро ќе биде принуден да повлече некои потези.
„Покрај каналот Суец, на Каиро му тежи зборот и во државите од Заливот, еден од главните пазари на САД. Признати се и дипломатските напори на Египет за стабилизирање на регионот. Затоа предлагам САД да не вршат притисок врз нас“, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Норвешка ќе издвои 6 милијарди евра за Украина
Норвешката влада денес го претстави нацрт-буџетот на државата за 2026 година, кој предвидува издвојување на 70 милијарди норвешки круни (околу 6 милијарди евра) за воена поддршка на Украина, објави норвешкото Министерство за одбрана.
Според информациите од норвешката влада, безбедноста и подготвеноста за вонредни ситуации се истакнати како клучни приоритети во буџетот за 2026 година. Министерството за одбрана изјави дека ова се рефлектира во буџетот за одбрана преку две главни мерки: понатамошно зајакнување на вооружените сили во согласност со долгорочниот план и продолжување на значајната воена поддршка на Украина.
Владата предлага зголемување на буџетот за одбрана за 4,2 милијарди норвешки круни (360 милиони евра) во 2026 година, со цел да се спроведе долгорочниот план за развој на одбраната.
Исто така, планира да продолжи да обезбедува итна помош за Украина во рамките на Програмата за поддршка на Нансен, започната во 2025 година, со вкупен буџет од 85 милијарди норвешки круни (7,2 милијарди евра) за 2026 година, од кои 70 милијарди круни (6 милијарди евра) ќе бидат издвоени за воена помош.
Кон крајот на август беше објавено дека Норвешка ќе издвои околу 7 милијарди норвешки круни (595 милиони евра) за зајакнување на воздушната одбрана на Украина. Покрај тоа, Норвешка, заедно со Шведска и Данска, ќе учествува со околу 465 милиони евра во набавката на американско оружје за Украина преку новиот механизам на Листата со приоритетни украински барања (PURL).
Фото: ЕПА
Свет
Два американски бомбардери Б-52 кружат во близина на Венецуела
Два американски бомбардери Б-52 кружат во близина на Венецуела, додека тензиите меѓу Вашингтон и Каракас продолжуваат да растат.
Во времето на пишување, бомбардерите сè уште биле видливи на Flight Radar, место за следење на воздушниот сообраќај.
Според UK Defence Journal, тие претходно беа видени како кружат околу Венецуела неколку пати пред накратко да исчезнат од цивилниот радар, а потоа повторно да се појават и да продолжат кон југ. Бомбардерите летаа во близина на Ла Орчила и Гран Роке, два венецуелски острови со воена инфраструктура.
Профилот на летот е во согласност со долготрајните обуки и патроли за одвраќање што Б-52 редовно ги спроведуваат од воздухопловната база Барксдејл низ Карибите, објави UK Defence Journal.
Овие мисии често тестираат издржливост, навигација и заедничка координација со регионалните партнери и се спроведуваат во рамките на меѓународниот воздушен простор. Сепак, близината на оваа специјална патрола до венецуелската територија и нејзината видливост на платформите за отворен надзор укажуваат на намерна сигнална вежба насочена кон зајакнување на досегот и подготвеноста на САД во регионот.
Претседателот на САД, Доналд Трамп, вчера изјави дека американскиот напад уништил мал брод за кој се тврди дека превезувал наркотици во близина на венецуелскиот брег, при што загинале шест лица.
Тензиите меѓу САД и Венецуела се зголемуваат во последните месеци, со серија американски воени напади врз бродови за кои се вели дека се вклучени во трговија со дрога во карипската област во близина на венецуелскиот брег.
Трамп најави неколку воздушни и поморски напади врз венецуелски бродови, ескалирајќи го конфликтот и тензиите во регионот.
САД ги обвинија венецуелските власти, особено претседателот Николас Мадуро, за вклучување во криминални активности, како што е водење на нарко-картели. Администрацијата на Трамп ги означи овие картели како организации поврзани со тероризам и ја зголеми наградата за информации за Мадуро на 50 милиони долари (43 милиони евра).
Во исто време, во регионот се испратени американски воени бродови и воени сили.
Венецуела одговори со зголемување на воената готовност, мобилизирање милиони цивили во боливарската милиција и прогласување вонредна состојба поради заканите од САД. Мадуро и венецуелските власти ја нарекоа секоја акција на САД агресија и кршење на суверенитетот, додека САД ги бранеа своите напади како легитимни мерки во војната против дрогата.
ОН повика на воздржаност, предупредувајќи дека ескалацијата ризикува дестабилизација на поширокиот регион. Правниот статус на американските напади врз бродовите останува спорен, а некои групи за човекови права ги нарекуваат незаконски убиства.
Договорите или дипломатските преговори меѓу двете земји се прекинати, додека реториката се интензивира и постојат индикации дека САД се заинтересирани да го отстранат Мадуро од власт.
фото:илустрација
Свет
Германија ѝ испраќа на Украина дополнителни 2 милијарди евра и системи за воздушна одбрана
Германија ќе ѝ обезбеди на Украина дополнителна одбранбена помош во износ од 1,98 милијарди евра, потврди германскиот министер за одбрана Борис Писториус.
Писториус нагласи дека Германија ќе продолжи и ќе ја прошири својата поддршка за Украина преку нови договори, при што новата помош ќе го надмине претходно споменатиот износ, објави украинскиот United24 Media.
Пакетот за поддршка ќе вклучува системи за воздушна одбрана, како што се ракети „Патриот“, радарски системи, прецизна артилерија, ракети и муниција.
Покрај тоа, Германија планира да испорача два дополнителни системи IRIS-T со голем број наведувани ракети, преносни противвоздушни системи, противтенковско оружје, модерна комуникациска опрема и лесно оружје.
Писториус, исто така, истакна дека Германија започнува проект за модернизација на оружјето испорачано досега во Украина со цел да се продолжи нивниот работен век и да се прилагоди на воените услови. Тој најави дека по состанокот ќе биде потпишан меморандум за соработка меѓу германската и украинската одбранбена индустрија.
Оваа најава доаѓа во време кога Европејците, поради неизвесноста околу американската поддршка, дополнително ја зголемуваат воената помош за Украина. Германија е втора земја во светот по вкупна воена и финансиска помош за земјата, заклучува United24 Media.
Фото: ЕПА
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
Откриена царинска измама со додатоци на храна во висина од 622 илјади денари: стоката ја пријавувале во погрешна тарифна ознака со пониски царински давачки
Кривична пријава за сторено кривично дело „царинска измама“ со увози на додатоци за исхрана е поднесена за увозник, шпедиции и...
Костовски: Нов модерен затворен базен во Бутел
Актуелниот градоначалник на Бутел и кандидат на локалните избори од ВМРО-ДПМНЕ, Дарко Костовски им најави на граѓаните на Општината дека...
Венециската комисија предлага јавниот обвинител да се избира и разрешува со квалификувано мнозинство во Собранието
Венециската комисија и Генералниот директорат за човекови права на Советот на Европа препорачуваат јавниот обвинител да се избира и разрешува...
„Од 2.500 на 5.000 денари ја зголемуваме еднократната парична помош за пензионерите“, најави Герасимовски
Кандидатот за градоначалник на Општина Центар од редовите на СДСМ и актуелен градоначалник Горан Герасимовски, информира дека од следната година...
„Милионски профити за фирми блиски до Заев преку тендери на ‘Марковски компани’ додека 600.000 граѓани живееja со 150 денари на ден“, велат од ВМРО-ДПМНЕ
„Додека инфлацијата во државата беше двоцифрена, а над 600 000 граѓани живееа со 150 денари на ден Заев и неговите...
Колку вреди македонскиот пасош: Македонците без виза може да посетат 129 дестинации
Првпат во историјата на Henley Passport Index, листата на најмоќни пасоши во светот повеќе не ги вклучува САД во првите...
Фон дер Лајен денеска во Скопје, ќе ја пречека премиерот Мицкоски
Претседателката на Европската комисија, Урсула фон дер Лајен, попладнево ќе пристигне во Скопје, во рамки на нејзината балканска турнеја. Таа...
(Видео) Трамп во пресрет на одлуката за Украина: „Имав добри односи со Владимир. Многу сум разочаран“
Неколку дена пред посетата на украинскиот лидер Володимир Зеленски на Вашингтон, американскиот претседател Доналд Трамп синоќа изјави дека е многу...
Прекини во снабдувањето со електрична енергија во дел од Украина, вклучително и во Киев
Преоптоварувањето на електричната мрежа и последиците од претходните руски напади доведоа до прекини во снабдувањето со електрична енергија во Киев...
Трамп го одликува Чарли Кирк
Американскиот претседател Доналд Трамп вчера му го додели на убиениот конзервативен активист Чарли Кирк Претседателскиот медал за слобода, највисокото цивилно...
Грчкиот парламент денес гласа дали ќе го воведе најдолгиот работен ден во Европа
Грчките пратеници денес треба да гласаат за контроверзна реформа што би ѝ овозможила на централно-десничарската влада да воведе 13-часовен работен...
(Видео) Најмалку 20 лица загинаа во пожар во автобус во Индија
Најмалку 20 лица загинаа во пожар во автобус во индиската држава Раџастан, објавија локалните медиуми. Автобусот превезувал повеќе од 50...
Трамп ги третира европските лидери како марионети во својот „куклен театар“, вели Карпович
Претседателот на САД, Доналд Трамп, гледа дека европските лидери му се целосно потчинети и се подготвени да реагираат на секој...
„Пренеси им поздрав и порака на нашите ангели“ – родителите од Кочани сочувствуваат со смртта на Панчо
Здружението на граѓани „16 март“, формирано од некои од родителите и семејствата на загинатите деца во пожарот во дискотеката „Пулс“...
Железничката станица не може да биде турбофолк-хаб, Ивановски ќе отстранува сѐ што не е во проектот од Кензо Танге
Железничката станица во најкус рок ќе биде исчистена од билборди, паноа и графити и ќе биде забрането да се поставуваат...
Андоновски: Македонија добива национален центар за вештачка интелигенција – почнува проектот „Везилка“
Министерот за дигитална трансформација, Стефан Андоновски, денеска официјално го претстави проектот „Везилка“ – Национален центар за вештачка интелигенција, капитален проект...
