Свет
Египет ја осуди одлуката за распоредување турска војска во Либија

Египет го осуди гласањето во турскиот парламент да дозволи распоредување турска војска во Либија.
Министерството за надворешни работи наведе дека распоредувањето на турската војска може негативно да влијае врз стабилноста на Медитеранскиот Регион и ја повика меѓународната заедница итно да одговори на овој потег, пренесе „Ројтерс“.
Турскиот парламент го одобри законот за испраќање турски трупи во Либија. Пратениците ја одобрија иницијативата насочена кон помагање на владата поддржана од САД во Триполи во борбата против силите на Калиф Хафтар, кои спроведуваат офанзива во либискиот главен град.
Турскиот претседател Реџеп Таип Ердоган минатиот месец рече дека либискиот премиер Фајез Сарај го замолил за помош.
Борбите меѓу меѓународно признатата влада и генералот Калиф Хафтар, кој владее на истокот на земјата, почнаа по соборувањето на долгогодишниот претседател Моамер ал-Гадафи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Големо невреме во Албанија, ветерот носеше сè пред себе

Невреме, проследено со силен ветер и обилен дожд вчера попладне ја зафати и територијата на Албанија, што услови прекин во воздушниот,поморскиот и на делови од патниот сообраќај.
„Силното невреме што ја погоди Албанија, предизвика привремен прекин на летовите на меѓународниот аеродром во Тирана. Пистата е погодена од силен ветер и дожд, што го оневозможува нормалното функционирање на летовите. Властите ги прекинаа летовите додека не се подобрат временските услови“, објави Евроњуз Албанија.
Невремето кое предизвика големи бранови услови прекин и на поморските сообраќај.
Во пристанишниот град Драч, како и во Тирана и други делови на земјата ветерот носеше се пред себе. Имаше паднати дрвја, а во повеќе делови имаше прекин во снабдувањето со електрична енергија.
Свет
Убиство на поранешниот претседател на украинскиот парламент, Парубиј е внимателно испланирано, вели Зеленски

Вчерашното убиство на поранешниот претседател на украинскиот парламент Андриј Парубиј, истакната личност во политичкиот живот на земјата, е „внимателно испланирано“, изјави претседателот Володимир Зеленски.
„За жал, злосторството беше внимателно испланирано“, рече Зеленски во својот дневен рапорт до граѓаните, додавајќи дека „се прави сè за да се реши злосторството“.
Поранешниот претседател на украинскиот парламент Андриј Парубиј, водечка личност на проевропската револуција Мајдан во 2014 година, беше убиен вчера на западот од земјата, објавија украинските власти, додавајќи дека по напаѓачот се трага.
Околностите на атентатот и причините зошто Парубиј бил цел не се познати.
„Неидентификуван маж испукал неколку куршуми кон Андриј Парубиј, убивајќи го на лице место“ во Лвов, град во западна Украина, соопшти канцеларијата на државниот обвинител.
Свет
Џеј Ди Венс „го запали пожарот“, сите се загрижени за здравјето на Трамп

Американскиот потпретседател Џеј Ди Венс го запали интернетот откако изјави дека е подготвен да ја преземе должноста доколку Доналд Трамп претрпи „страшна трагедија“.
„Ако, не дај Боже, се случи ужасна трагедија, не можам да замислам подобра обука на работното место од онаа што ја имав во последните 200 дена“, рече Венс за здравјето на американскиот претседател во интервју за „USAToday“, иако инсистираше дека 79-годишникот, најстариот претседател што некогаш положил заклетва, е во добра здравствена состојба и има „неверојатна енергија и покрај шпекулациите за неговото здравје“.
Белата куќа минатиот месец објави дека на Трамп му е дијагностицирана хронична венска инсуфициенција, проблем со циркулацијата што предизвикува оток околу неговите зглобови. Тие исто така рекоа дека модринките на раката на претседателот, која обично била покриена со шминка, се предизвикани од „мала иритација на меките ткива од чести ракувања и употреба на аспирин“.
Модринката на неговата рака, особено, е предмет на шпекулации и дискусии на интернет за вистинската состојба на здравјето на Доналд Трамп.
И по изјавите на Венс, интернетот експлодираше! Социјалната мрежа X експлодираше и трендот на објави „Трамп е мртов“ се шири незапирливо.
Според „CNBC“, во времето на пишување на нивната статија за овој тренд на социјалните медиуми во саботата, веќе имало 87.000 објави на „X“ – „Трамп е мртов“, но постојано се појавуваат нови објави во огромен број.
Од повременото отсуство на Трамп од јавни настани до претходно споменатата модринка на раката што се појавува веќе некое време, шпекулациите за здравјето на претседателот се во пораст.
Сепак, може да се каже дека овој тренд се должи исклучиво на Џеј Ди Венс со неговите коментари дека е подготвен да го замени Трамп во случај на „некаква трагедија“.
Трендот предизвика мешани реакции на социјалните медиуми, при што некои корисници се шегуваат за смртта на Трамп, а други изразуваат загриженост за неговото здравје.