Три земјотреси, од кои најсилниот со јачина од 3,4 степени според Рихтеровата скала, денеска ја погодија Патра, на западот на Грција, јавува „Катимерини“.

Сите три земјотреси се случиле за речиси еден час, а епицентарот бил на околу пет километри од општината Еримонтос.

Според податоците на Геодинамичкиот институт на Националната опсерваторија во Атина, првиот земјотрес се случил во 12.21 часот со измерени 2,9 степена според Рихтеровата скала.

Вториот земјотрес се случи во 13.11 часот со јачина од 3,4 степени според Рихтеровата скала, а третиот земјотрес е регистриран во 13.14 часот и беше со јачина од 3,1 степени според Рихтеровата скала.

Вистинската драма се одвивала во Тузла кога двајца полицајци и уште едно лице биле однесени од надојдената река, а по двете лица во тек е опсежна потрага, пишува „Аваз“.

Во поширокото подрачје на Тузла продолжува потрагата по две лица, кои изгубиле контрола во коритото на реката Јала. Како што пренесува „Кликс.ба“ од повеќе извори, станува збор за цивил и за полицаец.

Според медиумот, пожарникари, итната помош и полицајци во координирана акција успеале да извлечат едно лице од коритото на реката во Тузла, а се работи за полицаец што учествувал во потера.

Повредениот полицаец е пренесен на Универзитетскиот клинички центар во Тузла, а надлежните служби сѐ уште трагаат по неговиот колега и по уште едно лице.

Овој случај ја вознемири тузланската јавност, а полициската управа на МВР сѐ уште официјално нема соопштено за инцидентот.

Според написите, пратеник во Собранието на кантонот Тузла скокнал во надојдената река за да се обиде да ги спаси полицајците и цивилите што паднале во реката.

Од Министерството за внатрешни работи и врски за „Аваз“ велат дека засега не може да дадат информации и дека состојбата е сериозна.

Милорад Додик, претседателот на Република Српска, рече дека злоупотребата на судството на БиХ за политички цели продолжува.

„Колку што им одговара, ќе ѝ одговара на Република Српска затоа што овој проблем ќе се интернационализира. Муслиманите се обидуваат да направат сè со Сараево, како и неуставното обвинителство и судот на Босна и Херцеговина, да го инструментализираат тоа“, посочи Додик за РТРС коментирајќи го фактот дека судот на Босна и Херцеговина бараше распишување потерница по него и по Ненад Стевандиќ, претседател на Народното собрание на Република Српска.

Тој посочи дека никој не треба да се грижи за таква приказна.

„Како претседател на Српска, пред сѐ, ги почитувам одлуките на Народното собрание, во кои се е кажано, односно како треба да се постапи. Сѐ е јасно“, објасни Додик.

Тој посочи дека најважна му е Српска, во споредба со БиХ, која е промашена и пропадната земја, пренесува „Независне“.