Свет
Еден од најбогатите руски политичари е пронајден мртов пред хотел во Индија
Рускиот политичар, пратеник и мултимилионер Павел Антов, член на партијата на Путин, Единствена Русија, е пронајден мртов пред хотел во Индија, пишуваат британските таблоиди кои се повикуваат на индиски медиуми, по мистериозниот пад од прозорецот на хотелот.
Тие пишуваат дека рускиот тајкун, сопственик на позната фабрика за колбаси, скокнал од покривот на хотелот и бил пронајден во локва крв. Итно бил однесен во локална болница, но таму бил прогласен за мртов.
Антов бил на патување со тројца негови пријатели по повод неговиот 66-ти роденден. Медиумите јавуваат дека неколку дена пред него починал еден од неговите пријатели откако доживеал срцев удар. Додаваат дека не е исклучено Антов да се самоубил поради смртта на пријателот.
Смртта на Антов ја потврдил рускиот конзул во Калкута, објавувајќи дека Антов паднал низ прозорецот на хотелот.
„Внимателно ја следиме истрагата“, рече конзулот.
Антов во јуни го критикуваше нападот врз Украина и воздушните напади врз Киев ги нарече руски терор, пишува Дејли Мејл, но набрзо се извини за таквите изјави. Тој рече дека неговиот коментар е недоразбирање и дека секогаш го поддржувал Путин и целите на неговата воена операција.
Антов беше меѓу најбогатите руски политичари, двапати беше на листата на најбогати Руси на Форбс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.