Свет
Една четвртина од Германците сега имаат мигрантско потекло
Бројот на жители со мигрантско потекло во Германија достигна нов рекорд од 25,5 отсто од населението, а значителни 42 отсто од малите деца во Германија се со мигрантско потекло, пренесува „Кронен цајтунг“.
Новите податоци доаѓаат од извештајот на германската Федерална канцеларија за статистика објавен неделава, во кој се вели дека сега има 20,8 милиони германски жители што имаат барем еден родител роден во странство.
Од тие 20,8 милиони, нешто повеќе од половина, или 52 отсто, поседуваат германски пасош, а другите 48 отсто се државјани на странски земји. Нискиот наталитет, високата емиграција и масовната имиграција доведоа до драматично намалување на домородното население во Германија.
Во извештајот се наведува дека 13,5 милиони германски жители се мигранти и се посочува дека главната мотивација за преселба во земјата во 48 отсто од случаите е семејно обединување, познато и како верижна миграција.
Речиси 19 отсто велат дека се преселиле во Германија за вработување, а 15 отсто дошле во земјата како баратели на азил. Само пет отсто рекле дека се во Германија како дел од своето образование. Огромното мнозинство од мигрантите што дошле во Германија за да живеат со семејството, или 72 отсто, биле од друга европска земја, а околу половина од барателите на азил биле од регионот на Блискиот Исток.
Бројот на жители од мигрантско потекло бележи голем пораст од лани кога Заводот за статистика објави дека има 19,3 милиони жители со мигрантско потекло. Иако масовната миграција е главен фактор во брзите демографски промени во Германија, стотици илјади Германци исто така се селат во странство секоја година. Само во 2017 година речиси четвртина милион Германци се преселиле во странство.
Неколку германски градови забележаа големи демографски промени со тоа што Франкфурт во 2017 година стана првиот германски град во кој домородните Германци се малцинство, а по него следуваа и Офенбах, Хејлброн, Синделфинген и Форцхајм. Во Офенбах, само 37 отсто од населението се домородни Германци.
Неколку други големи германски градови покажуваат тренд домородното население да стане малцинство, како што е Нирнберг, во кој жителите со мигрантско потекло претставуваат 44,6 отсто од населението, Штутгарт, каде што процентот е 44,1 отсто и Минхен со 43,2 отсто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Добитничката на Нобеловата награда за мир: Наградата му ја посветувам и на Трамп
Венецуелската опозициска лидерка Марија Корина Мачадо, која денес ја доби Нобеловата награда за мир за 2025 година за нејзината борба против диктатурата во нејзината земја, наградата делумно ја посвети и на американскиот претседател Доналд Трамп, кој повеќе пати повтори дека ја заслужува.
„О Боже… немам зборови“, рече Мачадо во телефонски повик до секретарот на телото што ја доделува наградата, Кристијан Берг Харпвикен.
Нобеловиот комитет ја објави нејзината реакција на социјалните мрежи.
„Ви благодарам многу, но се надевам дека разбирате дека ова е цело движење, ова е достигнување на целото општество. Јас сум само една личност. Секако не ја заслужувам“, додаде таа.
This recognition of the struggle of all Venezuelans is a boost to conclude our task: to conquer Freedom.
We are on the threshold of victory and today, more than ever, we count on President Trump, the people of the United States, the peoples of Latin America, and the democratic…
— María Corina Machado (@MariaCorinaYA) October 10, 2025
Подоцна, во објава на платформата Икс на англиски јазик, таа напиша: „Ја посветувам наградата на страдалниот народ на Венецуела и на претседателот Трамп за неговата решителна поддршка за нашата кауза!“
Трамп е жесток критичар на венецуелскиот претседател Мадуро, а Соединетите Американски Држави се една од многуте земји во светот кои не ја признаваат легитимноста на неговата влада.
Белата куќа претходно ја критикуваше одлуката на Норвешкиот Нобелов комитет да се фокусира на Венецуела само неколку дена откако Трамп објави напредок во разговорите за прекин на борбите во Газа меѓу Израел и Хамас.
„Претседателот Трамп ќе продолжи да склучува мировни договори, да ги прекинува војните и да спасува животи… Нобеловиот комитет докажа дека ја става политиката пред мирот“, напиша портпаролот на Белата куќа, Стивен Чунг, на платформата Икс.
фото: принтскрин
Свет
Меланија Трамп: Путин одговори на моето писмо, украинските деца се вратија кај семејствата
Првата дама на САД, Меланија Трамп, денес објави дека разговарала со рускиот претседател Владимир Путин за репатријација на децата зафатени во војната во Украина и дека некои од нив се вратени кај нивните семејства и дека наскоро ќе има уште.
„Работиме на тоа“, изјави Меланија Трамп во соопштение од Белата куќа.
Таа додаде дека Путин одговорил на нејзиното писмо и дека тие имаат отворен канал за комуникација.
Сопругата на претседателот Доналд Трамп го истакнала тешкиот живот на децата во Украина и Русија во лично писмо до Путин, соопштија претставници на Белата куќа.
Трамп лично му го предал писмото на Путин за време на разговорите на самитот во Алјаска во август, соопштија претставници на САД.
Меланија Трамп, родена во Словенија, не му се придружи на својот сопруг на патувањето.
Москва тврди дека „ги штити ранливите деца од војна“
Украина го нарече киднапирањето на десетици илјади деца однесени во Русија или на окупирана територија без согласност на нивните семејства или старатели воено злосторство кое ги исполнува дефиницијата за геноцид според договорот на ОН.
Москва претходно тврдеше дека ги штити ранливите деца од воените зони.
Канцеларијата за човекови права на ОН соопшти дека Русија предизвикала страдање на милиони украински деца и ги прекршила нивните права откако започнала инвазијата на Украина во 2022 година.
фото: принтскрин
Свет
Трамп: Ви благодарам, претседателе Путин
Американскиот претседател денес на својот профил на социјалната мрежа Truth Social се заблагодари на рускиот претседател Владимир Путин, кој им се придружи на светските лидери во изразувањето поддршка за мировниот план на Доналд Трамп за Газа.
„Ви благодарам, претседателе Путин“, напиша Трамп на Truth Social.
Путин, како потсетување, денес изјави дека Трамп „прави многу за мирот“, наведувајќи го прекинот на огнот на Блискиот Исток како пример, но додаде дека не е негова работа да одлучи дали американскиот претседател ја заслужува Нобеловата награда за мир.
Доколку мировниот договор за Газа успее, тоа ќе биде „ништо помалку од историски настан“, рече Путин.
фото: принтскрин
(Видео) Филипче: Мицкоски од уста не ме вади
Претседателот на Социјалдемократскиот сојуз на Македонија, д-р Венко Филипче, на граѓанската трибина во Ѓорче Петров, рече дека ВМРО-ДПМНЕ и Христијан...
Мицкоски до Филипче: Професионално ли е што судот на Марковски за стомилионски криминал му дава куќен притвор?
Претседателот на ВМРО-ДПМНЕ, Христијан Мицкоски, се обрати од народниот митинг одржан во општина Богданци, во рамки на изборната кампања 2025...
Разрешен директорот на Клиниката за неврологија, проф. д-р Игор Кузмановски
Министерството за здравство информира дека министерот Азир Алиу денес донесе решение за разрешување на директорот на ЈЗУ Универзитетска клиника за...
Застреланиот лекар Шаини ја брани сопругата: Ги отфрлам тврдењата дека зад ова стои госпоѓата Арјета Ајдини
Застреланиот лекар Зекирија Шаини ги отфрли како неосновани и невистинити тврдењата дека неговата сопруга Арјета Ајдини е вмешана во вооружениот...
Српски државјани добија забрана за влез во земјата и парична казна од 4.000 евра за шверц на цигари, биле уапсени во Скопје
Основниот кривичен суд Скопје донесе пресуда врз основа на спогодба од Основното јавно обвинителство Скопје против двајца државјани на Република...
Поликлиника во Расадник со пари од унгарскиот кредит најавија Ѓорѓиевски и Стаменкоска-Трајкоска
По триесет години празни ветувања, поликлиниката во Расадник станува реалност, кажаа денес актуелниот градоначалник на Кисела Вода и кандидат за...
Нобеловата награда за мир ѝ е доделена на Марија Корина Мачадо од Венецуела
Нобеловата награда за мир ѝ е доделена на Марија Корина Мачадо од Венецуела. Норвешкиот Нобелов комитет соопшти дека таа ја...
(Фото) Општина Центар испрати протестна нота до австриската амбасада поради паркирано возило во пешачка зона
Општина Центар – Скопје испрати протестна нота до Амбасадата на Република Австрија поради непрописно паркирање и загрозување на безбедноста на...
Русија ѝ се заблагодарува на Србија за донацијата од речиси 6 милиони долари: „Посебна симболика“
Според соопштението на руското Министерство за надворешни работи, Србија обезбедила „финансиска хуманитарна помош во вредност од 472 милиони рубли (околу...
Филипче вика судството било професионално, а Марковски за криминал од 100 милиони добива само куќен притвор, велат од ВМРО-ДПМНЕ
Криминалот на СДС и договорените тендери со компанијата Марковски излегоа дека се вистинити. Фирмата Марковски која во период од 2...
(Видео) Силен земјотрес со јачина од 7,6 степени ги погоди Филипините, цунами се заканува и на Индонезија
Земјотрес со јачина од 7,6 степени ги погоди јужните Филипини, соопшти Филипинската сеизмолошка агенција, издавајќи предупредување за цунами кое беше...
(Видео) Руски ракети и беспилотни летала го погодија Киев, гореше облакодер во центарот на градот
Масивни руски напади запалија облакодер во центарот на Киев и ги таргетираа енергетските објекти, соопштија официјални лица. Украинската министерка за...
Судиите мора да судат според законот а не според партиски влијанија, време е за ресет на системот, порача Мицкоски
Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг одржан во општина Илинден, во рамки на изборната...
(Видео) Трамп: Ја завршивме војната во Газа
Претседателот на САД, Доналд Трамп, на состанок на кабинетот во Белата куќа изјави дека синоќа на Блискиот Исток е постигнат...
Владата усвои измени: Се укинува ослободувањето од ДДВ за онлајн пратки во вредност до 22 евра
Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања...
(Фото) Реализирано првото гаѓање со новата артилериска опрема ,,Боран’’ на АП Криволак
Денеска министерот за одбрана, Владо Мисајловски присуствуваше на армискиот полигон „Криволак“ каде беше извршено првото артилериското гаѓање со новите системи...
Нова истрага за злоупотреби во РЕК Битола против осум физички и едно правно лице
Основното јавно обвинителство Битола донесе Наредба за спроведување истражна постапка против осум физички и едно правно лице за продолжени кривични...
(Видео) „Избери време и место, избери и новинари, донеси и публика, излези да се соочиме, јас ќе дојдам сам“, му порача Максим Димитриевски на Филипче
Лидерот на Движењето ЗНАМ – за наша Македонија Максим Димитриевски денеска возврати на синоќешната изјава на лидерот на опозицијата Венко...
(Фото) Кривична пријава против две лица за криумчарење мобилни телефони „Ајфон“, случајот откриен на Ново Село
Поднесена кривична пријава против две лица за сторено кривично дело „криумчарење“ мобилни телефони „Ајфон“ во вредност од 355 илјади денари....
Ѓорѓиевски ја вети подземната кај „Лимак“ што ја ветуваа и Арсовска, Шилегов и Трајановски: Ќе ја смени сообраќајната иднина на градот
Проектот за подземната сообраќајница кај„Лимак“ не е само дел од мојата програма туку е вистински пресврт за централното градско подрачје,...
