Свет
Едногодишно дете тешко повредено во градинка во Франција: „Изгледаше како да бил во боксерски ринг“

Малиот Саша кој имал само една година се здобил со тешки повреди откако го гризнало друго дете во градинка во Франција.
„Кој го виде, мислеше дека бил на боксерски меч“, вели мајката на малиот Саша, кој минатиот четврток доживела шок кога дошла да си го земе детето.
Настанот се случил на 16 ноември, кога Саша, според неа, бил целосно изобличен кога пристигнала во градинката да го земе.
„Дојде ползејќи кај мене, а кога го видов, лицето му беше искривено. Бев шокирана“, вели мајката на малото дете кое оди во градинка недалеку од Ница.
Мајката вели дека наставниците и кажале дека прегратката меѓу Саша и другото дете тргнала наопаку. Имено, второто дете било „преплавено од емоции“, кои ги изразило со гризење на лицето на Саша.
Таа вели дека непосредно пред да го земе детето и се јавил директорот за да ја извести дека дошло до мал инцидент, а едно од децата го „гризнало“ нејзиниот син.
„Директорот ми рече: „Твојот син го гризнало дете по лицето, но не грижи се, се е во ред. Го погледна и докторката во градинката“, тврди мајката која вели дека после ваков повик никогаш не би се посомневала дека нешто страшно му се случило на синот.
Меѓутоа, кога го видела, сфатила дека тоа не е само мала повреда.
Уште едно мало момче го гризна Саша 20 пати по лицето и тоа прилично силно. Мајката вели дека не го обвинува детето, ниту неговата мајка, туку воспитувачите кои не биле повнимателни.
„Го однесов детето на лекар, кој изброи 20 каснувања. Ова не можеше да се случи во секунда, за едно дете да го направи ова, потребни се неколку минути. Тоа значи дека никој не ги надгледувал овие деца долго време”, вели мајката на момчето огорчена.
Иако на почетокот не сакала да прави проблеми, на крајот решила да ја тужи градинката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Русин и Германец снимале голи деца со мобилни телефони во камп на Истра

Полицијата на Истра во саботата уапси двајца мажи, еден Русин и еден Германец, кои тајно снимале голи деца во туристички камп. Двајцата беа однесени во полициската единица за притвор под сомнение за кривично дело експлоатација на деца за порнографија и беа обвинети за кривично дело.
Како што соопшти полицијата денес, во саботата, околу 12.45 часот, обезбедувач во туристички објект во областа Ровињ пронашол 56-годишен руски државјанин како тајно снима голи деца со својот мобилен телефон и го притворил додека не пристигнала полицијата.
Истиот ден околу 14.40 часот обезбедувач во истиот камп пронашол и 52-годишен германски државјанин како тајно снима голи деца со својот мобилен телефон и исто така го притворил додека не пристигнала полицијата.
Врз основа на налог од надлежниот суд полицијата ги претресе сместувачките единици, мобилните телефони со придружните мемориски картички што ги користеле осомничените и пронајде инкриминирачки материјал. Осомничените беа предадени на полициската единица за притвор во Истра вчера попладне со кривични пријави.
Свет
Сестрата на Ким го отфрла дијалогот со Сеул: „Ако се надеваат дека ќе ја свртат ситуацијата со неколку слатки зборови, нема полоша грешка од тоа“

Пјонгјанг нема причина да го продолжи дипломатскиот дијалог со Сеул, изјави денес сестрата на севернокорејскиот лидер Ким Џонг-ун и покрај изразената желба на новиот јужнокорејски претседател Ли Џе Мјунг да ја смири ситуацијата, објави севернокорејската агенција КЦНА.
„Уште еднаш го разјаснуваме официјалниот став, а тоа е дека, без оглед на политиката што ја усвојува Сеул или каков предлог е даден, ние не сме заинтересирани за тоа и нема причина за средба со Република Кореја или за каков било разговор со неа“, рече Ким Џо Џонг, која е исклучително влијателна личност во севернокорејската дипломатија.
Сестрата на Ким Џонг-ун зборуваше за неповратната некомпатибилност меѓу двете земји, кои технички сè уште се во војна. Нивниот конфликт заврши во 1953 година со примирје, но не и со мировен договор.
Нејзината изјава доаѓа откога јужнокорејскиот претседател Ли Џе-мјунг, кој дојде на власт на почетокот на јуни, вети дека ќе стапи во контакт со Пјонгјанг тврдејќи дека „без разлика каква е цената, мирот е подобар од војната“.
Сеул оттогаш престана да емитува антисевернокорејска пропаганда преку звучници по должината на границата. Набргу потоа Северна Кореја престана да емитува вознемирувачки звуци, што ги вознемируваа жителите на југот во близина на границата дење и ноќе.
Сепак, ова ублажување на тензиите не значи дека Јужна Кореја може да верува во дипломатско ублажување на притисокот, предупреди Ким Џо Џонг. Ако Сеул се надеваше дека ќе ја сврти ситуацијата „со неколку слатки зборови, нема полоша грешка од тоа“, додаде таа.
Новиот претседател на Јужна Кореја изјави дека сака прекуграничен дијалог, без предуслови.
Фото: принтскрин
Свет
(Видео) Неидентификуван дрон влезе во воздушниот простор на Литванија

Неидентификуван дрон влезе во литванскиот воздушен простор утрово, најверојатно од правец на Белорусија, објави литванската јавна телевизија ЛРТ.
„Според добиените извештаи, дронот е забележан на висина од речиси 200 метри и последен пат е виден во близина на Вилнус. Не е јасно за каков дрон станува збор, ќе ги ажурираме информациите“, изјави Дариус Бута, претставник на литванскиот Национален центар за управување со кризи.
🇱🇹 UAV from Belarus has again flown into Lithuania, spotted near the capital Vilnius, — LRT. pic.twitter.com/LE5CjMIFSz
— MAKS 25 🇺🇦👀 (@Maks_NAFO_FELLA) July 28, 2025
Литванските власти објавија дека сите надлежни служби работат на лоцирање на можното место на кое се урна дронот и ги предупредија жителите да не се приближуваат кон дронот под никакви околности.
„Денес, времето е поволно за метеоролошки балони, кои шверцерите ги користат за транспорт на својата стока. Сè уште не можеме да прецизираме за каков вид предмет или предмети станува збор“, нагласи литванскиот министер за одбрана, Довиле Сакалиене.
Министерот исто така истакна дека претстојните воени вежби во Белорусија ја зголемуваат веројатноста за инциденти, дури и ненамерни. Во вежбите „Запад 2025“, кои се очекуваат кон средината на септември, ќе учествуваат приближно 13.000 војници и се меѓу најголемите заеднички вежби организирани од Русија и од Белорусија.
Белорусија, според написите во медиумите, е важен сојузник на Русија за време на војната во Украина. Руските сили ја користеа белоруската територија како појдовна точка за инвазија. Украинската разузнавачка агенција неодамна предупреди дека Минск ги засили своите хибридни операции со насочување на нелегални мигранти кон границите на Европската Унија.
Руски беспилотни летала залутаа на територијата на Полска, Молдавија и Романија за време на претходните напади врз Украина. Покрај тоа, руски беспилотен авион со бојна глава се урна во Латвија во септември минатата година, пишуваат медиумите.
Фото: принтскрин