Свет
Екипажот на бродот што го урна мостот во Балтимор заробен во пловилото од несреќата
Кога контролирана експлозија го потресе „Дали“ во понеделникот, дваесетина морнари останаа на бродот под палубата во масивниот труп на пловилото. Во исто време, експлозии урнаа делови од некогаш иконскиот мост „Френсис Скот ки“ во Балтимор во темните води на реката Патапско во американската сојузна држава Мериленд, седум недели по несреќата на мостот, во која загинаа шест лица, а „Дали“ остана заробен.
Властите и екипажот се надеваат дека уривањето ќе го означи почетокот на крајот на долгиот процес, кој ги држи 21 лице на бродот заробени и отсечени од светот, илјадници километри од нивните домови, пишува Би-би-си.
Но, сè уште не е јасно кога ќе може да се вратат дома.
„Дали“, контејнерскиот брод долг 289 метри, беше на почетокот на 27-дневното патување од Балтимор до Шри Ланка кога удри во мостот „Френсис Скот ки“ истурајќи илјадници тони челик и цемент во реката. Бродот бил заглавен под огромно количество урнат метал.
Прелиминарниот извештај на Националниот одбор за безбедност на транспортот посочи дека два прекина на струјата ја оневозможиле опремата на бродот пред несреќата, а бродот изгубил струја двапати и 10 часа пред ударот.
Екипажот се состои од 20 државјани на Индија и Шри Ланка, кои не можеа да се симнат поради визните ограничувања, недостигот на потребните пропусници и истрагите на НТСБ и ФБИ. Во понеделникот екипажот остана на бродот, иако властите употребија мали експлозивни полнења за намерно да го отсечат делот од мостот што лежеше на лакот на бродот.
Пред контролираното уривање адмиралот на американската крајбрежна стража Шенон Гилрет рече дека екипажот ќе остане под палубата со противпожарна екипа на подготвеност. „Тие се дел од бродот. Тие се неопходни за бродот да биде обучен и оперативен. Тие најдобро реагираат на самиот брод“, рече адмирал Гилрет.
Иако оваа недела бродот најверојатно ќе може повторно да плови, останува нејасно кога ќе може да ги помине двете наутички милји (3,7 километри) до пристаништето. Меѓу оние што биле во контакт со екипажот е Џошуа Месик, извршен директор на Меѓународниот центар за морнари во Балтимор, непрофитна организација, која ги штити правата на морнарите.
Според Месик, екипажот во голема мера бил отсечен од комуникација со надворешниот свет откога ФБИ им ги запленил мобилните телефони за истрага: „Не може да пристапат до онлајн-банкарството. Не може да си ги платат сметките дома. Тие немаат никакви информации, така што во моментот се навистина изолирани. Едноставно, не може да дојдат до луѓето на кои им требаат, ниту да си ги видат фотографиите од своите деца пред да заспијат. Тоа е навистина тажна ситуација“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Голема штета на аеродромот во Јамајка
Екстремно моќниот ураган Мелиса стигна до копното на Куба откако вчера ја опустоши Јамајка. Тоа е најмоќната бура со која островската нација некогаш се соочила.
Нема потврдени смртни случаи, но голем дел од Јамајка е без струја и интернет, а со оглед на силата на бурата и обемот на штетата, се очекува да биде така. Агенциите за помош велат дека „се подготвуваат за најлошото“.
Има голема штета на меѓународниот аеродром Сангстер во Монтего Беј, Јамајка.
Свет
Вештачката интелигенција под лупа: звучи уверливо, но често греши
Студија на Европската радиодифузна унија (ЕБУ), во која учествувале 68 јавни радиотелевизии од 56 земји, покажала дека најпопуларните системи со вештачка интелигенција – како ChatGPT, Claude и Gemini – измислуваат и до 40 отсто од своите одговори, претставувајќи ги како факти, пренесе Дојче веле.
Истражувањето утврдило дека системите често даваат уверливи, но неточни информации, особено кога станува збор за регионални теми, актуелни настани или сложени прашања што бараат поврзување повеќе извори. Експертите овој феномен го нарекуваат „халуцинација“, односно создавање на лажни, но звучно уверливи податоци.
Последиците, според анализата, се сериозни: корисниците несвесно шират дезинформации, ученици и студенти внесуваат неточни податоци во своите трудови, а граѓаните може да донесуваат политички или други важни одлуки врз основа на невистини.
EBU препорачува никогаш да не се верува слепо на chatbot-ови, да се проверуваат сите важни информации и да се користат проверени медиуми за факти. Технологијата може да биде корисна за креативни задачи, но не е погодна како проверувач на факти или замена за новинарство.
Европа
Белгиски министер: Ќе ја срамниме Москва со земја ако го нападнат Брисел
Белгискиот министер за одбрана, Тео Франкен, тврди дека НАТО ќе ја „срамни со земја Москва“ доколку Русија некогаш го нападне Брисел. Во опширно интервју, Франкен се осврна на низа итни стратешки прашања, вклучувајќи ја војната во Украина, европската одбрана и нуклеарното одвраќање, објави „The Brussels Times“.
Кога директно го прашаа дали се плаши дека рускиот претседател Владимир Путин може да започне конвенционален ракетен напад врз Брисел, неговиот одговор беше недвосмислен: „Не, бидејќи тогаш тој би го погодил срцето на НАТО, а потоа ние би ја срамниле Москва со земја“.
Франкен изрази силна поддршка за американското лидерство во рамките на НАТО и ја повтори својата доверба во Член 5, клаузулата за заемна одбрана што е основа на Алијансата.
На прашањето дали американскиот претседател Доналд Трамп би го почитувал Член 5, Франкен одговори потврдно. „Секако дека би го сторил тоа. Во Европа има многу предрасуди против американската влада. Зошто не би го почитувал Член 5?“

Франкен рече дека е повеќе загрижен за употребата на хибридно војување од страна на Русија отколку за заканата од конвенционален напад. „Крстосувачки проектил врз Брисел? Јасно е дека тоа би го активирало Член 5, без разлика која дефиниција ја користите. Путин нема да го стори тоа“, рече тој.
„Повеќе сум склон кон сценарио со сива зона: ‘мали зелени луѓе’ кои го поттикнуваат рускојазичното малцинство во Естонија против „нацистичкиот режим“. Пред да се свестите, тие анексираа дел од Естонија“, објасни министерот.
Министерот за одбрана не покажа ентузијазам за идејата за заедничка европска армија. Тој ги критикуваше поголемите европски земји за „максимизирање на сопствените пазари“ и праша како земјите кои во моментов не можат ниту да соработуваат во набавката на одбранбена опрема би можеле да ги интегрираат своите национални армии.
„Секој што верува во европска армија продава магла“, рече тој. „За среќа, го имаме НАТО, кој повторно ја докажа својата ефикасност со воздушната одбрана во Полска и Естонија“.
фото: принтскрин

