Свет
Експертите тврдат: Првите вакцини против коронавирус можеби нема да штитат од зараза

Светот наоѓа начини да ја спаси економијата од последиците од кризата предизвикана од пандемијата на коронавирус, а еден од очајните потези би можел да вклучува и согласност за вакцина која ќе спречи вистинска болест и смрт на луѓето, но не и зараза со коронавирус, пишува „Блумберг“.
Додека крајната цел ќе биде вакцина што ќе го победи вирусот, раните форми на вакцината би можеле да дојдат со одредени ограничувања, предупредува Робин Шаток, професор на Империјал колеџ во Лондон, кој учествува во развивање на еден од кандидатите за вакцина против коронавирус.
И додека земјите ширум светот се обидуваат што поскоро да излезат од карантинот, експертите работат на пронаоѓање вакцина за да го вратат животот во претпандемиската состојба што е можно поскоро, во т.н. нова нормала.
Најмалку едно од истражувањата веќе достигна фаза на тестирање на потенцијална вакцина кај луѓето откако се потврдени добри ефекти врз одредени болести, но помалку на инфекции, кај животни. Експертите велат дека овој вид вакцина ќе биде во широка употреба, доколку биде одобрена, и покрај тоа што ќе спречува посериозна болест, но не и зараза. Барем додека не се појави подобро решение на пазарот.
„Вакцините треба да штитат од болести, но не и од зараза“, вели Денис Бартон, имунолог и истражувач за вакцини од „Скрипс истражувања“ во Ла Јола, Калифорнија.
Постојат и недостатоци. Иако тие имаат потенцијал да спасат животи, ваквите вакцини можат да доведат до релаксација во земји каде што луѓето доживеале заситеност со карантин, вели Мајкл Кинч, експерт за развој на лекови на Универзитетот Вашингтон во Сент Луис.
„Мислам дека овие луѓе нема да сфатат дека и покрај вакцината, сепак се подложни на зараза“, додава тој.
Вакцините се меѓу најефикасните оружја против заразни болести и спречуваат до три милиони смртни случаи годишно, според податоците од Светската здравствена организација (СЗО).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.