Свет
Експертите на СЗО: Кинеските вакцини се безбедни и ефикасни
Вакцините на кинеската лабораторија „Синофарм“ и „Синовак“ се покажаа безбедни и ефикасни против Ковид-19, но потребни се дополнителни податоци, објавија денес експертите од Светската здравствена организација (СЗО).
Таа процена ја направи Советничката стратешка група на експерти за вакцинација (САГЕ), тело на СЗО, кое се состана од 22 до 25 март. Овие експерти се одговорни за давање препораки во врска со вакцинацијата.
Во документот во кој се сумираат главните точки иницирани на состанокот, експертите велат дека двете кинески вакцини, за кои е поднесено барање за одобрување до СЗО, покажале дека се безбедни и ефикасни против Ковид-19 кога пациентот има симптоми.
„Сепак, нема податоци кога станува збор за стари лица и лица што страдаат од други болести“, наведоа експертите.
Откога ќе се додадат овие податоци, ќе бидат потребни студии за ефикасноста и безбедноста на двете вакцини за тој сегмент од популацијата.
Одлуката на СЗО за барањето за одобрување на вакцините на „Синофарм“ и „Синовак“ се очекува најрано на почетокот на април.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.